Una cropa de Novara, chi est in bagadiu in Sardigna, est bistada sa prima a bisitare sa Mustra artistica de sos maistros de sa Sardigna, chi at abbertu po s’edissione 63 sappadu 26 de triulas a sas deghe de manzanu. Sa Mustra, accasazada in sos 2.500 metros quadros de platta Martiri della Libertà, si at a podere bisitare fintzas a su 22 de capidanni, donzi die dae sas deghe a sas 21.

Sos bisitadores, cust’annu puru, ant essere accasazados dae sos piccioccos e piccioccas de su Parte Montis, istudiantes in s’Universidade, chi si ant a occupare de sa bendida de sos billettes, de su servitziu de notissias e de sa bendida de oggettos. Sa tzerimonia de abbertura e segada de sa vitta si sunt fattas eris, chenapura 25, cun sa partetzipassione de duas marrinas, Carla Medau, ex sindiga commo in su Gabinetto der s’assessoradu regionale a su Turismu e Sabrina Licheri, ex sindiga e commo parlamentare de sos 5 isteddas, addìa a su pardinu Moreno Atzei, sindigu de Pompu e presidente de s’Unione de sos Comunes de Parte Montis. Fint presentes a s’abbenimentu autoridades politicas,tziviles,religiosas e militares de s’iscrocca.

Su sindigu Donato Cau at declaradu chi “ sos bisitadores ant a biere una Mustra annoada, armuniosa e chi, mancari mantenzat su connottu, no che mandat in su tempus benidore inue, ghiniperu e ulia, gratzias a sa partiatzesa de sos mogoresos, riessint a derrottare sos zigantes de attariu”. S’assessore a sas Fatturias produttivas, Frantziscu Serrenti, at evidentziadu su rolu de su Comune de Mogoro, chi a incumintzare dae su mese de capidanni de s’annu passadu at fattu incumintzare sas proceduras e sos protocollos po alcansare s’IGP(Indicazione Geografica Protetta) fintzas po sos prodottos de sos maistros. “Est un’occasione chi si aspettaiat dae tempus meda dae sos maistros,” at nadu s’Assessore, “chi dimandat unu tribagliu de tottus de sos assotzios, Regione e singulos operadores. Nois semus prontos, e gratzias a s’azzudu de Sardigna Chertas, sunt giai partidos sos primos cuntattos”.

Cust’annu, sa Mustra accasazzat 106 artistas maistros chi arribant dae 13 divressas setziones, incluidinde cussos de s’agrualimentare, chi ant a esponnere sas operas insoro in Mogoro po casi duos meses. In mesu de issos bis unt paritzas cunfirmas e puru calicunu chi intzidit po sa prima borta, tottus unidos in sa tzelebrazione e balorizzatzione de sos tribaglios de sos maistros sardos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sas turres de sa costa de Arbatax e Santa Maria Navarrese ant essere presentadas in sa prossima puntada de su programma de Rai3 Sardigna “Turris e Biddas”, chi torrat cun d’unu addobiu novu dedicadu a su patrimoniu istoricu de sa Sardigna. Conduidu dae su giornalistu e tamburinadore Fausto Orrù, su documentariu si cuncentrat supra su contu de sas turres de sa costa e de sos burgos chi ant marcadu s’istoria de s’Isula.

In custa puntada at essere iscumbattadas sa Turre de San Miguel de Arbatax e sa Turre de Santa Maria Navarrese, duas conas de sa deffensa sarda contra sas bardanas de sos moros. Sas turres, chi sunt postas in sas costas de s’isula, teniant unu rolu importante meda: cussu de abbistare sas minettas chi arrivaiant dae su mare e abbisare sas popolatziones de cussos logos. Su seperu de incluidire ambas duas sas turres, evidentziat s’importantzia istorica e culturale de custas istrutturas, chi po seculos ant diffendidu sas comunidades de sa Sardigna.

Sa comunidade at partetzipadu cun allegria a sas registratziones, dande su contribbudu suo e iscurtande sas peraulas de sos spertos de s’istoria locale, chi ant partetzipadu in daenanti a sas telecameras de Rai Sardigna. Fausto Orrù, cun sa passione e cumpetentzia sua, at accumpanzare su pubbricu in d’unu viazzu in su passadu,devuccande non solu sas funtziones de deffensa de custa turres, ma fintzas su cuntestu istoricu chi las at rendidas de fundamentu po sa salvesa de sas popolassiones de su logu.

Po mesu de intervistas cun espertos, istoricos e testimonias locales, s’ispettadore at a podere iscoperrere su signifficu fungudu de custas turres e su ligonzu chi oe puru tenent cun s’iscrocca. Su programma “Turris e Biddas” at conchistadu su pubbricu po sa capatzidade de giunghere sa tamburinada istorica a su balorimentu de s’iscrocca, bogande a campu istorias medas bortas ismentigadas e ameddande su passadu cun su presente. Sa puntada dedicada a sas Turres de Arbatax e Santa Maria Navarrese at essere un’occasione chi non si podet perdere po connoschere custos monumentos e meledare supra s’importanztia de mantennere su patrimoniu istoricu de s’isula, chi sighit a contare s’istoria de unu populu bragosu e forte.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22