Sa carriera in ruju e blu de Naithan Nandez est arrivata a sa fine a su nessis po custu momentu. Su tzentrucampista uruguaianu at dezisu de sighire sa carriera sua in su football in Arabia Saudita, inue at a rezzire unu cumpensu a su cale non si podet renuntziare de 10 miliones de euros po donzi annu. Mancari eppat retzidu parizzas offertas dae atteras isquadras italianas, Nandez at mantennidu sa promissa de non giogare po nissun’attera isquadra de s’Italia, faghinde de su Casteddu s’unica domo sua in Italia.

Nandez at bividu un’esperientzia istravanada in Sardigna, unu logu chi est diventadu po issu una sigunda domo. Si est ambientadu bene meda in s’Isula, affundandesi in sas traditziones e in sas bellesas naturales de su
logu. In mesu de sas suas attividades preferidas bi funt chentza dudas sos giros a caddu e sos giros in foraistrada in sa natura selvaggia sarda.

At puru appretziadu sa coghina locale, partetzipande paritzas bortas a arrostidas de porcheddu e atteras cosas bonas tipicas de sa Sardigna. Su ligonzu de “Su Leone” cun sa Sardigna non est solu professionale, ma puru meda personale. Sa freccia de Cupido at fertu Nandez in su mentres de sa vida sua in s’isula, faghindelu innamorare de Sara, una picciocca casteddaja bella meda. Custu amore est bistadu meda tzelebradu cun fotograffias romanticas supra de sos social, chi ant conchistadu su coro de sos tifosos de de sos followers.

S’urtima de custas fotograffias at iscopiadu una nova de signifficu: Naithan e Sara ipsettant unu pitzinnu. Non si ischit ancora si at essere mascru o femina, ma s’emotzione de sa cropa si biet in manera clara. “Ti semus ispettande cun amore meda” at iscrittu Nandez in ispagnolu, accumpanzande tres immagines bellas meda chi testimonzant sa gioia e s’isettu insoro. Dae su puntu de bista isportivu, su tempus benidore de Nandez est tottu de iscriere, ma una cosa est secura: su ligonzu sou cun sa Sardigna at addurare una cosa chi non si at a podere isprendere.

Su fizzu o sa fizza sua ant a creschere cun s’Isula in su sambene, sighinde unu ligonzu chi su tempus non at mai illascare. Naithan Nandez at essere po semper cunsideradu unu “sardu po semper” , mancari che siat attesu dae sa
Sardigna amada.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Turismu, record novu po sa Sardigna: presentzias meda

Sos datos de s’istajone 2025 mustrados a sa Bit de Milano.

Su 2025 est bistadu un’annu eccetzionale po su turismu in Sardigna, cun numeros de record de bisitadores chi ant cunfirmadu s’isula intre sos logos prus disizados de su Mediterraneu. S’istajone at registradu una creschida custante in sos mesese de istiu e fintzas in s’istajone bassa, mustrande comente semper prus turistas seperent sa Sardigna fintzas in beranu e attonzu,attirados non solu dae sas plajas suas, ma fintzas dae sa ricchesa de cultura, natura e enogastronomia.

Sa capatzidade ritzettiva de s’isula est creschida meda, cun albergos e extra albergos novos, chi ant permittidu de accasazzare bisitadores chi arribant dae tottu s’Italia e dae fora. Intre sos istranzos sunt parizzos sos turistas chi arribant dae Germania, Francia, Svizzera e Regno Unito, mentres in Italia, sa Sardignas addurat unu logu preferridu po chie benit dae Lombardia e Lazio. Fintzas sos aeroportos de s’isula ant registradu una creschida de sos passezzeris, cunfirmande un’accreschimentu custante e s’interessu internatzionale pro sa Sardigna.

Addia de su turismu balneare, est creschinde meda s’offerta ligada a sos abbenimentos culturales, isportivos e a sa balorizzatzione de sos burgos e de sos caminos intre s’isula, chi at permittidu de dividere sos arrivos in atteras istajones e apparare esperientzias divressas. Abbenimentos comente su Giru de Sardigna in bicicretta e s’Americas Cup de bela in Casteddu sunt opportunidades importantes po faghere arribare bisitadores fintzas in sos meses chi benint cussiderados prus calmos, cun recaidas positivas po s’accolomia locale e po sos albergos de s’isula.

Su sutzessu de s’istajone 2025 cuffirmat s’importantzia istrategica de su turismu po s’accolomia sarda. Non si trattat solu de numeros e presentzias, ma de una parte chi dat unu contribbudu a mantennere bivu su connottu, balorizzare su patrimoniu naturale e culturale e creare logos de tribagliu. Sa Sardigna est mustrande de essere capatze de apparare unu turismu sustenibbile, divressu e de calidade, capatze de faghere arrivare bisitadores italianos e istranzos tottu s’annu.

Abbaidande a su tempus benidore, s’isula puntat a affortigare de pius custa creschida, imbestinde in sa promotzione internatzionale, in sa cura de sas iscroccas e in sa balorizzatzione de tottu su chi rendet sa Sardigna unica in sa bista de su mediterraneu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22