Una detzisione commovente e significativa est istada pigada dae s’Universidade pro Istràngios de Siena, chi at detzìdidu de intitulare una sala de letura a s’iscritora Michela Murgia, acanta a sa biblioteca dedicada a Virginia Woolf. Custu gestu est unu donu a sa memòria de s’iscritora sarda, chi at lassadu unu regordu e una eredidade importante in sa cultura italiana.

Sa sala s’agatat a su tzentru de s’edifìtziu, comente chi nd’esseret su coro. In sa ghenna, s’iscritzione in italianu e in coreanu, pro ammentare s’interessu de s’iscritora pro cussa cultura. “Cando Michela si nd’est andada – at concruidu su retore – amus postu sas banderas nostras a lutu. Pro àteros nos semus refudados de lu fàghere, ca pensamus chi s’autonomia universitària chèrgiat nàrrere pòdere seberare sos puntos de riferimentu”.

Sa tzerimònia de intitulatzione est istada fata su 14 de nadale in s’àula magna de s’ateneu toscanu. Sa presèntzia de su retore Tomaso Montanari, de su maridu de Michela Murgia, Lorenzo Terenzi, e de su dotzente de Limba e Cultura Coreana Imsuk Jung at sutaliniadu s’importu e s’influèntzia manna de Michela Murgia in su mundu acadèmicu e culturale.

Importante meda est su fatu chi s’Universidade pro Istràngios de Siena apat acasagiadu Murgia pro una letzione subra sos connoschimentos suos e s’interessu suo pro sa cultura coreana su mese martzu coladu. S’intitulatzione de un’ispàtziu gosi simbòlicu a s’iscritora iscumparta testimòniat su profundu respetu pro su traballu suo e s’impatu suo in su cuntestu acadèmicu.

Custa noa rapresentat unu reconnoschimentu  significativu de su contributu chi  dMichela Murgia at dadu a su mundu de sa literadura e de sa cultura. S’intitulatzione de sa sala de letura rapresentat unu modu cuncretu pro preservare e onorare sa lassa istraordinària sua in su panorama acadèmicu.

 “Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

S’iscola frantzesa de s’aggregamentu Nitting-Voyer-Hermelange, posta in sas campagnas prenas de espressione a costazzu de Sarrenbourg, Mosella, in sa parte norti orientale sa Frantza, at dae pagu tempus accollidu battoro istudiantes novos in su corpus de sos istudiantes. Ma bi est una particularidade chi non si podet creere: custos istudiantes non sut umanos, ma battoro berbeghes prenas de gratzia.

John Deere, Valeriane Deschamps, Phil Tondus e Marguerite Duprès, sunt sas berbeghes chi ant acciappidu logu in sas aulas de s’iscola, in d’una protesta prena de intriscu contra sas regulas chi amminettaiant sa serrada de classes cun d’unu numeru mancante de istudiantes.

Sa situassione fit critica: su ministeru de s’istrutzione frantzesu aiat istabilidu chi po mantennere funtzionante sa cuinta de s’iscola elementare in su mese de capidanni, sos tres comunes teppiant tennere a su nessi 98 iscrittos. Bell’e gai, su numero de sos istudiantes fit firmu a 94.

Po binchere custa porfia, su sindigu prenu de inzeniu e s’uffitziu iscolasticu ant dezisu de leare in prestitu battoro berbeghes dae unu gentile massaju de su logu. Donzi berbeghe est bistada trattada cun sa mattessi guera de un’istudiante beru: est bistada assinzada a issas una famiglia adottada, unu indiritzu e puru una data de naschida. Sos particulares sunt bistados controllados cun meda attentzione e sos dossier finidos sunt bistados
mandados a su Ministeru de s’istrutzione, cun s’azzudu e sa collaboratzione de s’uffitziu de su comune.

Ma pro itte berbeghes? Commente ispiegat Loic Firtion, presidente de s’assotziu de sos babbos e sas mamas,” a differentzia de sas berbeghes, sos pitzinnos non tepent essere trattados commente numeros”. Custa movida disabbuda at battidu unu nuntzu forte meda supra su bisonzu de trattare sos istudiantes cun sentidu chi benit dae intro e individualidade, imbetzes chi los relegare a tzifras simples in d’unu fozu de calculu.

S’accollidura riservada a sas berbeghes dae parte de sos istudiantes beros est bistada carda meda e prena de ispiritu. Sos cumpanzos de classe ant preparadu cartellos de benennidu e ant creadu unu chintu pitticcu fora de s’iscola, in manera chi sas berbeghes poderent passare su tempus insoro in trancuillidade cando fint in iscola.

Custa protesta disabbuda , non solu at postu s’attentzione supra sa situassione critica de sas iscolas de campagna, ma at puru promovidu unu nuntzu de incluisione e rispettu po donzi membru de sa comunidade iscolastica, umanu o animale chi siat.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22