Alessandra Todde, cun sa rechente bintrada in sa lista natzionale de sos politicos chi influentzant sos sotzial, secundu Primaonline.it, at dassadu un’ imprenta importante meda in sa bista politica online. Pustis de s’elessione sua commente Guvernadora de sa regione Sardigna, de su 25 de frearzu passadu, est bistada reconnoschida po s’effettu importante sou supra de sas bases digitales.

Bell’e chi su primu e su segundu logu de sa lista siant in manos de su vice primu ministru e de su capu de su guvernu, ambos ant tentu unu calu in sas mossas, evidentziande cambios in sa manera in sa cale sos politicos sunt attibbidos e movent in sos social media.

In mesu de sos atteros politicos in sa lista, Vincenzo De Luca, Guvernadore de sa Campania, chi at sighidu a pigare pius in artu in sa lista, arribande a su postu numeru 8, cun d’unu aumentu de su 56% in sas mossas e de su 16% in sas bisiones de sos videos. Custu aumentu mustrat commente est creschinde s’importantzia de sas bases digitales in sa comunicatzione politica e sa capacidade de De Luca de interessare su pubbricu po mesu de sos temas online. Alessandra Todde, at fattu s’intrada sua in sa lista in su mese de Frearzu.

Bell’e chi su numeru de sos argumentos pubbricados siat adduradu custante in cunfrontu de su mese de bennarzu, at registradu unu aumento mannu de su 150% in sas mossas. Custu evidentziat s’interessiu chi est creschinde de su pubbricu in sos cunfruntos de sa Governadora noa de sa Sardigna e sa capatzidade sua de faghere partetzipare sa zente po mesu de sos social media.

Custu riconnoschimentu evidentziat s’importantzia sempere pius manna de sos social media in sa formatzione de sa bidea pubbrica e in sa comunicatzione politica, cunfirmande su rolu tzentrale chi issos giogant in sa bista politica de oe.

Sa capatzidade de influentzare e faghere partetzipare su pubbricu po mesu de sas mossas digitales, est diventadu unu elementu de su cale non si podet faghere a mancu po sos politicos de oe, e Alessandra Todde parte essere subra de sa carrela zusta poi sfruttare in prenu custa possibilidade in su rolu sou de Guvernadora de sa Sardigna.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Su tempus benidore no est una cosa a tesu o astratta: in meda casos est giai incumintzadu e creschet cun sas ingendras noas. Sas tecnologias de su tempus benidore ant a èssere arminzos de fundamentu pro istudiare, tribagliare, nàrrere e tènnere cura de su pranetta. Lu cumprendere dae pitzinnos cheret nàrrere èssere prus ammaniados a accomettare sas proas de cras cun curiosidade e cun seru.

Una de sas tennologias prus importantes est s’intellighentzia artifitziale, giai presente in sos telèfoneddos, in sos giogos, in sos programas de istùdiu e inis retzes sotziales. In su tempus benidore at a èssere semper prus impittada pro azzuare sa zente a imparare menzus, a mezzorare sa meighina, a fàghere sas biddas prus balidas e a favoressere su tribagliu de s’òmine, chena remendare  sa creatividade e su pensamentu crìtigu.

Un’àteru logu chi creschet in presse est sa robotica. Sos robòts de su tempus benidore no ant a èssere solu màchinas de s’industria, ma ant a azzuare in sos ispidales, sas iscolas, sas domos e in incarrigos de azzudu. Ant a pòdere fàghere tribaglios faticosos o perigulosos, lassande a sa zente prus tempus pro sas cosas creativas e pro sas relatziones.

Ant a tènnere un’ ammentu mannu fintzas sas tecnologias pro s’ambiente. Sas fortzas annoabiles, comente su sole e su bentu, sas maneras pro minimare s’impestadura e sas materias chi durant ant a èssere importantes  pro diffendere su pranetta. Sos piseddos ant a tènnere unu rolu  crae in s’isviluppu de azzudos tecnològicos chi podent firmare su càmbiu de su tempus.

Su tempus benidore at a èssere semper prus digitale puru pro mèritu de sa realidade virtude e de sa realidade aumentada. Custas tennologias ant a permittere de istudiare s’istòria andande in sos logos antigos, de imparare is iscientzias cun sas friguras e de si allenare in logos seguros e pare-pare. Imparare at a divennere un’iscarmentu  prus apprettante e ispassiosu. No ant a mancare sas cosas noas in s’ispàtziu e in sa manera de nàrrere.

Sos Satellites, sas bìas in s’ispàtziu e is retzes noas de collegamentu ant a fàghere su mundu semper prus ligadu, donande noas possibilidades de ischire e de tribagliare imparis a sa zente de àteros paisos. Sas tecnologias de su tempus benidore no sunt solu istrumentos, ma sunt responsabbilidade. Si s’impittant bene cheret nàrrere respetare sos àteros, diffendere sos datos personales e faghere  seperos bonos.

Attività realizzata con il contributo della Regione Sardegna – IMPRENTAS 2024- 2025.LR22/2018, art.22”