Dae su 31 de maju a su 6 de Santu Aini 2024, su palattu de Tzittade de Casteddu, at accollire una mustra dedicada a su tzelebre fotograffu Roberto Capa(1913-1954). S’abbenimentu est in abboja cun sue de ottanta annu de s’isbarcu de sos alleados supra de sas plajas de Normandia, abbennidu su 6 de Lampadas 1944, eternadu in sos iscattos de Capa, consideradu su babbu de su fotogiornalismu modernu.

Sa mustra, ordiminzada dae s’Amministrassione comunale de Casteddu e dae Silvana Editoriale, cun s’azzudu de sa fundassione de Sardigna, est curada curada dae Marco Minuz. Gratzias a s’azzudu de s’Agentzia Magnum Photos de Parigi, s’esposissione ponet impare 110 fotograffias, mustrande unu percursu tipu cumpletu. Sas figuras in mustra affianzant tottu sas printzipales esperientzias chi deffinint su tribagliu de su fotograffu naschidu in Ungheria e diventadu americanu: dae sos annos in Parigi a sa Gherra Tzivile ispagnola, dae s’esperientzia de sa gherra de sa Tzina cun su Giappone a sa segunda gherra mondiale, cun sa liberatzione de s’Italia e s’isbarcu in Normandia, fintzas a s’avanzada de sos alleados in Berlino, sa Russia de su segundu pustis gherra, sa naschida de Israele e, po finire, sa gherra de Indocina, inue Capa ad acciappidu sa morte in su 1954.

Custa bista manna, at a permittire a sos bisitadores de connoschere tottu sos momentos pius importantes de sa carriera de custu fotograffu istravanadu. Famadu po sas immagines suas potentes e chi toccant, Capa aiat pubbricadu sos tribaglios suos in sas pius importantes pubblicatziones de su mundu, commente “Life” e “Picture Post”.

S’istile sou, privu de pomposidade e deffinidu dae un’urgentzia piperuda, li at fattu iscattare fotograffias a pagos metros dae sos logos de battaglia, in su mattessi coro de sas gherras. Bell’e gai, su tribagliu de Capa non si est alindadu solu a sa testimonia de sos abbenimentos de sa gherra. Sa mustra, iscumbattat puru su rapportu sou cun su mundu de sa cultura de cussu tempus, cun retrattos de personas tzelebres commente Pablo Picasso,Ernest Hemingway, Truman Capote e Henri Matisse, mustrande sa capatzidade sua de bintrare in s’intimidade de sas personas chi at fotograffadu.

Unu puntu ispeciale est dedicadu a su reportage sou supra de sos films de cussu tempus. Pustis de sa fine de sa Segunda gherra mondiale, s’attrice Ingrid Bergman aiat fattu bintrare Capa supra su set de su film “Arco di Trionfo” de su 1948, cordinadu dae Lewis Milestone, inue at tribagliadu commente fotograffu de iscena.

Sa mustra, accasazzada in s’ ispantosu Palattu de Tzittade in su coro de su tzentru istorico de Casteddu, est un’occasione chi non si podet perdere po iscoperrere e devuccare s’opera de Robert Capa.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sa Sartiglia de Aristanis: Emossione e Connottu in sa Maghia de sa Giostra Equestre.

Aristanis, coro chi toccheddat de sa Sardigna, est in festa. In custas dies, sas carrelas de sa tzittade si prenant de colores,tumbaros, costumenes istoricos e s’isciarroccu de sos brassanos de sos caddos chi donant vida a sa Sartiglia, s’antiga Giostra Equestre chi donz’annu donat emossiones e ispettaculu.

S’edissione de cust’annu est cunfirmande tottu sa maghia e su trimpisu chi faghent divennere custa manifestassione uniga in su genere suo. Intre cursas chi che bogant s’alenu, abilidades ispettaculares e su ammaju de su connottu, Sa Sartiglia est acciappande su coro de mizas e mizas ispettadores, arrivados dae donzi angulu de sa Sardigna e addia’.

Sa Sartiglia affundat sas raighinas suas in su Evu Mesanu e, secundu su chi si narat, beniat giai tzelebrada in su seculu XV. Ordiminzada dae sos gremios(sos antigos gremios de sos mestieris), custa ispettaculare cursa de caddos at mantennidu in su tempus su valore de baltziga suo, poninde impare elementos sacros e proffanos, istoria e paristoria.

Su pius importante de tottu sa Sartiglia est Su Componidori, su setzidore cun sa caratza chi, una borta chi at atzettadu su rolu suo cun su ritu de sa bestidura, divenit casi una frigura de ispiritu, suspesa intre sacru e proffanu. Est issu a ghiare sa cursa a s’istella, su momentu pius attesu de sa Giostra, inube sos cavalleris iscappant a currere sos caddos insoro po infertzire sun s’ispada un’istedda de arghentu suspesa in su boidu.

Donzi istella infertzida est cussiderada de auguriu bonu po sa tzittade e s’incunza de s’annu. In d’unu tempus in su cale sa laurantza fit su tzentru de sa vida accolomica, su risurtadu de Sa Sartiglia teniat unu balore de fundamentu po sa comunidade.

Sas dies de festa di partint intre sa cursa a s’istella, chi si faghet in su Cursu printzipale de sa tzittade, e sas pariglias, sas abilidades arriscadas a caddu chi tenent su pubbricu cun s’alenu suspesu. Sas pariglias, in manera particulare, sunt su momentu pius ispettaculare de sa Sartiglia: ballumenes de tres cavalieris si iscappant a currere, faghinde esercitzios chi non si podent creere, a s’ispissu a sa rea cun sos pes supra sos caddos, faghinde figuras chi tenent influentzia visiva.

Cust’annu, sas isquadras de cavalleris si sunt codiande cun numeros de difficultade arta meda, in mesu de tzoccamanos e momentos de sinchidu trimpisu .

Attività realizzata col contributo della Regione Sardegna — IMPRENTAS 2024-2025. LR 22/2018, art. 22