S’influentzadore  digitale Gino Leonardo Mascia at bìvidu una terrorosa esperièntzia in sa note a su Poetto, ue est istadu ogetu de un’agressione pro li furare su relògiu suo. Gino at cumpartzidu sa esperièntzia drammàtica sua a traessu de unu messàgiu iscritu dae su letu suo de ispidale in su Brotzu.

In su post, Gino contat: “A pustis de sa serada cun sos amigos meos custu sero a su Poetu, bie sas 2:30 m’ant agredidu pro mi nde furare su relògiu dae su burtzu, a pustis de mi àere iscutu su nche sunt fuidos lassende·mi a terra”. Custu conta ponet in evidèntzia su dramma chi at bìvidu, un’atacu violentu in una de sas localidades prus frecuentadas de Casteddu.

Pro sorte sua, Gino at tentu petzi feridas de pagu contu e non lesiones graves. At sighidu narende: “Isto bene, non so feridu meda e como so in su letinu de su prontu sucursu a bos lu contare”. Sa determinatzione sua in su cumpartzire s’istòria sua nointames sas tzircustàntzias malas dimustrat su coràgiu suo e sa voluntade sua de sensibilitzare sa gente subra de s’importu de sa seguridade personale.

In prus, Gino at ispiegadu su motivu de sa reatzione sua in defensa de su relògiu, nointames su balore suo esseret limitadu: “Su relògiu meu non tenet valore meda e no est unu Rolex ma nche tèngio e mescamente mi lu so comporadu cun su dinare meu sena furare nudda a perunu e est pro custu chi l’apo difesu”. Custa afirmadura evidèntziat s’importu de sos ogetos personales e su significadu emotivu chi podent tènnere pro cadaunu de nois.

Gino at concruidu su post suo cun unu messàgiu chi rifletet subra de su machine de s’agressione: “E chie si siat , deves ischire chi b’at semper unu modu pro t’agiuare e ti dare una manu, nointames su fatu chi m’apant fatu pistare sa conca subra de su martziapee mi podiat causare dannu meda. Est unu pagu iscarranfiadu ma peristantu non seis resèssidos a mi nche lu furare, prus a prestu, totu custu pro unu relògiu? Bravos”.

Custas paràulas sutalìniant s’assurdidade de un’atu gasi violentu pro un’ogetu de balore de pagu iteu.

 “Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Dae su 30 de lampadas a su 4 de triulas, sos creadores de moda Domenico Dolce e Stefano Gabbana, ant a seperare s’iscrocca casteddaia po presentare sas propostas insoro de couture de Moda Arta, de Atelier e de Oreria Arta.

Pustis de aere seperadu sa Puglia s’istiu passadu, po presentare sas creassiones insoro, sa cropa Dolce e Gabbana, arribat cust’annu in Sardigna. Dae su 30 de lampadas a su 4 de triulas, su sinnu famosu de moda at a presentare sas collessiones novas de Moda Arta, de Oreria Arta e de Atelier.

Sas traditziones, sos colores e sos nuscos de sa Sardigna, ant essere su filu ruju de su “Gran Tour d’Italia”, su disignu firmadu Dolce &Gabbana chi, dae su 2012, tzelebrat sas regiones de s’Italia po mesu de s’artigianadu e sos produttos fattos a manu.

A faghere de guarnissa a sas isfartzosas isfiladas chi donzi istiu animant s’iscena de sa Moda Arta, at essere s’iscrocca casteddaia. Su geniu creativu chi non si podet chistionare de Dolce e Gabbana at duncas a donare po sa prima borta, a sa Sardigna, unu viaggiu istravanadu in su cale arte e abilidade si ant addobbiare, dande vida a cuadros de moda chi che bogant s’alenu, bortados a pesare in artu s’incantu de sa tradissione populare sarda. Donzi isfilada de sas collessiones haute couture firmadas Dolce e Gabbana non est unu simple defilé, ma unu beru e propriu ispettacolu, capatze de toccare emossiones unicas chi binchent s’immazinariu cumone.

Su seperu de sa Sardigna commente logu po custu abbenimentu de grandesa, no est occasionale. S’isula,apparat un’iscenariu perfettu po tzelebrare sa bellesa e s’originalidade de sas creassiones de Dolce e Gabbana. Sas isfiladas ant a bennere in logos de cona de s’iscrocca casteddaia, isseperados po su valore istoricu e culturale insoro, creande
un’unione perfetta de moda e patrimoniu locale.

E commente donzi appuntamentu D&G chi si rispettat, non ant a mancare de certu sos personaggios mannos de su Star system globale. Tzelebridades, influencer e figuras importantes de su mundu de sa moda, ant a arrivare in Sardigna po assistire a custu abbenimentu unicu, cuntribbuinde a rendere meda pius ischintiddosu su clima de sas isfiladas.

Po s’occasione, intro de su nomenadu Forte Village, at essere abbertu unu ispeciale pop-up store. Custa buttega chi abberit po pagu tempus at a presentare unu seperu unicu de sas creassiones pius de cona de Dolce e Gabbana, permittinde a sos istranzos pius fortunados de comporare cantos unicos e pretziosos, fruttu de s’ abilidade de sos artigianos e de sa creatividade chentza laccanas de sa cropa de istilistas.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22