S’Opera teatrale nova “Cobalto”, fruttu de sa lughente creadividade de Matteo Porru,ispuntat commente un’azzunta chi promittit meda a su registru de su Teatru Stabile de su Veneto, chi tenet grandesa meda in sa bista teatrale de s’Italia. Sutta de s’ischida derettadura de Francesca Merli e cun sas drinnidas interpretassiones de Alex Cendron e Laura Serena, s’ispettaculu si est preparande a ispantare su pubbricu de su Teatru Mario del Monaco de Treviso, intro de su famadu GEA Treviso Contemporary Festival 2024. Custu abbenimentu de arte est su risurtadu de un’azzudu de GEA e su Comitadu Teatro Treviso, chi dat puru pius ammaju e attumbentzia a su disignu intreu.

Su cuntestu de “Cobalto” est una istravanada bidda de montera, isolada in d’una adde istrinta e isperdida, inube su chelu si annapat in d’una manera chi pistighinzat duas bortas a su die. Sa prima borta abbojat cun sa disparida prena de misteriu de una femina, mentres sa secunda, capitada dues meses pius a tardu, biet iscumparrere in su nudda, su maridu de issa e tottru su masone chi si est appasciande.

Custos abbenimentos drammatigos ponent in motu medas abbenimentos chi ammintirottant sos fizzos de sa cropa, Bianca e Bruno, custrintos a si cunfrontare cun d’unu enimma dae sas tonalidades iscurigosas, bantzigande in sa chirca de sa veridade e su jubilu de una fine de su mundu dae sas raighinas paganas.

Su contu si faghet ammaghiante unu passu fattu de s’atteru cando sos duos frades, pustis de annos de ispitzigu signados dae mudires e tesones, si acciappant a accommettare imparis unu destinu chi paret signadu dae una calamidade de unu tempus attesu meda. Sa bidda chentza nomene diventat su cataffale dae su cale partint sos ammentos e sos segretos de Bianca e Bruno, chi agattant accostu in sa soledade de sa barracca de famiglia. Innoghe, in mesu de sos muros prenos de istoria e de misteriu, isso torrant a bivere sa pitzinnia insoro, sinzata dae s’umbra de su babbu pastore e dae sos abbenimentos annappados chi ant formadu sas vidas insoro.

“Cobalto” si apparat commente un’opera teatrale de s’ambiente dilicu, in su cale su limide de su reale e su fantasiosu s’issoberit, dande vida a un’universu carrigu de signos e intzidios. Est unu viazzu in s’animu de s’omine, inue sos elementos de sa natura, si fundent cun sas passiones e incoglidas de sos omines, creande un’intrecciu ammaghiante e chi ponet impare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Su tzinema e s’animassione produidos in Sardigna torrant a occupare una posissione importante a sa Festa de su Tzinema de Roma, un’abbenimentu isettadu chi bi at essere dae su 16 a su 27 de santuaini. Cust’edissione promittit de offerrere unu cataffale de signifficcu po sos talentos de su logu e sas operas fattas in s’isula, dande unu contribbudu a faghere biere sa cultura ricca de su tzinema sardu.

S’abbenimentu at a partire cun d’unu film isettadu meda, chi iscumbattat sa vida de unu politicu sardu nodidu meda, chi at tentu un’influentzia manna abberu, no solu a livellu regionale, ma fintzas natzionale. Su film, interpretadu dae un’attore famadu meda, cheret offerrere una bista intima e chi interessat supra una figura istorica chi at dassadu unu sinzu chi non si podet iscancellare in sa memoria de tottus.

Pustis de sa proiezione po sa prima borta, su film at essere presentadu puru in Tattari, sa tzittade in sa cale est naschidu s’attore, su 22 de martu, unu momentu chi promittit de essere carrigu de emossiones e signifficu po sos ispettadores locales.

Sa Sardigna Film Commission, impegnada a balorizzare su patrimoniu culturale e tzinematograficu de s’isula, si at a dedicare non solu a promovere su film chi at abberrere sa manifestassione, ma fintzas a sa tzelebrassione de s’eredidade importante meda de un’omine chi at marcadu s’istoria politica italiana.

Cust’annu, s’incumintzu de sa Festa at abbojare cun su Mia, Mercadu Internatzionale de s’audiobisivu, una base de networking e de tramuda po sos proffessioneris de su campu. In su mentres de su Mia, paritzos registas sardos ant a presentare sos progettos insoro chi sunt isfriscande, creande occasiones po assistentzias in su tempus benidore e possibilidades de essere bidos in tottue. Sa Sardigna Film Commission at a usare custu logu po mustrare sas initziativas novas e sos programmas de su tempus benidore, dedicados a sa formassione e a produire in su campu de s’animazione, unu campu chi si est allargande meda e chi tenet potentzialidades mannas.

In pius de sa tzelebrazione de films de natura divressa, cust’edissione si at a cuncentrare supra s’isviluppu de sa filera de sos cortometraggios. Po sa Sardigna e sos autores suos at essere una vetrina importante meda.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22