Su mare italianu, ricu de istòria e traditziones marinaras, at assistidu a un’addòbiu ùnicu intre su benidore e s’istòria. Luna Rossa, s’iscuadra vèlica italiana chi s’ammàniat pro s’importante Amèrica’s Cup, s’est unida a sa maestosa Amerigo Vespucci, una de sas naves prus bellas de su mundu, pro una crusiera-allenamentu indimenticàbile in sas abbas de su Golfu de Casteddu.

Sas imàgines de custa collaboratzione ispantosa sunt istadas cumpartzidas in sos profilos ufitziales de s’iscuadra de vela otenende medas cumpartziduras e complimentos. Luna Rossa, cun su disinnu innovativu suo e sa determinatzione sua a cumpètere a su màssimu livellu in su mundu de sa vela, s’est unida a s’Amerigo Vespucci, un’icona de s’elegàntzia e de sa maestosidade de sa marina italiana. Custu addòbiu simbulègiat s’unione intre su benidore e s’istòria de su mare italianu, totu ingiriadu dae su tricolore.

Sa crusiera-allenamentu at ofertu a sos membros de s’iscuadra Luna Rossa s’oportunidade de s’atzufare in sa traditzione marìtima italiana e de imparare dae unu de sos sìmbulos prus rapresentativos de sa marina Nostra. S’Amerigo Vespucci, cun s’elegante istrutura sua e sas maestosas velas suas, at ispiradu generatziones de marineris e est devènnida un’icona de sa navigatzione a vela.

Durante custa esperièntzia ùnica, sos membros de Luna Rossa ant tentu s’oportunidade de imparare dae espertos marineris, iscoberende sas tècnicas e sas traditziones de sa navigatzione a vela. Sa cumbinatzione de cumpetèntzias e connoschimentos, unidas a sa passione pro su mare e a sa determinatzione a lòmpere a sos resurtados prus artos, at creadu un’ambiente de aprendimentu e collaboratzione istraordinàriu.

Custa sinergia intre Luna Rossa e Amerigo Vespucci at sutaliniadu s’importu de preservare e avalorare s’istòria marìtima italiana. Su mare est istadu dae semper una fonte de ispiratzione pro s’arte, sa literadura e s’aventura, e custa collaboratzione at contribuidu a promòvere s’amore pro su mare e s’importu suo in sa cultura nostra.

Castiende a su tempus benente, custa esperièntzia rapresentat unu passu significativu pro Luna Rossa in sa preparatzione sua pro s’Amèrica’s Cup. S’iscuadra italiana est determinada a cumpètere a su màssimu livellu e a giùghere s’onore e su prestìgiu de su mare italianu in su panorama internatzionale de sa vela. Sa cumbinatzione de innovatzione tecnològica, abilidade marinaras e passione pro su mare promitet de ofèrrere unu benidore brillante pro sa vela italiana.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Su Carrasegare in Sardigna: ritos e caratzas antigas e identidade chentza tempus.

Su Carrasegare in Sardigna est meda prus de una festa in caratza. Est unu ritu de tottus chi affundat sas raighinas suas in tempos attesu meda, intritzinde connottu paganu, conas agrarias e devossione populare. Sas tzelebrassiones de carrasegare in s’isula si annodittant po sa presentzia de caratzas antigas, fattas in linna o suerzu, e de costumenes carrigos de signifficos ideales. Donzi bidda custoit su propiu Carrasegare, cun ritos e personalidades unigas, dassadas dae ingendra a ingendra e ligados in manera funguda a su tziclu de sa nadura e su mundu agropastorale.

Intre sas bogadas a campu prus nodidas bi est su carrasegare de Mamujada, in su coro de sa Barbagia. Inoche isfilant sos tzelebres Mamuthones e Issohadores, friguras prenas de misteriu chi incarnant unu ritu dae sa frigura forte. Sos Mamuthones, cun sas caratzas insoro nieddas e sos marratzos pesantes ligados a s’ischina, andant a daenanti cun passos lentos e ritimigos, cun su sonu cottu de sas campanas.

Accanta a issos si movent sos Issohadores, bistidos de ruju e biancu, chi cun d’una fune acciappant baltzigamente sos ispettadores, cun d’unu gestu de bonu auguriu.

In Otzana, in su Nugoresu, su Carrasegare est dominadu dae sas caratzas de sos Boes e Merdules. Sos primos mustrant sos animales, sos boes, mentres sos secundos incarnant sos meres insoro. Sa manifestassione est un bera e propria apparada de teatru a s’abbertu, chi mustrat s’appitzigu de cuntrastu e a su mattessi tempus vivu intre s’omine e sa nadura, intre istintu e controllu.

Atterettantu ammaghiante est su Carrasegare de Oroteddi, cun sos Thurpos, friguras trinas e imbruttadas cun foddine, chi ammentant massajos e pastores. S’aera insoro modesta po seperu, muttit sa fatiga de su tribagliu in sos campiles e s’asprighine de sa vida in campagna, mentres sa protzessione paret unu ritu de puriffigassione e de torrare naschere.

In su tzentru de Aristanis bi est sa Sartiglia, una de sas manifestassiones cun sos caddos prus antigas de su Mediterraneu. Inoghe su Carrasegare leat unu carattere ispettaculare e sulenne: parigliantes cun sas caratzas si affilant cun sos caddos po chircare de infertzire un’istedda appiccada in artu, in d’unu ritu chi ponet impare abbilesa, fortuna e sacralidade. Sa Sartiglia est unu mamentu tzentrale de s’identidade de sa tzittade e est sighida dae medas ispettadores .

Attività realizzata col contributo della Regione Sardegna — IMPRENTAS 2025-2026. LR 22/2018, art. 22