Sapatu intrante, su Teatru Garau de Aristanis si at a trasformare in d’unu logu de emossiones cadrias e de memoria cundivisa, cuberrande “Abbratzande Chiara”, un’abbenimentu musicale e de poesia dedicadu a Chiara, sa pizzinna de 13 annos de Silì chi est disparida in manera drammatiga duos annos faghet.

S’arrisu de Chiara sighit a lutzigare in sos coros de sos familiares suos, de sos amigos e de tottu sa comunidade aristanesa, e custa serana cheret essere una manera po mantennere bivu cussu ammentu, revertinde su dolore in d’unu nuntzu de amore e isperantzia.

Sa tzerimonia, chi si at a tennere su 17 de frearzu a sas 20.30, naschet dae s’initziativa de su babbu de sa zovana, cun s’accottu de s’iscola media inube Chiara istudiaiat e de paritzas realidades artisticas e culturales de s’iscrocca. S’idea est cussa de creare un’abbratzu de tottus po mesu de sa musica e de sa poesia, apparande unu momentu de consideru e po istare imparis.

Sa serana at a biere puru sa partetzipassione de paritzos cussertos e ballumenes de musica de su logu, chi si ant acchidare supra su cataffale po dare vida a unu cuntzertu cadriu e prenu de signifficu. Donzi nota sonada e donzi versu retzitadu at essere unu tasseddu de unu musaigu emotivu, chi cheret tzelebrare non solu sa vida rugrada de Chiara, ma fintzas sa fortza de s’amore e de s’ammentu.

A faghere divennere fintzas pius cadria sa serana ant a essere sas poesias chi ant accumpanzare sos momentos musicales, creande unu faeddu fungudu intre sa musica e su sentidu, in d’unu percursu chi cumbidat su pubbricu a si frimmare, ascurtare e ammentare. No at essere solu unu cuntzertu, ma unu ritu beru e propriu tottus impare, in su cale tottu sa comunidade at a podere espressare su dolore suo, s’essere impare a sa famiglia de Chiara e sa voluntade de no ismentigare.

In su mudore chi bi at essere prima de donzi mustrada, su pubbricu at essere cumbidadu a meledare supra sa debilesa de sa vida e de s’importantzia de contivizare emossiones e accottu. Custu abbenimentu est unu ponte intre su passadu e su tempus benidore, una manera po revertire su dolore in isperantzia.

Sa partetzipassione a s’abbenimentu no at essere solu unu donu a Chiara, ma fintzas unu nuntzu potente: sa memoria de una vida zovana e lucorosa non si depet istudare, ma sighire a ispirare zestos de amore e attentzione a sos atteros.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Sighint sas scruccullas subra de su mortoriu de Marco Mameli in Bari Sardo.

Sas scruccullas subra de su mortoriu de Marco Mameli, su zovanu bocchidu in su mentres de sas festas de su Carrasegare in Bari Sardo su 1° de martzu, sunt andande a daenanti cun detzisione dae parte de sas fortzas de s’òrdine. Su casu at provocadu una emossione manna e preoccupatzione in totta sa Sardigna, in particulare in sa bidda de Ilbono, inube Marco fiat meda nodidu e amadu.

In su mentres, Giampaolo Migali, de 26 annos e issidu dae Girasole, est bistadu interrogadu in relassione a un’àteru accadessimentu de violèntzia chi bi est bistadu su matessi sero de su mortoriu. Migali est accusadu de àer fertu Andrea Contu, un’àtteru zovanu chi at partetzipadu a sa briga in su mentres de  su Carrasegare. Paret  chi Migali eppat ammìtidu de àere corpadu Contu, at decraradu de l’àere fattu pro difesa personale. Peroe, non at rispostu a sas preguntas relativas a su mortoriu de Mameli, e s’est decraradu istranzu a cust’ùrtimu.

Su 15 de martzu, a Ilbono, si est tentu  s’interru de Marco Mameli, unu momentu de  dolore mannu pro sa famìlia sua e pro totta sa comunidade. S’interru si est tentu cun d’una partetzipatzione manna de amigos, parentes e tzittadinos. Sos scrucculladores sunt chircande de faghere lughe subra de tottu s’andamentu de su mortoriu. Sas scruccullas sunt cumplicadas dae sa mancàntzia de testimònzos diretos e dae sa difficultade de fraigare  sos momentos cabidianos a su mortoriu.

Sa politzia est esaminende in manera attentzionosa donzi pista e regollinde testimoniàntzias dae chie diat pòdere àere assistidu a sos abbenimentos, fintzas si medas de issos tenent pagu de narrere. In particulare, sas fortzas de s’òrdine sunt cuncentrande sas chircas subra de sas zuras inube si sunt registrados casos de violèntzia e sunt chircande de reconnoschere collegamentos possìbiles intre sos divressos fattos. Mancari sos progressos in sas scruccullas, su mortoriu de Marco Mameli addurat unu casu ancora accuguddadu de misteru. Sa comunidade de Ilbono est iscuttinada, e sa famìlia de Marco sighit a pedire zustìscia pro su zovanu.

Attività realizzata con il contributo della Regione Sardegna – IMPRENTAS 2024-2025. L.R. 22/2018, art.22