Nointames su servìtziu de regorta de sos refudos funtzionas oramai in manera regulare, sunt semper prus medas sos logos de Tortolì prenos de munones de àliga.

Sinnalatziones sunt arribbadas eris dae sos abitantes de Bia Foddeddu, indignados pro sa presèntzia de arga abbandonada in su Riu Foddeddu. In s’oru de su riu tortoliesu, difatis, sunt istadas fuliadas paritzas bustas de plàstica e indiferentzadu. Sunt intervènnidos in su logu sos agentes de sas Guàrdias Ecozoòfilas de Tortolì, ghiados dae su cumandante Giandomenico Pinna.

“Durante unu servìtziu de preventzione de sas discàrrigas abusivas, amus atzapadu muntones de àliga fuliada in s’oru de su Riu Foddeddu” at ispiegadu Pinna “Amus fatu duncas indàgines pro chircare de agate indìtzios pro iscoprire sos autores de su reatu, a dolu mannu cun èsitu negativu. Is controllos contra sas discàrrigas abusivas e in sos refudos abbandonados nt a sighire, pro identificare sos autores de custu gestu intzivile”.

S’atteru manzanu, bi est bistada un’accorrada importante meda de su comidadu de sa provintzia de Nugoro, de s’ordine e sa seguresa pubbrica, cun sa presidentzia de su Prefettu de Nugoro Dionisi, a sa cale ant partetzipadu sos cumandantes provintziales de sas Fortzas de s’ordine, e de sa polizia de sos cartzereris Antoni Galati. S’argomentu printzipale est bistadu un’attera borta cussu de s’emergentzia chi bi est in sa presone de Badu e’ Carros, una chistione custa, chi est dimandande interventos chi si leant tottu paris.

Respundinde a s’imbiu de s’Esercitu po controllare sa presone dae sa parte de fora, si ispettant interventos puru da parte de s’amministrassione de sa Presone. Su provvedidore at isboddiadu tottu sos particulares de s’imbiu intro de pagu tempus, in Sardigna de 71 agentes mascros,21 feminas e 34 arrezzentes, chi arrivant dae sos cursos
chi sunt finidos dae pagu.

Su segretariu generale de sa Uil Pa Polizia de sas Presones de sa Sardigna, Migheli Cireddu, at faeddadu de sa desemplada assione leada dae su Prefettu Dionisi, chi at collaboradu meda cun su Provvedidore Galanti, po i sfidare sa situassione cun meda detzisione. Bell’e gai, Cireddu at evidentziadu chi s’imbiu de personale nou, est solu unu signale positivu, no est sa solutzione deffinitiva, ispetzie si cunsideramos sos pensionamentos chi ant esser fattos in pagu tempus.

Su personale de sa polizia de sa presone, in manera particulare in Nugoro e Tattari, sighint a tribagliare in manera precaria, cun orarios de tribagliu longos meda e paga claresa de su controllu. Cireddu at nadu puru chi bi est s’abbisonzu de torrare a ordimizare su tribagliu e de interessare de pius sos sindacados in custu processu, in manera chi sas intetziones bonas de sas istitussiones si potant traduire in assiones e mesorias beras.

S’impignu de onzi die, de su cumandu regionale e de su Prefettu, est appretziadu meda, ma est urgente chi si passet dae sas ideas a sa pratichesa,interessande sos de sos sindacados in s’ordimizu de su tribagliu. Solu in custa manera si at a podere iscansare chi carchi derettura e cumandante, mancari tenzant sas menzus intentas, sigant a
faghere dannos mannos a livellu logale.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22