Fiat su 1933 cando sa vida de sa pitica Aurora Secchi, de Mandas, fiat istada triulada dae un’isfogu de ociada, acumpangiada dae cumplicatziones graves. Sa situatzione fiat gasi crìtica chi a sos babbos fiat istada cussigiada finas s’estrema untzione pro s’amada pitzinna issoro.  Leados dae dolore e dae su disisperu, sos babbos aiant detzìdidu de mandare sas pregadorias issoro a su Beato Fra Salvatore da Horta, pedende unu miràculu pro sa salude de Aurora.

Su miràculu fiat acontèssidu su sero matessi gràtzias a sas pregadorias disperadas. Nointames sas oras de coma e su perìgulu de morte pro sa pitzinna, Aurora si fiat ischidada de s’istadu crìticu suo, si fiat setzidu in su letu e aiat pedidu de mandigare. Un’eventu gasi ispantosu e chi non si podiat ispiegare in manera sientìfica chi sos mèigos matessi non podiant cumprèndere su lestru sanamentu de sa pitica.

Su 3 de maju de su 1933 est sa data ufitziale de su miràculu, un’eventu chi at lassadu un’arrastu importante in s’istòria de Mandas e chi sa Crèsia at reconnotu comente  miràculu autènticu acumpridu da Fra Salvatore de Horta. Custu ùrtimu, de sighida, est istadu canonizadu su 17 de abrile de su 1938 de su Paba Piu XI, cunfirmende sa santidade sua e su ligàmene ispetziale suo cun sa comunidade.

In ammentu de su de noranta anniversàrios de custu miràculu istraordinàriu, sa comunidade de Mandas dae pagu  at acollidu sos ossos de Santu Sarbadore dae Horta. Custu eventu at postu in primu pranu s’istòria cummovente de Aurora Secchi e su miràculu chi at cambiadu su cursu de sa vida sua. Unu ringratziamentu ispetziale a su grupu FB de Saboris Antigus pro àere cumpartzidu custa importante istòria e pro àere fatu connòschere custa testimonia de fide.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Nora, sa tzittade supra de su mare chi contat sas issidas de sa Sardigna.

Intre sos logos archeologicos prus ammaghiantes de s’isula,sa zura archeologica de Nora est una de sas testimonias prus importantes de s’istoria antiga de sa Sardigna. Posta in sa costa sud-occidentale , in s’iscrocca de Pula, Nora est unu logu inube su tempus passadu ispuntat a pagos passos dae su mare, intre ruinas chi contant seculos de tzivilidade e barattos in su Mediterraneu.

Fundada cun meda probabilidade dae sos Fenicios intre su IX e s’VIII seculu A.C.,Nora est cussiderada una de sas tzittades prus antigas de s’isula. Pustis est divennida unu tzentru punicu importante meda e, prus a tardu,romanu, leande unu rolu istrategicu dae su puntu de bista de sos negossios chi de s’amministrassione. Sa posissione sua,supra de una penisula accarada supra su mare, l’at fatta divennere unu portu naturale e unu puntu de collegamentu de fundamentu intre sa Sardigna e sos atteros caminos de su Mediterraneu.

Passizzande intre sos restos de sa tzittade si podent biere in manera crara sas fases istoricas divressas chi sunt furriadas in su tempus.Intre sos elementos prus de ammaghiu bi est su teatru romanu, una de sas conas de su situ, chi fintzas oe benit impittadu in su mentres de s’istiu pro abbenimentos culturales e ispettaculos. Accanta a su teatru bi sunt sos istabilimentos termales, cun logos dedicados a su relax e sa vida sotziale, e parizzas domos decoradas cun musaigos chi testimonzant su livellu de isviluppu apperricadu dae sa tzittade in su tempus de sos romanos.

Sos caminos sticcados,sos restos de sas cresias e sas istrutturas de su portu contant de una tzittade biva e ordiminzada, inube si intrintzaiant attividades de barattu,religiosas e de donzi die.Interessante meda est su cuartieri punicu, chi custoid sas andalas de sa fase prus antiga de su logu. Unu de sos trattos pius ammaghiantes de Nora est s’appitzicu suo cun su mare. Parte de sa tzittade antiga s’isterriat in sa costa e oe carchi istruttura si agattat sutta de su livellu de s’abba, e si biet solu in carchi occasione.

Custu elementu dat unu contribbudu a faghere divennere su situ unigu, inube archeologia e bista naturale si fundent in d’unu ecchilibriu ammaghiante.Sos iscavos, chi sunt ancora faghinde, sighint a torrare materiales e informatziones novas, arricchinde sa connoschentzia de unu logu chi no at ancora iscoviadu sos segretos suos.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22