In  Ulassa, su “museu a chelu abertu” dedicadu a Maria Lai,  at cumpletadu su restàuru de su pretziosu “Muro del Groviglio”. Custa òpera de arte ambientale posta in su caminu chi giughet a sas Grutas Su Marmuri, est istada restaurada gràtzias a su contributu de su Fundu pro s’Ambiente Italianu e Intesa Sanpaolo, in s’àmbitu de s’initziativa “I luoghi del cuore”.

Sa tzerimònia de inauguratzione, organizada dae su Comunu de Ulassa est prevìdida pro a cras mangianu. Durante s’eventu, ant a èssere presentados sos traballos de restàuru e ant a intervènnere  su Sìndigu Giovanni Soru, sa Presidentas FAI ETS Sardegna Monica Scanu, sa Cabugrupu FAI ETS de s’Ogiastra Lucia Deiana, su Diretore de sos Traballos Arch. Francesco Pusceddu e su RUP Ing. Claudia Puddu. In prus ant a èssere organizadas bìsitas ghiadas pro permìtere a su pùblicu de bìdere s’òpera restaurada.

Maria Lai, nàschida in su 1919 in Ulassa, est istada una figura ùnica in s’arte, lighende su limbàgiu originale suo a sa geografia e a sa comunidade locale. Ulassa est devènnida unu “museu a chelu abertu” gràtzias a sas òperas de Maria Lai. In su 2018, su “Museu a chelu abertu” de Maria Lai est istadu votadu dae 11.544 pessones comente  logu de su coro in su tzensimentu “Luoghi del Cuore” de su FAI, ponende·si a su primu postu in Sardigna.

Su restàuru de su “Muro del Groviglio” est istadu possìbile gràtzias a su finantziamentu de FAI e Intesa Sanpaolo, chi ant contribuidu cun 24.000 èuros. S’òperat, realizada in su 2004 subra su tzimentu de unu muru, presentat sinnos e iscritas simbòlicas in corsivu infantile. Su restàuru est istadu fatu pro more ca s’òpera est istada dannificada dae su tempus malu, essende a s’abertu.

Su Sìndigu Ing. Giovanni Soru at sutaliniadu s’importu de s’atzione de amparu de su patrimòniu artìsticu de Ulassa e at evidentziadu sa coerèntzia de s’interventu cun su progetu pilota “Ulassai: dove la natura incontra l’arte”, finantziadu dae s’Unione Europea cun su programa NextGenerationEU in s’àmbitu de su PNRR – Lìnia A.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Ozzastra terra de istoria: sos printzipales sitos archeologicos de bisitare intre nuraghes,biddas antigas e monumentos de sa tzivilidade nuragica.

S’Ozzastra est una de sas zuras de sa Sardigna prus riccas de istoria antiga. In cust’iscrocca si agattant sitos archeologicos meda chi contant sa vida de sas populassiones chi istaiant in s’isula mizza e mizza de annos faghet.

Intre montes, campedas e campagnas si podent biere nuraghes, tumbas de tzigantes, tumbas antigas irfossadas in sa rocca e restos de biddas. Bisitare custos logos est commente faghere unu biazu in su passadu e connoschere menzus s’istoria de sa Sardigna e de sas tzivilidades chi ant bividu s’isula prima de s’arrivu de sos romanos.

Unu de sos sitos prus connoschidos est su Nuraghe Ruinas, chi si agattat in s’iscrocca de Arzana. Custu nuraghe est unu de sos prus artos de sa Sardigna e si agattat in d’una posissione crara dae sa cale si podent biere sos montes de su Gennargentu. In s’iscrocca de Triei si agattat sa Tumba de sos Tzigantes de Osono, unu de sos monumentos de interru prus importantes de s’Ozzastra. Un’atteru situ interessante meda si agattat in s’iscrocca de Bari Sardo, inube bi est su Nuraghe Sellersu. In s’iscrocca de Cardedu si agattat invetzes sa Necropoli de Monte Arista, una zura in sa cale sunt bistadas agattadas tumbas meda irfossadas in sa rocca.

Intre sos sitos prus importantes de s’Ozzastra bi est fintzas su cumplessu archeologicu de s’Ortali’e su Monti, in s’iscrocca de Tortolì. Si trattat de unu de sos sitos prus bisitados de sa zura e accansat monumentos divressos intre sos cales unu nuraghe mannu, una tumba de sos tzigantes e restos de biddas antigas. Importante meda est fintzas su situ archeologicu de s’Arcu ‘ e is Forros, in s’iscrocca de Villagrande Strisaili. Custu logu fuit una bidda nuragica manna chi in passadu teniat fintzas unu rolu religiosu e de negossiu. Sos archeologos ant agattadu restos de cresias, magasinos e buttegas po tribagliare sos metallos.

S’Ozzastra est duncas un terra ricca de testimonzas archeologicas chi permittint de iscoperrere s’istoria prus antiga de sa Sardigna. Sos nuraghes, sas tumbas e sas biddas antigas sunt unu patrimoniu pretziosu meda chi contat s’issida de s’isula. Bisitare custos logos cheret narrere connoschere menzus su tempus passadu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22