S’Italia sighit a si cunfirmare unu de sos indiritzos de su turismu prus disizadas de su mundu: BonusFinder Italia at cunfrontadu sas 13 tzittades de mare italianas prus bisitadas, usande fattores commente s’accolomia e s’inclinu. Su cunfruntu est fundadu supra sos datos de TripAdvisor, social media e datos de su tempus, assebestande gai sa menzus tzittade de s’istiu.

Sos fattores cunfrontados incluidint: Numeru de hashtag supra Instagram, post/video supra TikTok, pretziu mediu de sos hotel in s’istagione arta(in euro, sicundu TripAdvisor) numeru de plajas(TripAdvisor), numeru de zilleris e ristorantes(TripAdvisor), pretziu mesanu de unu pastu po duas pessonas(in euro TripAdvisor) e dies de sole in istiu(secundu MeteoAm po maju,Lampadas,triulas,austu e capidanni 2023).

Palermo est risurtada commente sa menzus tzittade de s’istiu in Italia cun d’unu punteggiu de 8,24 supra 10. Sa tzittade dominat in casi tottu sas classes: prus de 100 miliones de hashtag supra Instagram e 873.000 videos supra TikTok, su numeru prus artu in s’istudiu. In prus, Palermo apparat unu de sos pretzios medios de sos hotel prus bassos in sas tzittades chi sunt bistadas cunfrontadas, cun 135 euros po donzi notte, su numeru pius mannu de tzilleris e ristorantes(2.279) e su numeru prus artu de dies de s’istiu cun su sole(126).

Su pretziu mesanu in sos ristorantes est su tertzu pius bassu de sos chi sunt bistados cunfrontados(69,44 euros), anticipadu solu dae Sorrento e Viareggio. Puru Siracusa, in sicilia, est a su secundu postu cun d’unu punteggiu de 6,71 supra 10. Rimini serrat sa peagna cun d’unu punteggiu de 6,65 supra 10. Po cantu appartennet a sa Sardigna, sos risurtados sunt pius pagu positivos. S’Alighera est a su postu 12 cun d’unu punteggiu de 4,96 supra 10. Est sa prima tzittade de sa Sardigna in sa lista, cun prus de 1 milione de hashtag supra Instagram e 18.900 videos supra TikTok. Su pretziu mesanu de sos hotel in istiu est de 253 euros po donzi notte. Alghero apparat in prus 15 plajas e 335 tzilleris e ristorantes, cun d’unu pretziu mesanu in su ristorante de 80 euros po duas pessonas, unu de sos pius
artos.

Arzachena sighit a su postu 25 cun d’unu punteggiu de 3,71 supra 10. Sa tzittade tenet 107.000 hashtag supra Instagram e 2.174 videos supra TikTok. Su pretziu mesanu de sos hotel in istiu est de 599 euros, su prus artu bessidu dae su cunfruntu. Arzachena tenet 25 plajas e 548 tzilleris e ristorantes.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sa Sardigna de su rennu: unu tempus de autonomia e podere locale in s’ìsula medievale.

S’istòria medievale de sa Sardigna est sinzalada dae unu tempus ùnicu, cussu de sos zuigados, rennos autònomos chi ant caraterizadu s’ìsula intre s’XI e su XIV sèculos. Custos istados pitticcos, nàschidos a pustis de s’abbasciamentu de gadimentu de su podere bizantinu e de sas incurtziones àrabas, rapresentant unu capìtulu de fundamentu pro cumprèndere s’identidade istòrica e polìtica de sa Sardigna.

A pustis de sa fine de su poderiu bizantinu, s’ìsula s’est ispartida in rennos autònomos guvernados dae zùighes, friguras chi auniant funtziones polìticas, militares e zudiziàrias. Sos zudicados fiant ghìados dae famìllias nòbiles locales e si fundaiant subra unu assentu amministrativu e zurìdicu avanzadu pro cussu tempus. A su cumintzu si nche contaiant bator printzipales: su Zudicadu de Casteddu, su Zudicadu de Arbarèe, su Zudicadu de Torres (o Logudoro) e su Zudicadu de Gaddura.

Donzi zudicadu teniat capitale, esèrtzitu, leges suas e una istrutura amministrativa autònoma, chi permitiat de guvernare un’ iscrocca ispartida comente cussa sarda. Su podere de sos zùighes non fiat assoludu: s’azzudaiant cun unu cunsìziu de nòbiles e funtzionàrios locales chi los azuaiant a leare detzisiones.

Sa leze iscrita, connota comente Carta de Logu, mescamente in su Zudicadu de Arbarèe, regulaiat sa vida polìtica, econòmica e sotziale, istabilinde reglas tziviles e penales e amparande sos diritos de sos tzitadinos. Custu còdighe legale fiat un’istrumentu avanzadu pro cussu tempus e at influentzadu sa legisladura sarda in sos sèculos a pustis.

Sos zudicados, puru essende indipendentes, non ant bìvidu mai isulados: sas bèndidas issoro fiant ligadas a s’istrinta  a sas potèntzias de su Mediterràneu, comente Pisa, Gènova, Aragona e su Papadu. A mesu de alliantzas, cojas e gherras, ant chircadu de deffèndere s’autonomia insoro e de affortigare su podere locale.

Intre totus, su Zudicadu de Arbarèe s’est distìntu pro sa resistèntzia a sas dominatziones istranzas, in particulare in su mentres de sa luta contra de sos aragonesos in su  sèculu XIV.

S’abbasciamentu  lentu  de sos zudicados at cumintzadu cun s’abbattigu de fora e cun sas lutas intro de issos. A sa fine de su sèculu XIV, s’Aragona est resurtada a cunchistare sa parte pius manna de s’ìsula, annetende sos territòrios de sos zudicados e revertinde sa Sardigna in una regione suta su controllu aragonesu. Comente si siat, sa memòria de sos zudicados e de sas lezes insoro est abarrada biva in sa cultura e in s’istòria locale.

“Attività realizzata con il contributo della Regione Sardegna – IMPRENTAS 2024- 2025.LR22/2018, art.22”