Mèrcuris 29 de freàrgiu in su teatru Santu Frantziscu de Tortolì ddoe est istada una serada dedicada a sa poesia e a totus is amantiosos suos e finas a cussos chi cun sa poesia traballant. Difatis in ocasione de su Fèstival Internatzionale de sa Poesia, peri su pùblicu ogiastrinu at chèrfiu fàghere sa parte sua. Sa serada est istada aparitzada dae sa poeta Seconda Carta e presentada dae s’atore e regista Ghironi.

S’adòbiu est istadu dedicadu a su grandu poeta mortu, originàriu de El Salvador, Roque Dalton. Issu, poeta e giornalista, est istadu ochidu pro more de is ideas polìticas suas e segundu su pensu de is organizadores, “rapresentat bene s’ispìritu de su Fèstival: sa literadura chi si mudat in messàgiu, in sacrifìtziu pro is àteros e in cussèntzia”.

In su palcu  poetas e iscritores de fama ant fatu a mudas cun is poetas novìtzios. Tra totus regordamus su contributu de Margherita Musella, Claudia Fois, Virginia Murru, Daniela Melis, Natalina Mulas, Michelangelo Caggiano, Giuseppe Marini, Emanuele Tortorelli, Sebastiano Pili, Simone Selenu, Veronica Blu e Pina Meridda.

 Poderosa meda sa poesia intonada dae Virginia Murru e Daniela Melis (dedicada a su fragellu de is abusos conta a is minores) e su cumponimentu de Seconda Carta intituladu “Cantas bortas, fèmina” (Quante volte, donna) retzitadu dae sa boghe de Tiziana Murino, giòvana atritze ogiastrina de bonas promissas. In su fèstival non sunt mancados riferimentos a s’atualidade, comente is versos dedicados dae Giuseppe Marini a Rossella Urru.

 A istagiare una letura dae s’àtera ddoe fiat sa bona mùsica de sa cantante nostrana Stefania Sistu chi at fatu bìvere a su pùblicu bellos momentos de emotzione. A is ispetadores est pràghidu meda finas s’esibitzione a duos de su  trumbiteri Riccardo Pittau e de s’atritze Antonella Puddu. Su resurtadu de sa serada est istadu bonu meda. Seconda Carta at naradu: “so cuntenta de àere bidu totu custa partetzipatzione dae parte de su pùblicu ogiastrinu. Isperamus de ddu pòdere torrare a fàghere cantu prima: su tretu chi benit donadu a s’arte poètica no est mai bastante!”.

Che i nomi di tante strade del centro raccontino aspetti affascinanti della storia di Cagliari è di certo cosa nota. Spesso, passeggiando qua e là, ci si sofferma davanti alle vecchie targhe delle vie, riportanti spesso le antiche denominazioni.

Così, nel quartiere Marina, esisteva la “via degli Invalidi”, ovvero una parte dell’attuale centralissima via Sardegna. Quest’ultima infatti era costituita da dall’unione di vie diverse, e sembra che iniziasse dalla porta di Sant’Agostino, in quello che oggi è il centralissimo Largo Carlo Felice.

Il tratto iniziale era dunque la via degli Invalidi. Sino al XVIII secolo infatti era in questa parte della città che gli invalidi militari trovavano ospitalità.