In Sardigna s’agatant a s’istadu fòssile medas organismos importantes comente matas, pisches e molluscos.

Ma s’agatant fintzas rastos de coraddos, de archiociantinas, de brachiopodis, de echinodemes e de graptolites, ma fintzas de mammìferos e de rètiles. Andamus abìdere de ite si tratat gràtzias a su chi iscriet su giornale sardignapoint.

Sos Coraddos esistiant fintzas in s’Ordovicianu (500-435 m.a.) ma s’atzapant mescamente in colònias, in sos fundos de su Miocene (26-5.2 m.a.). Sas Archeociatinas, sìmiles comente a forma a sas Ispòngias, s’agatant petzi in sas rocas de su Cambrianu (570-500 m.a.) de s’Iglesiente. Sos Brachiopodes: sìmiles a sos Lamellibrànchios, sunt bundantes meda in sas formatziones ordovicianas de s’Iglesiente e de su Sarrabus. Sos Echinodermas, a sos cale apartenent sos Crinoidis e sos Echinidis, sos gasi narados eritzos de mare, de sos cale s’agatant esemplares fòssiles bellos meda in sos fundos miocenicos de sos montigros de Casteddu. Sos Graptolites de su perìosu de su Carboniferu (345-280 m.a.), cbiviant in colònias e oe s’agatant a s’istadu fòssile comente cambigeddos in sas crasto nieddos silurianos de sa zona de Goni (CA) e Ballau (CA). Pro serrare sos Mammìferos, comente s’importante elefante nanu gonnesu (CA), e sos Rètiles comente a su cocodrillu miocenicu atzapadu in sos calcares de Casteddu.

Dae su giassu ìnternet de su museu regionale de iscièntzias naturales de Torinu ischimus chi regorta istòrica de fòssiles de sa Sardigna, de prus de 500 campiones, realizada a partire dae su 1819 est istada su generale Alberto Ferrero della Marmora durante sas permanèntzias suas in Sardigna. Sa colletzione est istada ammaniada finas dae s’orìgine in tres còpias, de si destinare una a sa Galleria de Mineralogia e Geologia de su Jardin des Plantes de Parigi, una a su Museu de Geologia de Casteddu e una a su Museu Mineralògicude Torinu. In sos vàrios catàlogos a istampa, iscritos in frantzesu, si rilevat chi sa còpia parigina de sa regorta tenet una numeratzione diferente de cussa sarda e de cussa torinesa.

Durante sas operatziones de riòrdinu de sa collezione a inghìriu a su 1985-1990, sunt istados agatados petzi 411 de sos 574 campiones originales. Sos àteros esemplares sunt andados pèrdidos durante su bombardamentu de Torinu de sa note intre su 12 e su 13 de austu 1944, cando vàrias bombas intzendiàrias aiant corfidu Palatzu Carignano, tando sede de su Museu de Geologia.

Sa collida est istada impreada medas bortas pro allestimentos realizados dae su Museu Regionale de Iscièntzias Naturales de Torinu siat in sa sede istitutzionale sua  a Biella, a Casteddu, a Monteponi e gosi sighende.

“Progetu finantziadu cun s’Avisu Pùblicu IMPRENTAS annualidade 2021-2022”

Su fenomenu de sos mangones in s’istagnu de Molentargius: un’ispettaculu naturale in su coro de sa tzittade.

S’istagnu de Molentargius, intre Casteddu e Quartu S. Elena, offerret unu de sos ispettaculos prus ammaghiantes de sa Sardigna cun sa presentzia regulare de sos mangones arrubios. Custos puzzones galanos, chi faghent parte de sa zenia Phoenicopterus roseus, sunt attirados dae sas abbas calmas e salamattas de sa zura, chi offerrint cundissiones ideales po los faghere pappare e faghere sos nios. Su Parcu Naturale Regionale de Molentargius-Saline, chi est mannu casi 1.600 ettaros e cumprendet istagnos, abba e salinas istoricas, est bistadu fattu po tutelare custu eco-sistema unigu, reconnoschidu a livellu internatzionale dae su Protocollo de Ramsar.

Sos mangones arribant donz’annu dae zuras divressas de su Mediterraneu, comente Francia,Spagna e nord Africa, e acciappant in Molentargius unu furriadorzu seguru gratzias a sas abbas bassas, riccas de cosa de pappare e paza marina, e a sa trancuillidade de s’ambiente. Dae su 1993, sa zura est divennida fintzas unu logu po faghere sos nios: donzi beranu sas cropas, fraigant nios de fangu, ponent sos ovos e creschent sos puzzoneddos, dande vida a unu fenomenu de biodiversidade ispettaculare.

Su tempus massimu de appellida andat dae martu a triulas, cando sos puzzoneddos naschent cun pinnammene ferulattu e sos mannos si movent tottu imparis, pappande e comunicande intre issos, creande una bera “nue arrubia” chi si biet dae attesu meda. Pro diffendere sas niadas, su Parcu controllat su livellu de s’abba e alindat s’intrada a carchi zura, garantinde gai sa trancuillidade chi serbit a sos puzzones. Fintzas fora de s’istajone sessuale, sos mangones  addurant a s’ispissu in s’istagnu o in sas zuras umidas accanta, comente s’istagnu de Santa Gilla, offerrinde un’ispettaculu unigu con sos bolos elegantes insoro e accumpanzados dae atteras zenias de puzzones de s’abba, intre sos cales mengones,tzurullios, filippas e anadras.

Sa presentzia de sos mangones in Molentargius, ets unu esempru craru de bivere imparis intre natura e tzittade, mustrande comente un’eco-sistema delicadu potat esistire a pagos passos dae su tzentru de sa tzittade. Custu fenomenu naturale no est solu un’occasione po su birdwatching, ma fintzas un’indittu de sa puresa de sas abbas e de sa calidade de s’habitat, cuffirmande s’importantzia de tutelare e balorizzare sas zuras umidas sardas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22