“Est arribbadu cabudanni. Peri custa istade  est colada e su traballu nostru de tècnicos de su Corpus Natzionale de is Vìgiles de su Fogu non s’est mai firmadu. Est sighidu die cun die e a sa muda, in ogna fronte. In su rebentamentu de sa tzisterna de gas a Bologna, in sa ruta incredìbile de su ponte “Morandi” de Gènova, in sa tragèdia tremenda in Calàbria, paris cun totus is àteros collegas, gasi comente in ogna ungrone de s’Itàlia. E su traballu nostu no sighidu in is spreto ebbia, pro ite est ùtile a subènnere ca non nos ocupamus de is emergèntzias ebbia, bidu ca parte de su traballu nostru ddu dedicamus a sa preventzione de is fogos in is aziendas e is is atividadis produtivas e a su raportu cun is òrganos de verìfica e controllu de sa seguresa in su territòriu in sinergia cun totus is àteras Istitutziones (Prefeturas, Regiones, Comunos, etc.) e cun su mundu, articuladu e complessu, de su Tertzu Setore”.

Custos is faeddos iscritos in su comunicadu de imprenta de s’ex Comitadu de is Funtzionàrios Tècnicos, Geòmetras e Peritos de su Corpus Natzionale de is Vìgiles de su Fogu.

“Amus sighidu a nch’èssere, sena nosi  risparmiare, comente a semper, pro ite no ischimus fàghere in modu diversu. Pro ite semus custu e custu bolimus sighire a èssere: òmines de is Istitutziones, dinnos e servidores leales de s’Istadu. E totu custu, cun sa cuscièntzia de s’ipòtesi de unu riòrdinu chi arriscat de penalizare meda su ruolu istòricu nostru de unione tra totu su personale e sa dirigèntzia, unu ruolu de costruidores e portadores de cumpetèntzias, fatas de capassidades tècnicas e de balores umanos, chi nos imbìdiant peri in is àteras nazione de su mundu”.
Is pompieris ant detzisu de iscrìere custu comunicadu pro dare visibilidade a su chi est capitende in is aposentos de parlamentares, ue si detzidet su benente de su Corpus Natzionale de is Pompieris e de una categoria de traballadores ca est acanta de subire un’ennèsimu demansionamento istitutzionale.

“Est cun cabudanni chi lompent is auditziones programmadas in is Cummissiones Afares Costitutzionales, prima chi custas lìberent su testu de su decretu de riòrdinu de su Corpus Natzionale de is Vìgiles de su Fogu pro s’aprovatzione definitiva sua in su Cussìgiu de is Ministros. Est arribbadu cabudanni e, cun issu su su momentu in ue pretendimus chi totu is allegas e is rassicuratziones chi nos ant fatu dae ogna banda, pro nos iscrancare de  cussu “tradimentu istitutzionale”, pighent forma e corpus pro mèdiu de atos cuncretos e definitivos chi pòngent mente a is rechestas nostras e is rechestas de totus cussos chi tenet a coro su destinu de su sistema de rispota a is emergèntzias de custu paisu nostru”.

Cun s’arrivu de s’ istagione turistica noa, s’attentzione est posta supra su comune de Tortolì, chi at annunziadu cun galabera meda sa torrada de msos viazos de su Trenu Birde istoricu de sa Sardigna in s’ispantosu camminu Arbatax-Tortolì-Lanusei.

Custa initziativa est un’occasione unica in sa zenia sua, po iscumbattare sas bellesas de sa Regione in manera ammaghiante. Su Trenu Birde est unu bera e propia prenda, una gianna po unu viazu in su tempus passande in mesu a bistas chi che bogant s’alenu e testimonzas istoricas chi ammaghiant e incantant.

Partinde dae su 14 de lampadas, su trenu ad a torrare a pigare sos viazos, apparande a tottus sa possibilidade de bivere sa maghia de custa esperientzia. Ma sas novidades non finint inoghe: cust’annu, in pius de sas cursas regulares in su fine de sa chida, sa chenapura e sa dominica, si sunt baludande atteros isseberos de viaos a nolu.

Custa moddesa at a permittere de assulenare sas esigentzias de sos bisitadores e de arricchire de pius s’esperientzia totale de sos turistas chi disizzant de iscumbattare sa Regione nostra in manera pius personale e istuvuccada.

Su sutzessu de custa initziativa est su risurtadu de un’impignu leadu dae tottus e de una bisione cumone. Su Comune de Tortolì espressat unu ringratziamentu sincheru a tottu cussos chi ant permittidu custu servitziu: dae su direttore generale de s’ARST, Carlo Poledrini, a su Presidente de sa Fundatzione Elso Rei, a sos sindicos de s’iscrocca e a sos membros de sa matessi Fundatzione. Est bistadu gratzias a s’impignu custante insoro e a s’attentzione insoro a sas esigentzias de sa comunidade e de sos chi tribagliant in su campu de su turismu, chi semus capatzes de apparare custa istravanada occasione de viazu.

Un’atteru afficcu de nodare est sa nomina dae pagu tempus de Segretariu de sa Fundatzione Trenu Birde istoricu de sa Sardigna, de su sindicu de Tortolì, Marcello Ladu. Custu riconnoschimentu evidentziat s’impignu de sa tzittade po favoressere e preservare custu patrimoniu culturale unicu, garantinde sa continuidade e s’isviluppu benidore.

Imbidamos tottu sos appassionados de viazos e de sa bellesa naturale a iscoperrere sas meravizzas de su percursu de su Trenu Birde. Custu viazu, promit de essere un’esperientzia chi non si podet ismenticare, permittinde a tottus de si affundare in sa bellesa e in s’istoria de sa Sardigna, in manera unica e ispantosa. Addurade prontos a bos faghere incantare dae sas bistas claras chi che bogant s’alenu e dae sas emossiones chi solu unu viazu cun su Trenu Birde podet donare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22