Non mancaiat nemos de is personalidades americanas de importu pro is cumemoratziones de is atentados de s’11 de cabudanni 2001, una data chi at signadu s’istòria de s’òmine modernu.

Su presidente de is Istados Unidos, Joe Biden, cun sa First Lady Jill, sunt a bisitare is tres logos de is atacos terrorìsticos, segundu su programa de sa Domo Bianca.

Sa còpia est istada a New York City, a Shanksville in Pennsylvania e a su Pentàgonu a Arlington, in Virgìnia. S’ex presidente Barack Obama e s’ex prima sennora Michelle partètzipant a sa tzerimònia in Manhattan, gasi comente s’ex presidente Bill Clinton e s’ex candidada a sa presidèntzia e ex segretària de Istadu Hillary Clinton.

Fintzas Donald Trump est in New York: s’ex presidente andat a Ground Zero ma solu a pustis de Joe Biden. Su magnate difatis non partètzipat a peruna tzerimònia ufitziale pro is 20 annos de s’atacu a s’Amèrica. A pustis de sa bìsita a Ground Zero, Trump bolat in Florida acanta in serada at a èssere su cummentadore de un’addòbiu de boxe. A rivelare sa bìsita in New York est su matessi Trump in un’intervista a Fox. In Ground Zero sa tzerimònia est cumintzada cun s’innu de is Istados Unidos, a su cale est sighidu su primu de is diversos minutos de mudìmene previstos in sa die.

A sighire, dae in antis unu pùblicu mannu, a su presidente Joe Biden, a sa vitze Kamala Harris, a is ex Barack Obama e Bill Clinton, totus acostagiados dae sos rispetivos cumpàngios, is parentes de is vìtimas si sunt donados su càmbiu in su palcu elenchende is nùmenes de totus is chi sunt mortos cudda die e cun testimonias vàrias.

Is parentes sunt mutidos a ammentare totus is tres mìgia mortos de is atacos a is turres gemellas.

Bruce Springsteen dae su palcu, bestende unu bestire iscuru e corbata, at cantadu sa cantzone sua de su 2020 ‘I’ll see you in my dreams’. Is presentes si sunt abbratzados e cummòvidos.

Dae sa sede de s’Otan in Bruxelles, s’interventu de su segretàriu generale Jens Stoltenberg.

Mancari sa situatzione atuale de s’Afganistàn pàrgiat unu pantasma meletzosu.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Derrota mala a ingùrtere pro su Casteddu a s’Unipol Domus, pro 2-3, contra su Genoa de Ballardini.

Delusu meda Leonardo Semplici: su Casteddu, in vantàgiu de duos gol in domo, est istada sighidu e sorpassadu dae is lìgures chi s’ant leadu a domo sa vitòria.

Intervistadu dae is giornalistas a s’agabbu de sa partida, su tècnicu casteddaju non chircat iscusas, ma ispiegat ma chircat de ispiegare chi chi est capitadu.

Difatis Simplici at sutaliniadu is vàrios problemas tentos a intre chida, a càusa de is medas ausèntzias e de is giogadores infortunados. Difatis una pariga de custos ant giogadu a pustis de pagos allenamentos e su tzentruainantis Pavoletti – fondamentale pro s’atacu de is sardos – no est istadu ischieradu.

In prus un’àtera iscumìniga durante sa partida est istada s’ingollidura de Walukiewicz chi est istadu sostituidu dae Caceres. Pro 60’ s’est bidu unu bonu Casteddu posca de is errores individuales ant portadu a sa derrota finale.

Sa partida si fiat posta bene pro is sardos giai a su 15’, cun su tiru de rigore assignadu a su Casteddu pro aterramentu de Sabelli in is cunfrontos de Keita: tirat Joao Pedro e tirat Sirigu pro su gol de su vantàgiu isulanu.

A su cumintzu de sa ripresa su Casteddu torrat a marcare rete cun unu corpu de conca de Ceppitelli servidu dae su tiru dae s’àngulu de Marin, ma calicunu minutu a pustis su Genoa incurtzat is distàntzias: travessa de Cambiaso, Caceres si perdet de vista a Destro chi de conca passat sa difesa de Cragno.

A binti minutos dae s’agabbu arribbat su parègiu de su Genoa cun unu corpu de conca de Fares sercidu dae su tiru dae s’àngulu de Rovella. Ma su corpu finale arribbat pagu a pustis, torra cun su de Fares, chi marcat de conca su 2 a 3 pro su Genoa.

S’assaltu finale de su Casteddu non donat perunu frutu, mancu su passàgiu de Pereiro pro Carboni. A s’imbesse, in su finale s’iscuadra lìgure arriscat de fàghere fintzas sa de bator retes.

Pro finire, in su recùperu su Casteddu isprecat unas cantas ocasiones: primu cun Marin chi tenet sa botza de su parègiu ma iscudet artu mancari in bona positzione. Matessi cosa a su 92’ Farias cun un’istamborrada tzentrale e unu minutu a pustis su Genoa ponet Joao Pedro in dae in antis a su portieri, ma su brasilianu tirat artu e sa botza nche agabbat a pitzu de sa traversa.

Est s’ùrtima atzione de sa partida chi cundennat su Casteddu a s’iscunfita.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22