In Roma, bi est bistadu unu abbenimentu de importantzia manna po su Sib Confcommercio, sas eletziones natzionales chi ant sinzadu unu momentu de signifficcu po s’organizassione, faghinde puru cambiamentos importantes meda.

Cun sa presentzia de su Presidente Natzionale Fipe, Dr.Stoppani, Dr. Caluggi, e de su segretariu generale Dr. Federico Pieragnoli, Antonio Capacchione est bistadu cunfirmadu dae tottus a sa ghia de su Sindacadu Italianu Balneari. Sa cunfirma est bistada accollida cun boghes e tzacarramanos caentes meda dae parte de una sala prena, mustrande sa cunfiantza cumprida e s’istima in su cumandu sou chi nisciunu ponet in cuntierra.

In pius de sa cunfirma de Capacchione, Puru Alberto Bertolotti e Enrico Schiappapietra ant mantennidu sas positziones insoro importantes meda in s’organizassione. Bertolotti, una figura istorica de su sindacadu, e Enrico Schiappapietra, commente vice Presidente Vicariu, sunt ambos appretziados po sas calidades e cumpetentzias insoro.

Unu momentu istoricu est bistadu signadu dae sa naschida de su Terziariu Sib Feminas, credu po sa prima borta in su mentres de s’abbenimentu. Caludia Comida de Tortolì at tentu s’onore de essere numenada delegada natzionale de custu campu novu. Sa numena sua est unu riconnoschimentu de signifficcu e cumportat una responsabilidade manna meda.

Claudia Comida at espressadu cun emotzione s’impignu sou po s’incarrigu, evidentziande sa responsabilidade e s’onore chi custu cumportat. Si est impignada a faghere sos interessos de tottu sas feminas chi donzi die affrontant sas porfias cun corazzu, determina e sensibilidade. At contadu custas feminas commente unidas dae sa fortza e sa furia de su mare, uninde sas attividades insoro in su rispettu de sas lezes de s’Italia e diffendinde cun fortza sos dirittos insoro.

Sa torrada de Claudia Comida in s’amada Sardigna sua e in sa tzittade de Tortolì-Arbatax, est bistadu accollidu cun allegria e braga. At espressadu ingraenzu po sa Sib/Fibe/Confcommercio po aere creadu custu logu novu e po li aere affidadu custu incarrigu importante meda. At in piusu ringratziadu sas cumpanzas e sos cumpanzos de sas atteras regiones, chi benint cunsiderados maistros e fentomos pretziados, po li aere cuntzedidu logu mancari issos tenzerent pius esperientzia.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Brevettes,Italia intre sas primas deghe in Europa: sinzales positivos mancari sa minimada.

Fintzas si si registrat una minimada pitticca in su numeru de sos brevettes, s’Italia resessit su mattessi a bintrare intre sos primos 10 Paisos in Europa. In su 2025,dittas e imbentores italianos ant presentadu 4.767 dimandas de brevettes, unu datu chi est minimadu de pagu cunfrontadu a s’annu passadu. Mancari custa minimada,peroe,s’Italia resessit a mezzorare sa posissione sua in sa classifica,arrivande a su postu 10 in su mundu e cunfirmandesi intre sos Paisos europeos prus attivos in custu campu.

Su campu chi si mustrat prus forte est cussu de sas carraduras e de sas macchinas, chi sighit a creschere mancari in su mentres atteros campos abbraccant.Appena pustis si agattant sas tennologias ligadas a sa movida de sas mertzes,comente sistemas de carradura e imballazu,sighidas dae macchina ispetziales e inzenneria tzivile. Unu cinnu positivu arribat fintzas dae sa creschida de su brevette unicu europeu, una cosa chi permittit de diffendere un’imbentu in prus Paisos cun d’una dimanda sola. Custa cosa faghet divennere simples sas protzeduras e minimat sos pretzios,facilitande pro sas ditta pitticcas e medias, ma fintzas pro sas universidades e tzentros de chirca, de tutelare sas ideas insoro e las ponnere in su mercadu.

Propriu in su campu de sa chirca pubbrica si annodittat su Cunsizzu Natzionale de sas Chircas, chi si cunfirmat intre sos interpretes printzipales in Italia e tenet unu bonu risurtadu fintzas a livellu europeu. Custu mustrat s’importantzia de sa chirca pubbrica po agguantare s’isviluppu e creare opportunidades novas. Mancari sos signales chi dant corazzu, addurant peroe difficultades. Sa minimada, mancari pitticca, in su numero de sos brevettes mustrat chi bi est ancora bisonzu de accomettare de prus sas dittas e sos imbentores, mescamente in d’unu campu internatzionale semper prus in cumpetissione. In prus,est de fundamentu minimare sas differentzia in sas zuras de s’Italia.

In tottu custu, s’Italia mustrat de tennere ancora capatzidades bonas in su campu de modernizzassione,resessinde a mantennere unu postu importante in Europa. Intamen, po mezzorare de prus at essere netzessariu imbestire de prus in sa chirca, accomettare sas dittas e azzuare sos zovanos a revertire sas ideas insoro in disignos chi si pottant faghere.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22