S’est concruida sa tres dies de su torneu giovanile a su San Bachisio de Loceri, sa de III^ editziones de su memoriale Maurizio Ligurgo. Partetzipatzione manna de pùblicu in totu sas dies, dae su 24 a su 26 de martzu. In campu prus de 300 giòvanos calciadores chi ant dadu vida a una tres dies de disaogu e de fùbalu.

S’Acadèmia Ogliastra s’agiùdicat s’iscaleri prus artu de su pòdiu in sa categoria Esordientes; primu postu in sa categoria Giòvanos a su Tortolì, mentras su Cardedu at bintu tra sos Pulcinos.

Àteru apuntamentu importante pro s’Acadèmia at a èssere cuddu de su Manlio Selis, torneu internatzionale in programma in su mese de làmpadas, dae su 1 a su 5, cun formatziones giovaniles de su càlibru de Juventus, Leverkusen, Chelsea, Torinu, Marsìglia, Milan, Fiorentina, Casteddu e medas àteras.

S’Europa bantat una traditzione culinària rica meda, e sa Sardigna est de seguru una terra chi podet bantare sabores ùnicos e autènticos, custoidos dae marcos importantes chi giughent sas Denominatziones de Orìgine Protègida (DOP) e sas Indicatziones Geogràficas Protègidas (IGP). Custos màrchios, assignados dae s’Unione Europea, rapresentant su primore agroalimentare e garantint sa provenièntzia geogràfica e sa calidade de sos produtos. Andamus a bìdere cales sunt custo marchio e custos produtos de cabbale:

DOP: Denominatzione de Orìgine Protègida

Fiore Sardo DOP: Custu casu de berbeghe de sa casaja Bussu, fundada in sa fine de su ‘700, est unu sìmbulu de sa traditzione caseària sarda. Sa DOP, otenta in su 1996, sutalìniat s’autentitzidade sua e sa connessione cun su territòriu.

Pecorino Sardo DOP: Tzelebradu intre sos casos isolanos, at otentu sa DOP in su 1996. Nàschidu in 1955 cando est istadu reconnotu comente  Denominatzione Tìpica. Rapresentat sèculos de traditzione caseària.

Pecorino Romano DOP: Prodùidu cun late de berbeghe in Sardigna, Làtziu e provìntzia de Grosseto. Sa produtzione sua testimòniat calidade e autentitzidade, mantenende unu ligàmene istrintu cun sas zonas de orìgine.

Olio Extravergine di Oliva Sardegna DOP: Una prenda alimentare otenta mescamente de sas variedades Bosana, Tunda de Casteddu, Niedda (Tunda) de Biddecidru, Semidana. Sa DOP atestat sa provenièntzia sua de sas zonas ispetzìficas de sa Sardigna.

Carciofo spinoso di Sardegna DOP: S’unitzidade sua derivat de sas cunditziones climàticas e morfològicas ideales ofertas dae su territòriu isolanu. Unu produtu chi contat s’istòria e sas traditziones de su logu.

Zafferano di Sardegna DOP: Caraterìsticas ùnicas de unas cantas zonas de sa Sardigna cunferint a custu tzaparanu un’identidade sena paragones, ligada a s’istòria e a sa cultura de su territòriu.

IGP: Indicatzione Geogràfica Protègida

Agnello di Sardegna IGP: Frutu de un’allevamentu traditzionale chi promovet s’allatamentu e su pasci menta naturale. Su disciplinare assegurat unu produtu de sa calidade ùnica, reconnotu cun sa denominatzione de orìgine.

Culurgionis d’Ogliastra IGP: Pasta frisca cun patata, unu primore agroalimentare chi tzèlebrat sa traditzione culinària sarda cun unu tocu de creatividade.

In cada bucone de custos produtos DOP e IGP, si podet intèndere su sabore de s’istòria, de sa cultura e de sa passione chi rendent ùnica sa produtzione agroalimentare sarda. Unu beru biàgiu intre sos sabores autènticos de custa ìsula dèchida de su Mediterràneu.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”