Sa cunsizzera Marta Mereu, chi faghet parte de su Partidu Democratigu in su cunsizzu comunale de Casteddu, est bistada eligida cun su votu de tottus comente presidente de sa Cummissione comunale po sa Cultura,Ispettaculu e Turismu. Custu risurtadu, arribadu cun su cunsensu de tottus sos chi faghent parte de sa Cummissione, testimonzat un’ispiritu de collaborassione e de unione fortes meda.

Marta Mereu at espressadu suddiszatzione meda e riconnoschentzia po s’incarrigu nou, evidentziande su sensu de responsabilidade chi custa nomina li dat. “So meda bragosa e arretzada po custu rolu e intendo unu sensu de responsabilidade mannu meda po cussu chi custa Cummissione at a fraigare po Casteddu,” at declaradu.

In su discursu suo, sa presidente Mereu, at evidentziadu s’importantzia de creare e potentziare sos incastros de sa cultura cun atteras partes, commente cussa de sa salude, po accomettare porfias sotziales novas. “Cun cumpanzos e cumpanzas in Cummissione nos semus acattados de accordu in presse meda supra su bisonzu de creare e affortigare relatas de sistema dae sa cultura a atteros campos, in mesu de sos cales sa salude, po accomettare sas porfias sotziales novas”.

Mereu at puru evidentziadu s’importantzia de favoressere sos effettos positivos de sa cultura e de s’arte supra su benessere de su singulu e de tottus, in d’una manera de paridade sotziale e isviluppu chi si podet agguantare.”Teppimos favoressere s’effettu positivu de sa cultura e de s’arte supra su benessere de su singulu e de tottus in ‘una manera de paridade sotziale e isviluppu chi si podet agguantare”.

Un’attera chistione importante po sa Cummissione at essere sa sustenibilidade, in manera particulare po su Turismu. S’intentu est de acciappare un’ecchilibriu in sas esigentzias de sos residentes e cussas de sos visitadores, favoressinde unu turismu responsabbile e prenu de armudiu.” Sustenibilidade at essere duncas puru sa paraula crae de sa progettatzione de su turismu. Una tzittade in ecchilibriu cun chie sa tzittade la bivet tottu s’annu, e chie la bisitat po carchi die. Teppimos favoressere Casteddu in manera balida, po mesu de sas eccellentzias nostras e de su connottu, su tempus e sa manera de vida unica nostra, sos logos ispantosos chi l’annodittant. Sos turistas ant a tennere semper su disizzu de torrare a nos bisitare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

S’Impresa de sas Feminas in Sardigna: Porfias e Occasiones.

S’impresa de sas feminas in Sardigna est pigande unu rolu semper prus importante in sa trama accolomica de s’Ìsula. In sos ùrtimos annos, sas feminas imprendidoras ant mustradu capatzidade manna de fortza e ideas novas, accomettande ass difficultades ligadas a su guvernu de un’impresa in unu cuntestu regionale medas bortas distintu dae possibilidades e ammanios alindados.

Meda de issas tribagliant in oss logos de su connottu comente s’artisania e sa laurantza, ma unu nùmeru chi est creschinde s’afirmat in sos servìtzios, in su turismu e in sas atividades digitales, battinde frischesa, creatividade e una bìsione noa de su fàghere impresa.

Mancari su progressu, sas imprendidoras sardas sighint a si cunfrontare cun porfias importantes. S’accontzu intre vida professionale e famìliare sighit a èssere unu tema tzentrale, ispetzialmente in sas zuras de mesania e in sos tzentros minores, in ube sa presèntzia de servìtzios de azzudu est medas bortas limitada.

S’atzessu a sos finantziamentos e a sos capitales netzessàrios pro crèschere e innovare rapresentant un’àteru impedimentu, gai comente sa presèntzia de differentzias de zenia in su mercadu de su tribagliu. Bell’e gai, medas feminas accomettant custas difficultadas revertindelas in possibilidades, creende retes de collaboratzione, percursos de formassione e iniziativas chi podent dare balore a sas cumpetèntzias insoro.

Sas istitutziones e sos assòtzios locales sunt tribagliande pro poderare custas realidades, lanciande ispintas, programas de mèntoring e retes de azzudu pro fàtzilidare s’isviluppu de impresas ghiadas dae feminas. S’intentuu no est solu de favoressere sa crèschida econòmica, ma fintzas de
afortigare su rolu sotziale e culturale de sas imprendidoras in sas comunidades locales.

S’impresa de feminas in Sardigna si cunfirmat gai comente unu motore de innovatzione e unu puntu de riferimentu pro chie chircat modellos novos de impresa, capatze de conziminare connottu, creatividade e modernidade.

Puru cun difficultades ancora dae accomettare, sas feminas imprendidoras sardas dimustrant donzi die chi detzisione e capatzidade imprendidora podent cunvertire sas porfias in sutzessos beros, cuntribbuinde in manera detzisiva a s’isviluppu accolòmicu e a sa balorizatzione de s’iscrocca.

Attività realizzata con il contributo della Regione Sardegna – IMPRENTAS 2024- 2025.LR22/2018, art.22”