Su soberanu de su Brunei, chi regnat chentza interrussione dae su 1967, at giai visitadu Portu Rotondo, cun s’intentzione de baludare sa possibilidade de comporare una villa de isfartzu. Custa propriedade particulare est de sa famiglia Berlusconi, e est su bantu de su patrimoniu de sas domos de Fininvest, cun d’unu balore chi est in mesu a sos 300/500 miliones de euros.

Po issu, una tzifra commente custa non est unu problema, cunsiderande sa collessione istravanada sua de macchinas. Nde tenet difattis 7.000 de balore mannu, casi 5 miliardos de euros. In mesu de custas prendas cun battoro rodas, bi sunt 452 Ferrari 500 Rolls Royce, chi faghent divennere sa collessione sua una de sas pius archidas e de importu de su mundu. No est duncas una surpresa chi Bolkiha benzat connoschidu po sa vida sua prena de ricchesa e passione po su lussu.

A s’incomintzu de cust’annu, Bolkiha at dimustradu de piusu s’apprigu sou po sas celebratziones prenas de isfartzu, ordiminzande unu coja prena de isfartzu po su fizzu Abdul Mateen, de 32 annos. Sa tzerimonia est bistadu unu abbenimentu istravanadu, duradu deghe dies intreas, chi ant fattu in su magniffigu palattu Nurul Irman, una de sas domos reales pius mannas e prenas de lussu de su mundu.

Mancari Bolkiha siat meda interessadu, sa villa de Portu Rotondo at attiradu s’attentzione de atteras famiglias riccas, chi siant asiaticas o europeas. Custas famiglias, chi sunt chircande domos particulares e de archida, ant bocadu a pizu s’interesse insoro po custa villa chi est s’unica de custu tipu. Sa villa est manna 4.500 metros quadrados e tenet 126 apposentos, apparande amprura e lussu. Tottu est in mesu in d’unu parcu de 120 ettaros, chi garantit privacy e unu logu naturake de bellesa chi non si agattat in d’unu atteru logu.

Custa cumbinassione de lussu, ampresa e posissione de mandu, faghet in manera chi sa villa de Portu Rotondo, siat una de sas propriedades pius disizzadas in sa bista de sas domos inetrnatzionales. Sa cumpetissione
duncas de sos chi la cherent comporare est arta meda, cun donzi famiglia interessada chi est pronta a faghere dittas de importu mannu, po si assigurare custu abbittu particulare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Carrelas serradas, proibbissiones de arressada e zuras de su tzentru off limits: Nuogoro si approntat a sa bisita de su Presidente de sa Repubblica.

Nugoro si approntat a accollire su Presidente de sa Repubblica Sergio Mattarella e lu faghet cun d’unu pianu de organizassione mannosu chi prenettat carrelas serradas, proibbissiones de arressada e paritzas zuras de su tzentru de sa tzittade off limits po garantire sicuresa e ordine pubbricu.

Su Capu de s’Istadu est isettadu in s’isula po sos chentu annos de su premiu Nobel de Grassia Deledda, affussione de balore istoricu e culturale istravanadu po sa Sardigna e in manera particulare pro Nugoro.

Su Presidente Mattarella at arribare in Nugoro po intzidire a sas tzelebrassiones uffitziales dedicadas a s’iscrittora nugoresa, unica femina italiana chi at binchidu su Nobel po sa Litteradura. Su programma de sa visita sua prenettat una arressada a su Teatru Eliseo, inube bi at essere unu mamentu istitutzionale tzentrale de sa zoronada, e prus a tardu una bisita a sa domo-museo de Grassia Deledda, logu frigura de sa memoria e s’identidade culturale de sa tzittade.

Isettande s’arrivu de su Capu de s’Istadu, su Comune at preparadu unu pregone chi cambiat sa passada in manera de signifficu. In sas oras prima e in su mentres de sa bisita, bi ant essere proibissiones de arressada in sas carrelas in sas cales at a colare su curteu presidentziale e in sas zuras accanta a su Teatru Eliseo e sa domo- museu. Carchi carrela de su tzentru at essere serrada a su traffigu po carchi mamentu, mentres atteras zuras dislindas ant essere serradas fintzas po sos chi andant a pe po permittere chi sos appuntamentos istitutzionale si pottant faghere in siguresa.

Affortigadas sa mesuras de siguresa cun s’interventu de sa Prefettura, Questura e de sa politzia. Si prenettant controllos,travessas e politzia in sas zuras diligas de sa tzittade. S’intentu est cussu de garantire una bisita sigura,allindande meda sas discumbenias po tzittadinos e mercaderis, chi sunt bistados informados dae tempus de sas modifficas de sa circulassione.

Sa presentzia de Sergio Mattarella est unu mamentu de braga manna pro Nugoro, chi si approntat a tzelebrare una de sas friguas suas prus e importantes. Sa tzittade bivet oras de isettu e fermentu: iscolas,assotzios culturales e istitutziones sunt interessadas a ordiminzare sos abbenimentos.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22