Su 28 Cabudanni 2023 at a rapresentare una data memoràbile pro sa giòvana bariesa, Sara Scattu, chi at retzidu un’importante reconnoschimentu in sa Càmera de sos Deputados. Si tratat de su “Prèmiu Amèrica Giòvanos” intregadu dae sa Fundatzione Itàlia Istados Unidos, unu reconnoschimentu de cabbale cunferidu a sos giòvanos laureados de sas universidades italianas cun prus mèritu e cun percursos de istùdiu universitàrios de primore.

S’istòria de Sara est una testimonia de impinnu e de istùdiu acadèmicu. A pustis de àere otentu sa Làurea Triennale in Iscièntzias de sa Comunicatzione in s’Universidade de Sàssari, at sighidu su percursu suo de formatzione e, in su martzu de su 2023, s’at chistidu sa Làurea Magistrale in Iscièntzias Criminològicas pro s’investigatzione e sa seguridade in s’Universidade de Forlì. Ma non s’est firmada inoghe.

Sara at dimustradu sa passione sua pro sas matèrias acapiadas a sa criminologia e a sa psicologia e at detzìdidu de perfetzionare sas cumpetèntzias suas. At printzipiadu unu Màster acanta s’ANFOC, un’aficu chi l’at permìtidu de otènnere su tìtulu de Peritu Ispetzializadu in Criminologia e Peritu Ispetzializadu in Psicologia de sas Setas. Custos resurtados testimòniant s’istraordinàriu impinnu suo pro sos istùdios e su determinu suo a persighire sa carriera acadèmica.

Ma sas bonas noas no agabbant  inoghe. Paris cun s’importante “Prèmiu Amèrica,” Sara at fintzas conchistadu una bursa de istùdiu chi l’at a permìtere de frecuentare su Màster esclusivu ofertu dae sa Fundatzione Itàlia Istados Unidos in “Leadership pro sas relatziones Internatzionales e su Made in Italy.” Custa oportunidade rapresentat un’àteru traguardu e una crèschida professionale chi promitet de abèrrere ghennas significativas pro su benidores suo.

Su Comunu de Barì, in una nota in sos canales sotziales, at natadu de èssere orgolliosu de sas resessidas de Sara Scattu, una ambasciadora de primore de sa tzitade e un’esèmpiu positivu pro sos giòvanos bariesos. S’istòria sua dimustrat craramente chi cun impinnu, passione e aficu, est possìbile cròmpere traguardos istraordinàrios in s’àmbitu acadèmicu e professionale. Sa comunidade de Barì dat sas prus sintzeras congratulatziones a Sara e a sa famìlia sua e aùgurat a Sara una carriera prena de satisfatziones.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Progressistas a cungressu: Massimo Zedda elegidu segretàriu, cumintzadu su negossiu cun su Pd

Su partidu de sos Progressistas in Sardigna at tzelebradu oe su cungressu suo in su Teatru de sas Salinas de Casteddu, sinzande unu momentu importante a pustis de sas reghentes bulluzzas cajonadas dae su “Casu Satta” e dae sas dimissiones dae s’assessoradu a sa Laurantzia chi ant tentu importàntzia meda in custas chidas.

S’assemblea at presentadu noas organizativas de signifficu e polìticas pro sa formatzione regionale, fachidoras printzipalmente a livellu locale e postas in su campu mannu chi sustenet sa Giunta regionale. Intre sas noas printzipales bi est sa revisione de su istatutu, chi at creadu sa frigura de su Segretàriu e torradu a deffinire s’istruttura interna cun sa creatzione de una diretzione cun baranta iscritos, azzuada dae una secretaria ordiminzativa prus istrinta pro sa gestione operativa.

A ghiare su partidu est bistadu elegidu Massimo Zedda, giai presidènte de sa formatzione, cun s’intentu de ghiare su cursu nou de sos Progressistas.

Su cungressu at cunfirmadu s’abertura cara a alliantzas prus istrintas, cumintzende unu faeddu cun su Pd chi si podet revertire in unu pattu federativu, afortigande gai su rolu de su partidu in s’iscena polìtica regionale e afortigande sa presentzia de su tzentru-manca in Sardigna.
Custu cungressu rapresentat prus de unu semplize annoamentu formale: sinnalat una reflessione subra de su tempus benidore de su partidu e subra
de sos prozetos netzessàrios pro tennere pesu in su cuntestu regionale.

S’istrutura noa e sa direzione elegida mustrant una voluntade de afortigare s’unione interna e de si ponnere in manera crara intro de sa bista polìtica de s’ìsula, aberinde·si a azzudos e a caminos cu chi pòtant dare balore a s’esperièntzia de sos Progressistas e afortiga·nde s'identidade in sa longu
sumana, su chi sos membros isperant de pòdere resessire de fàghere dae tempus.

“Attività realizzata con il contributo della Regione Sardegna – IMPRENTAS 2024- 2025.LR22/2018, art.22”