Su nomenadu chef e tzelebridade de sa televisione, Bruno Barbieri, at dae pagu acciappadu s’attentzione de sos media, pustis de essere bisradu avvistadu in Casteddu, capitale de sa Sardigna. Accumpanzadu dae sos meres de battoro famados hotel de Casteddu, Barbieri si est tuffadu in su berbore de s’isula, po si preparare a sa prossima puntada de “4 Hotel”, su nomenadu programma de sa televisione, dedicadu a sa valudassione de sos alloggios.

Sas carrelas de pedra de Casteddu, ant bidu su passaggiu de Barbieri e de sos cumpanzos suos, sinnande su cumintzu de un’abbentura de coghina e de retzida chi non si est bida atteras bortas, in su galanosu iscenariu sardu. Est bistada isparta sa emossionante assunta , chi custa noa edissione particulare de “4 Hotel” at essere ambientada de su tottu in Sardigna, battinde una bentada de friscura e novidade in su mundu de sa televisione chi allegat de coghina.

No est sa prima borta chi Barbieri aiat nadu chi cheriat dedicare una puntada intrea a sa Sardigna. In su mentres de unu abbenimentu de su passadu, in su coro de s’isula, aiat atzinnadu de s’occasione de iscumbattare a fundu sos ispantos de sa coghina e de sa posada de custa regione unica. Commo, cun s’arrivu sou a Villa Fanny, s’interesse sou
paret essere arrivadu a unu crompimentu prenu, prontu a iscumbattare sas delissias chi s’isula tenet de apparare paris cun sos meres de sos alloggios de Casteddu chi partetzipant a sa cumpetissione.

Sa nova chi “4 Hotel” ada a trasmittere tottu una puntada dedicada a sa Sardigna, at dispertadu galabera meda in mesu de sos sustenidores de sa trasmissione, sos cales non biene s’ora de si affundare in s’ambiente
unicu e in sa posada de sa regione, po mesu de su video.

Custu accadessimentu chi non est bistadu fattu atteras bortas, promittit de faghere creschere sa curiosidade e sos abettos de su pubbricu, chi commo si dimandat cun affascu chi at essere a sa fine su binchidore de custa porfia apprettante.

Po iscoperrere su risurtadu de custa cumpetissione, sos chi abbadiant sa televisione si ant a teppere armare de passentzia e ispettare cun attrudulu sa trasmissione de custa puntada dedicada a sa Sardigna in su canale de Sky, cando finamente ant a essere bogados a craru sos segretos e sos ispantos chi s’isula at riservadu a sos cuncurrentes e a sos ispettadores de tottu su mundu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Su fenomenu de sos mangones in s’istagnu de Molentargius: un’ispettaculu naturale in su coro de sa tzittade.

S’istagnu de Molentargius, intre Casteddu e Quartu S. Elena, offerret unu de sos ispettaculos prus ammaghiantes de sa Sardigna cun sa presentzia regulare de sos mangones arrubios. Custos puzzones galanos, chi faghent parte de sa zenia Phoenicopterus roseus, sunt attirados dae sas abbas calmas e salamattas de sa zura, chi offerrint cundissiones ideales po los faghere pappare e faghere sos nios. Su Parcu Naturale Regionale de Molentargius-Saline, chi est mannu casi 1.600 ettaros e cumprendet istagnos, abba e salinas istoricas, est bistadu fattu po tutelare custu eco-sistema unigu, reconnoschidu a livellu internatzionale dae su Protocollo de Ramsar.

Sos mangones arribant donz’annu dae zuras divressas de su Mediterraneu, comente Francia,Spagna e nord Africa, e acciappant in Molentargius unu furriadorzu seguru gratzias a sas abbas bassas, riccas de cosa de pappare e paza marina, e a sa trancuillidade de s’ambiente. Dae su 1993, sa zura est divennida fintzas unu logu po faghere sos nios: donzi beranu sas cropas, fraigant nios de fangu, ponent sos ovos e creschent sos puzzoneddos, dande vida a unu fenomenu de biodiversidade ispettaculare.

Su tempus massimu de appellida andat dae martu a triulas, cando sos puzzoneddos naschent cun pinnammene ferulattu e sos mannos si movent tottu imparis, pappande e comunicande intre issos, creande una bera “nue arrubia” chi si biet dae attesu meda. Pro diffendere sas niadas, su Parcu controllat su livellu de s’abba e alindat s’intrada a carchi zura, garantinde gai sa trancuillidade chi serbit a sos puzzones. Fintzas fora de s’istajone sessuale, sos mangones  addurant a s’ispissu in s’istagnu o in sas zuras umidas accanta, comente s’istagnu de Santa Gilla, offerrinde un’ispettaculu unigu con sos bolos elegantes insoro e accumpanzados dae atteras zenias de puzzones de s’abba, intre sos cales mengones,tzurullios, filippas e anadras.

Sa presentzia de sos mangones in Molentargius, ets unu esempru craru de bivere imparis intre natura e tzittade, mustrande comente un’eco-sistema delicadu potat esistire a pagos passos dae su tzentru de sa tzittade. Custu fenomenu naturale no est solu un’occasione po su birdwatching, ma fintzas un’indittu de sa puresa de sas abbas e de sa calidade de s’habitat, cuffirmande s’importantzia de tutelare e balorizzare sas zuras umidas sardas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22