“Bator eja”. Martina Baldaccini, giòvanu talentu sardu, de Carbònia, chi eris s’est ammustrada subra de su palcu de X Factor, dae in antis Fedez, Dargen de Amico, Rkomi e Ambra Angiolini, at conchistadu totu sos giùighes. A 17 annos at lassadu sa Sardigna pro devènnere una busker a Londra e devenende un’artista de istrada at pòdidu satisfàghere sas  passiones suas prus mannas: sa mùsica e sos biàgios.

Martina s’est presentada cun una cover de “Mi sei scoppiato dentro al cuore” de Mina e su timbru de sa boghe sua, unu pagu serragadu, at fatu amorare fintzas su pùblicu. Sa pitzoca de Carbònia como bolat diretamente a sos Bootcamp, s’imbeniente passu de s’ispetàculu de Sky.

X Factor est sa versione italiana de s’istòricu formadu televisivu The X Factor UK pessadu dae su produtore discogràficu Simon Cowell e andadu in direta in su 2004 a su 2018. Su talent at fatu cròmpere a sa fama a artistas de su càlibru de Little Mix e Leona Lewis ultres a àere creadu unu de sos fenòmenos musicales prus mannos de sos annos 2000, est a nàrrere sos One Direction.

In Itàlia, X Factor est arribbadu in su 2008 cun una prima editzione andada in direta subra de Rai 2 conduida dae Francesco Facchinetti.

Sa novidade de sa de sèighi editziones de X Factor est de seguru sa presèntzia de bator giùighes noos: Ambra Angiolini, Rkomi, Dargen D’Amico e Fedez.

Ambra Angiolini est unu de sas caras prus rapresentativas de sos annos ’90 in Itàlia gràtzias a su programa Non è la Rai, devènnidu unu  fenòmenu culturale gràtzias a su petzu e innu generatzionale T’Appartengo. A pustis Ambra at sighidu sa carriera sua in su mundu de sa mùsica e de s’ispetàculu arribende a sa mesa de sos giùighes de X Factor.

Rkomi est unu de sos rapadores prus famadu de s’iscena musicale italiana de como. A pustis de àere debutadu in su 2017, Mirko de Calvairate s’est balangiadu sa fama sua in s’ambiente de su rap devenende s’artista italianu prus ascurtadu in Spotify in su 2021 cun su petzu Taxi Driver ricu de collaboratziones.

A sa mesa de sos giùighes de X Factor est arribbadu peru Dargen D’Amico! S’artista fundadore de Sacre Scuole, paris cun Guè e Jake La Furia, est in semper unu puntu de riferimentu pro s’iscena hip hop italiana ue de distinghet gràtzias a s’originalidade sua e a su talentu suo.

Posca b’est Fedez. Su rapadore milanesu torrat a èssere torra unu de sos giùighes de s’ispetàculu a pustis de bator istajones de ausèntzia chi at dedicadu a su podcast Muschio Selvaggio e a s’album Disumano.

“Progetto finanziato con l’Avviso Pubblico IMPRENTAS annualità 2021-2022″

Su fenomenu de sos mangones in s’istagnu de Molentargius: un’ispettaculu naturale in su coro de sa tzittade.

S’istagnu de Molentargius, intre Casteddu e Quartu S. Elena, offerret unu de sos ispettaculos prus ammaghiantes de sa Sardigna cun sa presentzia regulare de sos mangones arrubios. Custos puzzones galanos, chi faghent parte de sa zenia Phoenicopterus roseus, sunt attirados dae sas abbas calmas e salamattas de sa zura, chi offerrint cundissiones ideales po los faghere pappare e faghere sos nios. Su Parcu Naturale Regionale de Molentargius-Saline, chi est mannu casi 1.600 ettaros e cumprendet istagnos, abba e salinas istoricas, est bistadu fattu po tutelare custu eco-sistema unigu, reconnoschidu a livellu internatzionale dae su Protocollo de Ramsar.

Sos mangones arribant donz’annu dae zuras divressas de su Mediterraneu, comente Francia,Spagna e nord Africa, e acciappant in Molentargius unu furriadorzu seguru gratzias a sas abbas bassas, riccas de cosa de pappare e paza marina, e a sa trancuillidade de s’ambiente. Dae su 1993, sa zura est divennida fintzas unu logu po faghere sos nios: donzi beranu sas cropas, fraigant nios de fangu, ponent sos ovos e creschent sos puzzoneddos, dande vida a unu fenomenu de biodiversidade ispettaculare.

Su tempus massimu de appellida andat dae martu a triulas, cando sos puzzoneddos naschent cun pinnammene ferulattu e sos mannos si movent tottu imparis, pappande e comunicande intre issos, creande una bera “nue arrubia” chi si biet dae attesu meda. Pro diffendere sas niadas, su Parcu controllat su livellu de s’abba e alindat s’intrada a carchi zura, garantinde gai sa trancuillidade chi serbit a sos puzzones. Fintzas fora de s’istajone sessuale, sos mangones  addurant a s’ispissu in s’istagnu o in sas zuras umidas accanta, comente s’istagnu de Santa Gilla, offerrinde un’ispettaculu unigu con sos bolos elegantes insoro e accumpanzados dae atteras zenias de puzzones de s’abba, intre sos cales mengones,tzurullios, filippas e anadras.

Sa presentzia de sos mangones in Molentargius, ets unu esempru craru de bivere imparis intre natura e tzittade, mustrande comente un’eco-sistema delicadu potat esistire a pagos passos dae su tzentru de sa tzittade. Custu fenomenu naturale no est solu un’occasione po su birdwatching, ma fintzas un’indittu de sa puresa de sas abbas e de sa calidade de s’habitat, cuffirmande s’importantzia de tutelare e balorizzare sas zuras umidas sardas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22