Parcu de su bentu in Saccargia, si torrat a azzendere sa protesta.

Sa protesta contra su potentziamentu de su parcu de su bentu intre Nulvi e Piaghe torrat a partire dae unu logu carrigu de signifficu: Sa Basilica de Saccargia, chi est s’identidade de sa Sardigna. Inoghe si sunt torrados a addobbiare sas obrerias de s’iscrocca, intre sas cales su Coordinamentu Gaddura e Comitadu Sarcidanu, po espressare s’opposissione insoro a su disignu de ammanniu de s’approntu de su bentu favoressidu dae Erg Wind Sardigna.

Bell’e chi su disignu eppat giai alcansadu su zudissiu de agualassione ambientale, sas organissasiones tzivicas sighint a denuntziare sos problemas, zuigande s’interventu comente una minetta grae meda po sa bista, su patrimoniu culturale e su dirittu de sas cominidades locales de detzidere supra su tempus benidore insoro. Sa posissione de sa Basiliga , chi est derettu interessada dae sa vista de sas turbinas, est divennida artera de un’impignu chi cuntestat una responsabilidade de su coladorzu de s’arrancu chi benit cussiderada imponnida e pagu trasparente.

In sas dies passadas est bistada trasmittida una pregunta formale de annuddamentu in autotutela de su decretu de agualassione ambientale. S’intentu est cussu de torrare a ponnere in chistione tottu s’iter autorizzativu.

In parallelu, si abberit fintazs unu fronte zudissiariu. Sunt preparande un’espostu po falsu in attu pubbricu contra sa sotziedade chi proponnede, chi at essere presentadu accanta a sos logos de cumpetentzia. A su tzentru de sa cuntestassione, su presumidu manizu de sas relassiones de su tempus pigadas in sos documentos tennicos chi azzuant su disignu. Custas cosas chi no andant bene sunt cussideradas no isoladas ma chi si torrant a ghettare in sos procedimentos autorizzativos de sos paritzos impiantos de su bentu disignados in Sardigna.

Secundu cantu est bessidu a pizu dae s’istudiu de sas pratigas tennicas, sa presentada de elementos falsos o pagu pretzisos supra sa forza de su bentu in sos logos, diat essere una pratiga isparta, usada po alcansare in maneras pius fatzile s’approbada de sos disignos.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

“S’Istatzione de s’Arte de Ulassai: su viazu infinidu de Maria Lai intre arte e comunidade”.

S’Istatzione de s’Arte de Ulassai est unu museu de arte de oe dedicadu a s’opera de Maria Lai, artista de importantzia internatzionale, naschida propriu in custa biddighedda de s’Ozzastra. Abbertu in su 2006, su museu pigat forma gratzias a sa donassione de pius de centu baranta operas dae parte de s’artista, e d’est accasazadu in sos locales de s’ex istatzione de sos trenos, posta a s’adde de sa idda.

Su seperu de su logu reflettit in manera perfetta unu de sos intentos pius fungudos de su tribagliu de Maria Lai: accurtziare s’arte a sa zente, revertinde unu logu de coladorzu comente s’istatzione in d’unu logu de addobiu culturale.

Su museu est fattu de medas fraicos unu tempus destinados a su serviziu de sas ferrovias, como cumbertidos in logos espositivos e buttegas creativas.

Fintzas dae cando est bistada abberta, s’Istatzione de s’Arte si est annodittada comente unu tzentru bivu e mobbile, capatze de accollire mustras de su tempu de oe ,residentzias de artista e attividades partetzipativas, apprettande unu faeddu continu intre artistas, iscrocca e bisitadores. Su museu est puru parte de fundamentu de sa bista de Ulassai, chi si est revertidu in d’unu museu a chelu abbertu gratzias a sa presentzia de operas chi abbarrant e chi faeddant cun su cuntestu urbanu e nadurale.

Maria Lai at sighidu a partetzipare in sos logos de su museu fintzas pustis sa fundatzione de su museu, arricchindelos cun istallatziones novas.

Intre custa bi sunt sos pannellos in forex de “Sas chimbe esse(1999), sos fettas color’’e aera in tzeramica chi ghiant sos bisitadores intre divressos fraicos, su Telarzu de su bentu(2007), un’istruttura manna de attarzu posta in d’una de sas  bintradas, e su Monumentu a Gramsci(2007), donu a una de sas friguras pius caras a
s’artista. S’Istatzione de s’Arte mustrat gai no solu unu tzentru espositivu, ma unu disignu culturale fungudu e chi sighit a creschere, chi reflettit s’anima de Maria Lai e su disizzu suo de un’arte atzesibile, partetzipada e abbarbada in s’iscrocca.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22