Sa Sardigna in s’istòria geològica prus reghente sua at acasagiadu una fàuna e una flora chi oe amus a pòdere adobiare petzi in mares meda prus caentes de su Mediterràneu. Est su chi narat su Geòlogu e Diretore sientìficu de su PARC de Genone Luisu Sànciu.  Semus alleghende de su Miocene, comintzadu 23 milliones de annos a oe e  acabadu pagu prus de 5 milliones de annos a como.

Torrende in segus in su tempus, pro prima cosa, no amus a àere bidu unììsula a su tzentru de su Mediterràneu, pitzigada a sas costas de sa Proventza, est a nàrrere in Frantza! Sa cosa curiosa chi paris cun s’ìsula nostra aeremus aiamus agatadu fintzas sa Còrsica. Difatis Sardigna e Còrsica formaiant, comente immoe etotu, su Blocu Sardu-Corsu. Posca, in paris cun sa sArdigna b’aiat peri parte de su Nord Àfrica e de sa Calàbria.

A su cumintzu de su Miocene, su blocu Sardu-Corsu at  comintzadu a s’istesiare dae sa costa proventzale e a si positzionare gosi comente est immoe. Custu est acontèssidu in  16 milliones de annos. Su movimentu de sas placas aiat creadu de sas fraturas mannas cun mudamentu de blocos de crosta terrestre. Dae cussos ispacos nde fiat essudu unu muntone de magma. Vulcano mannatzos nche bogaiant a foras valangas de chisina e pedras tentas in fogu e una surra de materiale vulcànicu chi, a bellu a bellu, tostendesi est devènnidu roca. Custas rocas las podimus bìdere in Sulcis, Màrghine, Planàrgia, Tataresu e  Anglona. Benint mutidas “trachites”, ma dae su puntu de annotu geològicu si diant dèpere mutire  “ignimbrites”.

Fintzas suta su mare  est istadu interessadu dae su vulcanismu  sutamarinu, chi podimus bìdere in Marmilla, acanta sunt arrinbbadas finas a nois  formatziones de lava sutamarina chi pigant su nùmene de Pillow Lava (o “lavas a coscinu”). Custas lavas a tenent una dimensiones de 1 – 1,5 metros de diàmetru ma in Sardigna tenimus unu primadu casi mundiale, difatis in su sartu de su Comunu de Masuddas, si podet ammirare unu de custos “cabidales” de lava chi tenet una mannària de 12 metros de longària pro 8 de artària, dae inoghe su nùmene “Mega Pillow”. Pròpiu pro custu sa formatzione  làvica est istada decrarada monumentu naturale.

 “Progetu finantziadu cun s’Avisu Pùblicu IMPRENTAS annualidade 2021-2022”

Brevettes,Italia intre sas primas deghe in Europa: sinzales positivos mancari sa minimada.

Fintzas si si registrat una minimada pitticca in su numeru de sos brevettes, s’Italia resessit su mattessi a bintrare intre sos primos 10 Paisos in Europa. In su 2025,dittas e imbentores italianos ant presentadu 4.767 dimandas de brevettes, unu datu chi est minimadu de pagu cunfrontadu a s’annu passadu. Mancari custa minimada,peroe,s’Italia resessit a mezzorare sa posissione sua in sa classifica,arrivande a su postu 10 in su mundu e cunfirmandesi intre sos Paisos europeos prus attivos in custu campu.

Su campu chi si mustrat prus forte est cussu de sas carraduras e de sas macchinas, chi sighit a creschere mancari in su mentres atteros campos abbraccant.Appena pustis si agattant sas tennologias ligadas a sa movida de sas mertzes,comente sistemas de carradura e imballazu,sighidas dae macchina ispetziales e inzenneria tzivile. Unu cinnu positivu arribat fintzas dae sa creschida de su brevette unicu europeu, una cosa chi permittit de diffendere un’imbentu in prus Paisos cun d’una dimanda sola. Custa cosa faghet divennere simples sas protzeduras e minimat sos pretzios,facilitande pro sas ditta pitticcas e medias, ma fintzas pro sas universidades e tzentros de chirca, de tutelare sas ideas insoro e las ponnere in su mercadu.

Propriu in su campu de sa chirca pubbrica si annodittat su Cunsizzu Natzionale de sas Chircas, chi si cunfirmat intre sos interpretes printzipales in Italia e tenet unu bonu risurtadu fintzas a livellu europeu. Custu mustrat s’importantzia de sa chirca pubbrica po agguantare s’isviluppu e creare opportunidades novas. Mancari sos signales chi dant corazzu, addurant peroe difficultades. Sa minimada, mancari pitticca, in su numero de sos brevettes mustrat chi bi est ancora bisonzu de accomettare de prus sas dittas e sos imbentores, mescamente in d’unu campu internatzionale semper prus in cumpetissione. In prus,est de fundamentu minimare sas differentzia in sas zuras de s’Italia.

In tottu custu, s’Italia mustrat de tennere ancora capatzidades bonas in su campu de modernizzassione,resessinde a mantennere unu postu importante in Europa. Intamen, po mezzorare de prus at essere netzessariu imbestire de prus in sa chirca, accomettare sas dittas e azzuare sos zovanos a revertire sas ideas insoro in disignos chi si pottant faghere.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22