Sa noa de su reconnoschimentu ufitziale de sa Coja Antiga  daa banda de su ministèriu de sa Cultura est unu momentu de grandu orgòlliu e tzelebratzione pro sa comunidade de Ceraxus. Custu reconnoschimentu ponet sa Clja subra in su matessi pranu de àteras tzelebratziones istòricas sardas de fama natzionale comente a sa Sartiglia de Aristanis e sa Festa de sos Candeleris de Tàtari.

Sa coja antiga est istada inclùdida in s’elencu de sas rievocatziones istòricas italianas, unu resurtadu otentu a pustis de un’atenta valutatzione dae banda de oto ricercadores chi ant fatu un’iscumbata aprofundida in totu su territòriu italianu. Custa dessinnatzione lu còllocat comente  ùnica manifestatzione de sa zona intre sos 39 eventos sardos tzertificados. Su sìndigu de Ceraxus, Gigi Concu, non cuat sa satisfatzione manna sua pro custu reconnoschimentu importante, sutaliniende s’importu a livellu natzionale e su valore de promotzione de su territòriu addae sas làcanas regionales.

S’amministratzione locale at cumpartzidu cun cuntentu custa noa càstiende cun grandu entusiasmu a sa prospetiva de fàghere connòschere e avalorare sas traditziones ricas de Ceraxus in una prataforma natzionale. Sa presèntzia de sa Coja in sa mapadura aprontada dae sos espertos est unu resurtadu chi afòrtiat su caràtere identitàriu e su ligàmene intre passadu e presente de custa importante tzelebratzione, interessende pessones de generatziones diversas.

S’assessora a sa Cultura, Oriana Bernardi, at sutalineadu su valore de custu reconnoschimentu, chi prèmiat s’acàpiu forte a sas traditziones locales e s’identidade culturale de sa bidda. S’obietivu imbeniente est s’incroimentu de sa Coja in su registru de sos Eventos Mannos, chi isetat su pronuntziamentu de sa Regione.

Su presidente de sa Pro Loco, Gianni Frau, cumpartzit at agiuntu chi custu reconnoschimentu cunfirmat chi sa Coja no est limitada a sas làcanas tzitadinas, ma si podet ispìnghere finas a s’àtera banda de su Tirrenu. Custu reconnoschimentu rapresentat pro totus cussos chi ant dedicadu tempus e aficu pro mantènnere bia custa importante traditzione in su cursu de sos annos una satisatzione manna e sa paga giusta pro medas sacrifìtzios.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

In arrivu dae sa secunda edissione de s’Oscar de sas Regiones , unu abbenimentu istravanadu chi at a tennere in su coro chi toccheddat de Roma, intro de sos conas istudios de Cinecittà: Custa proa, naschida cun s’intentu de dare gabbale e visibilidade a sas tradissiones e produssiones regionales de eccellentzia, si arviat commente un’occasione unica po tzelebrare sa ricchesa e diversidade de sas terras nostras italianas..

Sa Sardigna, cun sa cultura sua de mizza annos e sas tradissiones chi , accisant, at essere interprete chentza discussione de custu istravanadu abbenimentu. Feminas e omines bestidos cun sos ispantosos costumenes de sa tradissione, ant essere prontos a bogare a campu una variedade manna de ispettaculos chi ant andare a daenanti in sas duas dies de festa.

Unu donu chi drinnit a una tradissione chi affundat sas raighinas in su passadu e chi sighit a brillare cun sa lughe sua in su presente. In mesu de sos ispettaculos pius ispettados bi ant essere sas Mascheras, custodes autentigos de una tradissione longa casi 3.000 annos. Custas figuras prenas de misteru anti isfilare cun destresa in sa Cinecittà Street, accumpanzadas dae sos sonos galanosos de sos marratzos.

In mesu de issas, s’Orku, una maschera cun su corpu de omine e sa conca de animale, imboligada in d’una pedde niedda de animale, cun corros longos supra de sa conca e carrigas de marratzos, chi at essere sa reina assoluda de
s’isfilada. Accanta a issa, sos Mustayonis, bragosos portadores de sa tradissione, cun sas pertigas de ozzastru e sas cannas, bestidos cun beistires betzos e muccadores nieddos in conca, chi ant affadare su pubbricu cun sas istravanadas movidas insoro.

Ma s’Oscar de sas Regiones non si at a firmare solu a s’ispettaculu chi si podet biere: sos visitadores ant a tennere s’occasione de si affundare in sa cultura sarda po mesu de unu beru percursu de su gustu. In sas carrelas de Cinecittà World, ant essere presentadas operas de magistros fattas in suerzu, podottos de mandigare e ispecialidades de sa Sardigna, commente sebadas e porcheddos coghinados in sa brasia. E po accumpanzare custa esperientzia unica de sos sensos, no ant a mancare sas birras de sos magistros de sa regione, chi ant a delissiare sa ucca de tottu sos presentes.

Ma s’Oscar de sas Regiones non tiada essere cumpridu chentza sa musica chi at accumpanzare sos ispettaculos. In su mentres de sas duas dies, su pubbricu at a podere godire de musica dae su bivu, antiga e de sa tradissione sarda, po arrivare a sas interpretassiones de sas cantones pius famadas commente cussas de sos Tazenda e de Piero Marras. E po unu toccu de maghia in pius, no at a mancare s’ispettaculu chi che ogat s’alenu de Feuer Frei, una truppa de artistas chi ant a ballare sighinde sa musica imboligada dae su fogu e su laser, donande un’ispettaculu chi non si at a podere ismentigare e chi at a dassare tottus chentza alenu.

S’Oscar de sas Regiones, duncas, at a donare duas dies de ispantu e emotziones, un’occasione istravanada po si affundare in sa bellesa e sa diversidade de sas tradissiones italianas e bivere un’esperientzia chi non
si at a podere ismentigare e chi at addurare imprentada in sos coros de tottu sos chi ant a partetzipare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22