Su mundu de sos video-giogos chircat de satisfàghere sos bisòngios de totus, difatis sunt milliones difatis sos impitadores chi colant su tempus issoro gioghende cun su telefoneddu, a s’ispissu cun resurtados importantes. Unu de sos giogos prus connotos est de seguru Candy Crush. Pròpiu cun custu giogu una fèmina est resèssida a làmpere a  sas semifinales de unu torneu ufitziale, arribbende casi a sa vitòria de unu prèmiu de 250.000 dòllaros.

Sena si sapire de s’èssere iscrita, sa fèmina at comintzadu a giogare a Candy Crush comente a semper, sighende a colare dae una partida a s’àtera e iscoberende in manera casuale de àere cròmpidu unu resurtadu importante.

Erryn Rhoden, 48 annos mama de Columbus (Ohio), est resèssida a intrare a sas semifinales de su torneu All Starts de Candy Crush Saga sena mancu l’ischire. Su 12 abrile coladu, su fìgiu at publicadu unu messàgiu in una rete sotziale iscoviende chi in cussu momentu fiat sa mègius giogadora in sa regione sua, nointames no aeret mai ischidu de èssere in cumpetitzione cun àteros giogadores.

In un’intervista a Kotaku, Erryn at riveladu de s’èssere apassionada a sos video-giogos calicunu annu a oe pro more ca li praghiat a  isperimentare s’adrenalina de sa vitòria. Ma custu però l’aiat furriada a una persone tropu cumpetitiva e duncas aiat detzìdidu de s’istesiare de custu su mundu. Cun Candy Crush però podiat sighire a giogare, ca non previdiat calicunu tipu de cumpetitzione.

A pustis de àere iscobertu sos resurtados suos in su torneu, Erryn est abarrada ispantada meda. A dolu mannu, però,no est resèssida a otènnere sa vitòria finale. Difatis, a dolu mannu, est lòmpida a sa semifinales de su torneu.

Sa fèmina de 48 annos, mama de famìlia, una cosa però l’at bìnchida, est a nàrrere sa satisfatzione de àere dimustradu de èssere una de sa mègius giogadoras de su Rennu Unidu.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

In arrivu dae sa secunda edissione de s’Oscar de sas Regiones , unu abbenimentu istravanadu chi at a tennere in su coro chi toccheddat de Roma, intro de sos conas istudios de Cinecittà: Custa proa, naschida cun s’intentu de dare gabbale e visibilidade a sas tradissiones e produssiones regionales de eccellentzia, si arviat commente un’occasione unica po tzelebrare sa ricchesa e diversidade de sas terras nostras italianas..

Sa Sardigna, cun sa cultura sua de mizza annos e sas tradissiones chi , accisant, at essere interprete chentza discussione de custu istravanadu abbenimentu. Feminas e omines bestidos cun sos ispantosos costumenes de sa tradissione, ant essere prontos a bogare a campu una variedade manna de ispettaculos chi ant andare a daenanti in sas duas dies de festa.

Unu donu chi drinnit a una tradissione chi affundat sas raighinas in su passadu e chi sighit a brillare cun sa lughe sua in su presente. In mesu de sos ispettaculos pius ispettados bi ant essere sas Mascheras, custodes autentigos de una tradissione longa casi 3.000 annos. Custas figuras prenas de misteru anti isfilare cun destresa in sa Cinecittà Street, accumpanzadas dae sos sonos galanosos de sos marratzos.

In mesu de issas, s’Orku, una maschera cun su corpu de omine e sa conca de animale, imboligada in d’una pedde niedda de animale, cun corros longos supra de sa conca e carrigas de marratzos, chi at essere sa reina assoluda de
s’isfilada. Accanta a issa, sos Mustayonis, bragosos portadores de sa tradissione, cun sas pertigas de ozzastru e sas cannas, bestidos cun beistires betzos e muccadores nieddos in conca, chi ant affadare su pubbricu cun sas istravanadas movidas insoro.

Ma s’Oscar de sas Regiones non si at a firmare solu a s’ispettaculu chi si podet biere: sos visitadores ant a tennere s’occasione de si affundare in sa cultura sarda po mesu de unu beru percursu de su gustu. In sas carrelas de Cinecittà World, ant essere presentadas operas de magistros fattas in suerzu, podottos de mandigare e ispecialidades de sa Sardigna, commente sebadas e porcheddos coghinados in sa brasia. E po accumpanzare custa esperientzia unica de sos sensos, no ant a mancare sas birras de sos magistros de sa regione, chi ant a delissiare sa ucca de tottu sos presentes.

Ma s’Oscar de sas Regiones non tiada essere cumpridu chentza sa musica chi at accumpanzare sos ispettaculos. In su mentres de sas duas dies, su pubbricu at a podere godire de musica dae su bivu, antiga e de sa tradissione sarda, po arrivare a sas interpretassiones de sas cantones pius famadas commente cussas de sos Tazenda e de Piero Marras. E po unu toccu de maghia in pius, no at a mancare s’ispettaculu chi che ogat s’alenu de Feuer Frei, una truppa de artistas chi ant a ballare sighinde sa musica imboligada dae su fogu e su laser, donande un’ispettaculu chi non si at a podere ismentigare e chi at a dassare tottus chentza alenu.

S’Oscar de sas Regiones, duncas, at a donare duas dies de ispantu e emotziones, un’occasione istravanada po si affundare in sa bellesa e sa diversidade de sas tradissiones italianas e bivere un’esperientzia chi non
si at a podere ismentigare e chi at addurare imprentada in sos coros de tottu sos chi ant a partetzipare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22