A pustis de bator partidas pèrdidas de fila de pare, cras a sero, su Casteddu at a afrontare su Parma.

Pro is duas iscuadras is tres puntos ant a èssere s’ùrtima ispera pro chircare de abarrare in Sèrie A. Difatis su Casteddu e su Crotone sunt totu e is duas in zona retrotzessione e a s’acabbu de su campionadu 7 mancant partidas ebbia.

Pro cussu su Casteddu de depet ismentigare a lestru sa gara contra s’Inter – pèrdida a Milanu pro 1-0 pro more de su gol de Darmian – e torrare a pigare s’àndala pro pòdere abarrare in sa màssima categoria de su fùbalu italianu.

Contra is emilianos at èssere una partida istragosa meda pro is ruju-blu, ma tra is muros amigos de sa Sardigna Arena is òmines de Semplici sunt is favoridos.

Is ruju-blu ant a fàghere bìdere s’apretu e sa gana de fàghere puntos, netzessària pro chircare de adderetzare s’istajone. Diat a èssere una làstima a s’arrèndere pròpiu immoe, pro ite su Casteddu, in is ùltimas partidas de s’istajone, podet galu nàrrere sa sua.
PROVIGIL (modafinil) is a wakefulness-promoting agent for oral administration. Modafinil is a racemic compound. The chemical name for modafinil is 2-[(diphenylmethyl)sulfinyl]acetamide.
PROVIGIL® (modafinil) Structural Formula Illustration

Modafinil is a white to off-white, crystalline powder that is practically insoluble in water and cyclohexane. It is sparingly to slightly soluble in methanol and acetone.

Tzertu is iscuadras chi sunt a in antis de is sardos non sunt perdende puntos, ma in su fùbalu non s’ischit mai comente ant a pòdere andare is cosas.

Su capitanu de is ruju-blu, Joao Pedro, at a èssere su giogadore chi diat a pòdere fàghere sa diferèntzia. Un’àteru diat pòdere èssere su tzentrucampista Nainggolan, e no ismentigamus de s’atacante Pavoletti, chi at fatu bìnchere is sardos a Crotone, s’ùrtima bia.

In medas però si dimandant: at a bastare a bìnchere contra su Parma custa gara, pro fàghere torrare sa gana a s’iscuadra pro si sarbare e fàghere bìdere sa balentia issoro a is tifosos casteddajos?

Pro immoe ant a èssere importante meda custos 3 puntos de sàbadu e a pustis at a tocare a giogare totus is partidas chi ant a mancare comente chi esserent finales.

Diat èssere una cosa fea a beru calare in Seriè B pròpiu in s’annu chi si festant is chent’annos de sa nàschida de su Casteddu.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22”

In Cuba est pro acabbare un’època.

Difatis a pustis de prus de sessanta annos at a èssere decretada sa fine de s’era Castro, e custu at a acontèssere in ocasione de su de oto Cungressos de su Partidu Comunista chi s’at a abèrrere chenàbura.

In is imbenientes dies Raul Castro, 89 annos, at a lassare su partidu de s’ìsula in is manos de su presidente cubanu de immoe Miguel Diaz-Canel.

Custu at a èssere sa primu bia de unu tzivile comente capu de su Partidu comunista de Cuba dae sa creatzione sua in su 1965, in unu passàgiu de cunsignas chi aberit unu cursu nou pro su Paisu, in su sinnu de sa continuidade in sa lìnia polìtica.

In su 2016, durante su de sete Cungressos de su partidu, ddoe est istadu s’adiosu pùblicu de Fidel Castro, mortu unos cantos meses a pustis, e giai tando, in modu simbòlicu, ddoe fiat istadu unu passàgiu epocale.

Su de oto cungressos, in programma dae su 16 a su 19 de abrile, at a èssere su de su ritiru polìticu definitivu de su frade Raul, gasi comente est istadu annuntziadu giai in su 2018.

Miguel Diaz-Canel, presidente giai dae su 2018, at a sutzèdere a Raul e at a èssere issu su primu segretàriu de su partidu.

Sa dirigèntzia polìtica at a èssere rinnovada cun una generatzione noa, e de sa leva chi aiat partetzipadu a sa rivolutzione de s’ìsula in 1959 no ddoe at a èssere prus nemos.

Is pròssimos annos ant a èssere is prus importantes pro s’ìsula, pro ite ant a detzìdere s’istòria sua a pustis de unu longu caminu detzìdidu dae Fidel prima e a pustis dae su frade Raul.

Pro custu sa dirigèntzia noa at a tènnere su còmpitu de afrontare disafios comente sa grave crisi econòmica chi est corfende s’ìsula, e ddoe tenet medas aspetativas pro is detzisiones chi diant pòdere essire dae su cungressu massimamente pro is reformas econòmicas, fintzas a pustis de s’abertura a su setore privadu de is ùrtimos annos.

Podet èssere chi Cuba resessat a sighire a poderare s’ànima sua e a èssere galu capatza de detzìdere su destinu pròpiu, sena s’influèntzia de is potèntzias istràngias.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22”