Sa regorta de firmas pro su Referendum pro sa Cannabis lompet a 500.000, sa tzifra mìnima chi at a permìtere a su cuesitu de andare a su votu in su beranu de su 2022.

Su Referendum Cannabis est promòvidu dae is Assòtzios Luca Coscioni, Meglio Legale, Forum Droghe, Società della Ragione, Antigone e dae is partidos +Europa, Possibile e Radicali italiani. Is organizadores invitant a andare a in antis cun a su mancu un’àteru 15% de firmas in prus pro seguridade.

Is organizadores ant naradu chi si tratat de unu resurtadu istravanadu ma chi non ddos at ispantados: segundu su parre issoro dae tempus tocaiat intervènnere subra de su tema de sa cannabis e cun sa firma digitale in pagas dies su tema est esplòdidu.

Sa lestresa de sa mobilitatzione cunfirmat sa gana de cambiamentu subra da cannabis, ma fintzas de partetzipatzione a is detzisiones subra chistiones chi tocant sa persone. Immoe però at a bisongiare collire un’àteru 15% in prus de firmas pro èssere seguros de pòdere cunsignare su referendum in Cassatzione su 30 de cabudanni.

S’arribu a muntone de rechestas in su portale at fintzas fatu abrandare sa regorta, su Comitadu s’est iscusadu de is problemas e invitat a totus a torrare a provare.

In una chida sunt istados collidos 145.000 èuros de is 500.000 netzessàrios, ogni firma digitale tenet difatis su costu de 1,05 èuros. Su Comitadu at bòlidu torrare gràtzias a s’Assòtziu Luca Coscioni pro s’agiudu e promovet un’apellu nou pro fàghere fintzas piticas lassas chi, paris is firmas, in su giassu -www.referendumcannabis.it-

Gràtzias fintzas a s’isponsorizatzione e a su contributu de Just Mary e Crystal weed is organizadores sunt ti resèssere a sustentare parte de is costos. Su Referendum Cannabis est promòvidu dae is Assòtzios Luca Coscioni, Società della Ragione, Antigone e dae is partidos +Europa, Possibile e Radicali italiani.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Non mancaiat nemos de is personalidades americanas de importu pro is cumemoratziones de is atentados de s’11 de cabudanni 2001, una data chi at signadu s’istòria de s’òmine modernu.

Su presidente de is Istados Unidos, Joe Biden, cun sa First Lady Jill, sunt a bisitare is tres logos de is atacos terrorìsticos, segundu su programa de sa Domo Bianca.

Sa còpia est istada a New York City, a Shanksville in Pennsylvania e a su Pentàgonu a Arlington, in Virgìnia. S’ex presidente Barack Obama e s’ex prima sennora Michelle partètzipant a sa tzerimònia in Manhattan, gasi comente s’ex presidente Bill Clinton e s’ex candidada a sa presidèntzia e ex segretària de Istadu Hillary Clinton.

Fintzas Donald Trump est in New York: s’ex presidente andat a Ground Zero ma solu a pustis de Joe Biden. Su magnate difatis non partètzipat a peruna tzerimònia ufitziale pro is 20 annos de s’atacu a s’Amèrica. A pustis de sa bìsita a Ground Zero, Trump bolat in Florida acanta in serada at a èssere su cummentadore de un’addòbiu de boxe. A rivelare sa bìsita in New York est su matessi Trump in un’intervista a Fox. In Ground Zero sa tzerimònia est cumintzada cun s’innu de is Istados Unidos, a su cale est sighidu su primu de is diversos minutos de mudìmene previstos in sa die.

A sighire, dae in antis unu pùblicu mannu, a su presidente Joe Biden, a sa vitze Kamala Harris, a is ex Barack Obama e Bill Clinton, totus acostagiados dae sos rispetivos cumpàngios, is parentes de is vìtimas si sunt donados su càmbiu in su palcu elenchende is nùmenes de totus is chi sunt mortos cudda die e cun testimonias vàrias.

Is parentes sunt mutidos a ammentare totus is tres mìgia mortos de is atacos a is turres gemellas.

Bruce Springsteen dae su palcu, bestende unu bestire iscuru e corbata, at cantadu sa cantzone sua de su 2020 ‘I’ll see you in my dreams’. Is presentes si sunt abbratzados e cummòvidos.

Dae sa sede de s’Otan in Bruxelles, s’interventu de su segretàriu generale Jens Stoltenberg.

Mancari sa situatzione atuale de s’Afganistàn pàrgiat unu pantasma meletzosu.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22