Casteddu,contierras supra sa nova carrela Roma, rispondet s’Istudiu Boeri chi ispiegat tottu a sos tzittadinos.

Su cambiamentu de sa carrela Roma in Casteddu est pigande forma gratzias puru a unu disignu agudissiosu firmadu dae s’istudiu Stefano Boero Architetti, chi proponnet un’interpretassione noa ma abbarbada a su connottu locale de sas carrelas cun arbures.

S’intentu printzipale de custa bisione nova est cussu de creare unu logu pubbricu in fil’a pare, tottu po sos chi andant a pe e riccu de umbra, chi diventet non solu unu prummone birde po sa tzittade, ma fintzas un’elementu capatze de incommittere s’istazione de sos trenos, Prata Ingrao, su coro de sa tzittade e su mare, ponindesi comente puntu de relata de fundamentu po sa vida urbana de Casteddu.

S’Istudiu Boeri, fintzas in risposta a sas critigas de su sindigu Massimo Zedda, at illustradu sos trettos chi distinghent custu disignu novu de mezzoramentu. Sa carrela Roma, chi est una de sas carrelas pius tzentrales e frecuentadas de sa tzittade, si at a revertire in d’unu percursu birde e chi podent usare sos chi andant a pe, unu logu de addobiu e relax po sos tzittadinos, ma fintzas unu puntu de passadissu importante chi ameddat medas puntos importantes de sa tzittade.

Sa carrela, difattis, si allargat in d’unu trettu chi ch’intrat derettu accanta a sos porticos, creande unu passadissu chi divenit un’ispetzie de “passadissu birde” continu e collegadu. Su disignu de sa bista prenettat interventos detzisivos po su mezzoru ambientale e sa balorimentu de su birde de sa tzittade.

In manera particulare, si prenettant pius de 200 arbures novos, chi ant andare a si intregare cun su prantamine chi est giai presente in sa carrela, in pius de sa creassione de logos birdes novos. Custa operassione at a tennere unu
corpu de signifficu supra sa calidade de s’aera, essende comente unu coladore naturale po su pruere fine e favoressende sa suspidura de CO2. In pius, gratzias a sa presentzia de su prantamine, si prenettat una reduida de s’effettu isula de calore chi est tipicu de sos logos de sas tzittades fraigadas in manera fitta e unu mezzoru cumpridu de su microclima.

Su logu urbanu novu si proponet, difattis, commente unu giardinu botanigu lineare beru e propriu, chi divenit non solu unu logu de birde pubbricu, ma puru unu contu beru e propriu de sa tzittade de Casteddu, de su connottu suo e de sas ifluentzias internatzionales chi l’ant distinta in s’istoria.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Su decretu Energia a unu passu dae su emmo  allisat sa carrela a s’imbestida de su bentu; Sardigna chentza amparu.

Su decretu Energia est accanta a s’approazione deffinitiva. Pustis de su via libera de su Senadu, su provvidimentu at arribare in pagu tempus a
sa Camera po s’urtimu passazzu de su parlamentu chi at a cussentire s’approazione. Unu camminu chi est faghinde preoccupare meda sa Sardigna
inube creschet sa timoria de un’accreschimentu chentza controllu de sos impiantos de su sole e de su bentu, chentza chi bi siant tutellas po s’iscrocca.

Su decretu, naschidu po apprettare sa colada energetica e minimare sa dipedentzia dae su fossile benit bidu commente un’istrumentu chi minimat su rolu de sas Regiones e de sos entes locales favoressinde Operadores Energeticos mannos natzionales e internatzionales. Sa Sardigna, gratzias a sas calidades de s’ambiente e de su tempus benit cussiderada una de sas iscroccas prus disizzadas po imbestimentos novos e propriu po custu arriscat de tennere sos problemas prus mannos.

Sas regulas novas prevedint protzeduras prus fatziles po s’autorissasione e una minimada de sos controllos locales. Custu diat podere cussentire sa fraigada de impiantos fintzas in logos cun balore mannu de sa bista de sa laurantza cun effettos devastantes supra s’iscrocca e sas comunidades.

In custu cuntestu si affortigat s’impignu de comitados tzivicos, amministradores locales e assotzios chi dimandant istrumentos de amparu prus balidos. A su tzentru de sa dibatta bi est sa proposta de una lezze regionale Pratobello chi puntat a introduire lacanas craras e criterios chi istringhent de prus po fraigare impiantos po su sole e su bentu in s’Isula.

In sas dies imbenientes cun s’accostiare de su votu a sa Camera si prevedint initziativas novas e protestas pubbricas. Su cunfrontu si giogat intre s’esigentzia natzionale de apprettare sa transizione energetica e sa dimanda de prevedire unu disignu chi tenzat contu de sa particularidade de sa Sardigna e de sa tutella de su patrimoniu naturale e culturale suo.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22