Sa Ministra Calderone e su casu laureas: intre accusas de cosas fattas male e gherras de interessu.

In sos urtimos meses, sa Ministra de su Tribagliu e Politicas Sotziales, Marina Elvira Calderone, est bistada a su tzentru de condierras supra su
caminu suo in s’Universidade e sos ligamenes cun sa Link Campus University de Roma. Secundu cantu agghittadu, Calderone at logradu una laurea de tres annos in Accolomia Aziendale Internatzionale in su 2012 e una mastrina in su 2016, ambas in sa Link Campus University. Intamen, a s’incumintzu, bi est bistada coffusione supra sa formassione sua, pro itte calicunu faeddaiat faddinde s’Universidade de Casteddu comente logu in su cale si fit laureada. S’Universidade de Casteddu at denegadu custas decraratziones, accrarande chi Calderone non at lobradu titulos incue.

Sas critigas sunt creschidas cando est bessidu a pizu chi, pustis de aere logradu sa laurea, Calderone at incumintzadu a issinzare a sa Link
Campus University. De prus, su maridu suo, Rosario De Luca, est bintradu in su cunsizzu de amministratzione de s’Universidade in su 2015. In su 2018, S’Ente Natzionale de Preventzione e Assistentzia po sos Espertos de su Tribagliu(ENPACL), chi a cussu tempus teniat comente presidente sa matessi Calderone, at imbestidu 15 miliones de euros in sa sede de s’Universidade.

Custos abbenimentos ant pesadu pensamentos guera a problemas de interessu e a s’amministrassione de dinari pubbricu. Sa Corte de sos Contos at fattu partire un’iscrucculla supra s’Ordine de sos Espertos de su Tribagliu, chi fit bistadu presedidu dae Calderone e como ghiadu dae De Luca. Sas iscruccullas sunt po problemas chi si pensat siant bistados fattos, cun ispesas chentza zustifigassione e impittu faddidu de fundos pubbricos.

In daenanti de sas accusas, Calderone at decraradu chi su percursu de sos istudios suos est bistadu zustu e chi at accomettadu sas porfias tipicas de una istudiante tribagliadora. At evidentziadu chi su dovere de tennere una laurea po s’inscrivere a s’Ordine de sos Espertos de su Tribagliu est bistadu fattu solu in su 2010, mentres issa fuit inscritta dae su 1994.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Su cuarteri de Casteddu in Casteddu: unu viazu intre istoria, arte e bista.

In su coro de Casteddu, arroccadu supra su corongiu prus artu de sa tzittade, su cuarteri de Casteddu est unu cascione beru de istoria,arte e bista chi che bogat s’alenu. Sas carrelas sticcadas e sos carruzos istrintos che leant in daesegus in su tempus, intre turres medievales, palattos de sa nobbilesa e giannas antigas comente sa tzelebre Gianna Cristina, testimonzos de seculos de accadessimentos chi ant formadu s’identidade de sa tzittade.

Donzi angulu de su cuartieri contat istorias de nobbilesa, mercaderis e artesanos chi ant dassadu su sinzu , faghinde divennere Casteddu unu logu inube s’istoria paret chi si potat toccare a donzi passu. Ma su cuartieri no est solu passadu: est fintzas su coro culturale de Casteddu, cun museos e regortas de arte chi allogant operas importantes unicas, dae sas operas antigas a sas prendas archeologicas chi contant sas issidas de sa Sardigna, fintzas a sas mustras de oe chi contant su presente creativu de s’isula.

Passizzande intre pratzas e sutteas de su cuartieri, comente Pratza Palattu, sa mirada si abberit supra bistas chi non si podent creere: su portu, su mare, sas caperturas rujas de sa tzittade e su birde de sos corongios accanta donant miradas perfettas poi scattare fottograffias o solu po si frimmare a alenare sa maghia de s’aera chi solu Casteddu ischit offerrere. S’architettura de su cuartieri, cun cortes cuadas, iscalas rattas, cresias de seculos e turres medievales, creant unu ammaju
chentza tempus,capatze de meravizzare chie si siat, dae sos turistas curiosos a sos appassionados de istoria.

Non mancant esperientzias po su paladu e po comporare: ristorantes pitticcos, caffe’ particulares e buttegas artesanas permittint de assaborare prattos tipicos de sa coghina sarda, iscoperrere sos produttos locales e si che leare a domo unu picculu de connottu. Passizzande po Casteddu si tenet su segheru de bivere un’avventura chi aunit passadu e presente, cultura e alliccu, arte e vida de donzi die, faghinde de donzi bisita un’esperientzia prena e chi  non si podet ismentigare. Po chie arribat a Casteddu po sa prima borta, e fintzas po chie bi torrat prus bortas, Casteddu est su coro chi toccheddat de sa tzittade, unu logu inube donzi pedra, donzi carruzzu e donzi suttea contant istorias divressas ma tottus ammaghiantes a sa mattessi manera.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22