Sa giòvana sarda Siria Pozzis’est distinta in sa finale meda de Miss Italia agiudichende·si su de tres postos de sa cumpetitzione de bellesa prus famada. Su tìtulu importante de Miss Italia 2023 est istadu assignadu a Francesca Bergesio de su Piemonte durante una tzerimònia chi s’est tenta in sa Sala Europa de su Palatzu de sos Cungressos de Salsomaggiore Termi, trasmìtida in direta in su situ de Miss Italia.

SaSiria Pozzi, bintitres annos de Sestu, at conchistadu sa de tres positziones, onorende s’Ìsula in custu  cuncursu de bellesa chi dae 84 annos eleghet sa pitzoca prus dèchida de Itàlia. Arta 1 metru e 75, cun pilos e ogros iscuros, Sìria at ischidu rapresentare cun dignidade sa Sardigna paris cun Bianca Puddu.

Durante sas finales, sa giòvana finalista at istentadu sa giuria, cumposta dae Giulia Salemi, Hoara Borselli e Giuseppe Cruciani, paris cun su presidente de etzetzione: Vittorio Sgarbi. Su brontu suo est istupadu fintzas durante unu collòchiu cun sa presentadora Jo Scuillo, ue at riveladu chi su tipu ideale suo de òmine est calicunu chi iscat coghinare. In antis de sa proclamatzione de sa binchidora, Sgarbi at fatu unu complimentu in Sìria, afirmende chi bidendela dae curtzu est galu prus bella.

Siria Pozzi asseguradora de professione e apassionada de isport e manga, at otentu su tìtulu de Miss Sardigna durante su percursu de sas seletziones, cun tapas in Santu Antiogu, Bolòtana, Osini e in fines in Casteddu.

Francesca Bergesio imbetzes at conchistadu su tìtulu pro su Piemonte, regalende sa de chimbe vitòrias a custa regione. Su Làtziu si cunfirmat sa regione cun su nùmeru prus artu de tìtulos, cun 13 miss, sighidu dae Lombardia e Sitzìlia cun 11 tìtulos. A s’imbesse Basilicata, Molise e Badde de Aosta no ant mai bintu su tìtulu de Miss Italia.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Sa birra sarda sighit a si distinghere a livellu natzionale e europeu, accuccurrande una filera de riconnoschimentos de grandesa chi ponent in lughe s’estremadia de su prodottu isolanu e sa solidesa de sa filera regionale de sa birra. Custos premios cunfirmant su sutzessu creschente de sas favricas artigianales de sa birra in Sardigna e s’effettu de signifficu supra su mercadu regionale e addia.

Dae pagu tempus, sas favricas de birra isulanas ant brilladu in medas manifestatzione importantes, incluinde abbenimentos meda connoschidos commente su Vinitaly 2024 e su Bartzellona Beer Challenge, unu de sos cuncursos de sa birra pius de grandesa de Europa, addia a su Cuncursu Internatzionale de Lione.

In mesu de sos personaggios printzipales de custa serie de sutzessos, si est annoddittada sa favrica de birra Puddu de Santa Giusta,Aristanis, chi at conchistadu tres medallas (oro,arghentu e brunzu) a su Bartzellona Beer Challenge po sas variedades Porter,Saison e Coffee Porter, binchinde puru su titulu de menzus favrica de birra zovana de sa gara. Sa favrica de birra Battor Moros de Guspini, at binchidu duos oros po sas birras Puttu 16 Helles e Puttu 9 Vienna Lager, e sa favrica Artigiana Horo de Sedilo at retzidu una medalla de oro po sa Tifo Mourinho e una de arghentu. Puru sa favrica de birra Agricola Reforte de Benetutti at binchidu una medalla de brunzu cun sa birra Su Boboti, e sa favrica de Birra Keja de Bari Sardo at conchistadu una medalla de arghentu cun sa Calmedia, un’India Pale
Lager.

A su cuncursu internatzionale de Lione, sa favrica Birrificio “Isula” de Thiesi at binchidu medas medallas de oro po medas variedades, in mesu de sas cales sa Pale Ale, sa coffee stout e sa pils, addia una medalla de arghentu cun sa Session Ipa. In pius a su Vinitaly, su premiu “silver” a su design po sa classe birras, est bistadu dadu a sa Wine Explosion – IGA Mogorese a su Semidano favrica de birra Bam de Mogoro.

Su presidente e su direttore de Coldiretti Sardigna, Battista Cualbu e Luca Saba, ant evidentziadu s’importantzia de custos riconnoschimentos, chi premiant su tribagliu tostu de sas favricas de birra artigianales de sa Sardigna in s’agguantare tottu sa filera de sa birra regionale. Coldiretti Sardigna at fattu partire unu disignu ambitziosu meda po azzuare custa filera, faghinde partetzipare sos chi produene su ranu,s’orzu,malto e luppulu, paris cun sas favricas de birra e su Consorziu de sa Birra Italiana.

Custu disignu cheret favoressere una produssione de s’isula cumpleta, dae sas materias primas a su prodottu finidu, cun s’intentu de rispondere a tottu sas esigentzias de sa filera. Gratzias a custa initziativa, sunt arrivados finatziamentos importantes meda dae sa Regione, po agguantare sas favricas de birra a sos produttores de orzu, preparande su terrinu po accomettare sas porfias de su tempus benidore cun ressignu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22