Caminos sena gente in giru e sena mascaras e carros in festa.

Sa pandemia at corfidu meda fintzas is traditziones acapiadas a su Carrasegare, sa sòlita allegria chi si respirat in caminu in custu perìodu, est istada mundada dae s’apretu.

In Sardigna is ,màscaras de sa traditzione no ant pòdidu essire, gasi comente is apuntamentos mannos – comente sa Sartìglia – sunt istados suspèndidos e s’isperat chi ant a pòdere èssere organizados s’annu chi benit.

S’intendet sa mancàntzia de su risu e de is iscracàllios de is piseddos incarotados cun mascara de maicantos colores, chi papant is durches tìpicos preparadas dae is mamas.

A dolu mannu si timet sa de tres undadas, cun is variantes Covid – mescamente cussa inglesa – chi apensamentant is autoridades sanitàrias.

Diat èssere istadu un’arriscu pro totus, permìtere is manifestatziones mannas de custu perìodu, fintzas si at a èssere unu grave corpu pro su PIL italianu.

Is prus corfidos ant a èssere is imprendidores de su setore alberghieru, postos giai in ghenugru dae is limitatziones de is ùrtimos meses. Sa Sardigna de pagu prus de una chida est torrada in zona groga, e is baristas e ristoradores ant pòdidu torrare a abèrrere is locales a is clientes, ma perìodos festivos comente a su Carrasegare resurtant fundamentales pro is ricavos totales de totu s’annu.

Su chi at a acontèssere in is meses imbenientes dipendet dae is sèberos prudentes atuales, cun s’isperu chi s’arribet a sa metade de s’annu cun sa populatzione natzionale vatzinada

Fintzas pro ite, si si deperet averguare sa situatzione atuale in su perìodu istiale, s’economia de s’Ìsula at a sufrire meda, cun medas operadores turìsticos chi ant a èssere costrintos pro semper a serrare..

Tando su sacrifìtziu de como, mancari papende carchi petitu traditzionale in domo e faghende mascherare in pipios a tàgios piticos, est atzetàbile.

S’isperu est su de pòdere torrare a festare su Carrasegare, comente semper, in su 2021. At a èssere galu prus bellu, pro ite amus a àere lassadu a palas sa pandemia e s’at a tènnere gana de ddu bìvere galu prus in manera biva.

In tantu, su respetu de is normas anti contàgiu de is aparatos de protetzione individuales, resurtant galu is armas prus eficatzes pro gherrare su virus.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22”

Su benidore paret èssere prus probe, nessi pro cantu riguardat s’usu de is drones.

Tra pagu artziende s’ograda amus a pòdere bìdere medas aeroplanoeddos telecumandados chi carrant pachetes. Unu sinnu de is tempos chi càmbiant semper prus a sa lestra, cun “fatorinos” volantes chi arribbant a is domos nostras.

‘Sumeri: Si Salpa!’ est su nùmene de su progetu realizadu cun su Comunu de Torinu e D-Flight, sotziedade de su grupu Enav, in collaboratzione cun Leonardo e Telespazio, e cun s’autorizatzione de s’Enac – Ente Natzionale de Aviatzione Tzivile-.

S’esperimentu, su primu in Itàlia — e tra sos primos a su mundu — faghet parte de una sèrie de isperimentatziones chi punnant a cunsentire su trasportu de mertzes in modalidade aèrea in tratas finas de 50 km e cun modalidades de controllu de s’aeroplanu prus addae de sa lìnia de vista de su pilota. Su bisu: est cussu de carrare chèntinas de kg de càrrigu.

Sa tarea de Leonardo est cussa de torrare is tzitades prus funtzionales, sostenìbiles e ecològicas pro mèdiu de tecnologias noas, de impreare fintzas in situatziones de apretu, comente pro sa situatzione ligada a sa pandemia.

In su benidore s’at a dèpere perfetzionare sa tecnologia, creschende sa capatzidade de càrrigu e de automatzione de is aeroplanos impreados. A nde benefitziare is tzitadinos in tèrmines de lestresas in is cunsignas, costos e mescamente ismenguamentu de s’incuinamentu gràtzias a sa propulsione elètrica.

Craru ca at a èssere netzessàriu valutare arriscos e netzessidade de regulamentatzione: pro custu est istadu interessadu fintzas s’Ente natzionale aviatzione tzivile.

Pro su chi pertocat s’isperimentatzione in su setore de is drones: su mese de maju coladu fiat istadu presentadu s’impreu de drones a pilotàgiu remotu pro sanificare is ambientes tzitadinos.

Seguru ca su trasportu de is mertzes, atuadu in manera massitza in custa modalidade, diat pòdere cumportare unu càmbiu risolutu in su mercadu de su traballu. Cun sa recherta de figuras noas de traballadores e un’abasciamentu de su nùmeru de is postos de traballu, pro is professiones chi connoschimus.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22”