A tres annos e msu dae sa protesta pro su prètziu de su late, sos allevadores sardos de ant a agatare su 12 de santugaine a sas 10,30 in un’assemblea istraordinària a s’Hotel Anfora in Tramatza (Aristanis), “pro chistionare totus paris de sas atziones de printzipiare pro tutelare su cumpartu”.

L’ant fatu a ischire sos portaboghes de sos pastores sardos, Mario Carai , Fabio Pisu, Gianuario Astori, Nenneddu Sanna, Antonio Doa e Gianluigi Argiolas afirmende “sa situatzione fallimentare de totu sos cumpartos zootècnicos sardos”.

    “Cunsiderados sos costos ispropositados chi sas aziendas nostras  sunt custrintas a afrontare ogna die e chi sos agiudos isperados resurtant essentziales pro portare a in antis sos cumpartos, bida sa totale ausèntzia de sos assòtzios de categoria e de sa polìtica”, sos allevadores torrant in istadu de agitatzione. “Custu est su momentu de detzìdere si nos arrèndere e abbandonare totu opuru si est su momentu de nos fàghere bàlere e sighire a portare a in antis sos cumpartos nostros comente  ant fatu sos antepassados nostros cunservende in custa manera s’istòria millenària nostra pro fàghere in modu chi fintzas sos fìgios nostros potzant sighire a sighire custas fainas cun dignidade. Fortza pastores, unimus·nos totus”, faghent ischire.

 A banda “s’esclusione de su cumpartu ovicaprinu de s’ecoschema 1 livellu 2 de sa Pac, sa mancada cunvergèntzia de sos pagamentos diretos, s’agiunghent sa befa de sas risursas de su Psr, in ue sa Sardigna at a coberare 115 milliones de èuros in mancu cunforma a sa pretzedente programatzione e sa belle totale esclusione de su cumpartu ovicaprinu pro su cale sunt istados destinados in pessu chi 11 milliones de èuros pro totu su cumpartu ( pagu prus de 1 èuru a pegus) pro sos fundos de sa crisi causada dae sa gherra intre Ucràina e Rùssia – osservant -. In prus, sas risursas chi fiant istadas istantziadas non sunt istadas erogadas a medas aziendas sardas sende chi no aiant retzidu su pagamentu cobradu pro su setore bovinu si sunt bidos esclùdidos dae custu agiudu”.

“Progetto finanziato con l’Avviso Pubblico IMPRENTAS annualità 2021-2022″

Cun s’arrivu de s’ istagione turistica noa, s’attentzione est posta supra su comune de Tortolì, chi at annunziadu cun galabera meda sa torrada de msos viazos de su Trenu Birde istoricu de sa Sardigna in s’ispantosu camminu Arbatax-Tortolì-Lanusei.

Custa initziativa est un’occasione unica in sa zenia sua, po iscumbattare sas bellesas de sa Regione in manera ammaghiante. Su Trenu Birde est unu bera e propia prenda, una gianna po unu viazu in su tempus passande in mesu a bistas chi che bogant s’alenu e testimonzas istoricas chi ammaghiant e incantant.

Partinde dae su 14 de lampadas, su trenu ad a torrare a pigare sos viazos, apparande a tottus sa possibilidade de bivere sa maghia de custa esperientzia. Ma sas novidades non finint inoghe: cust’annu, in pius de sas cursas regulares in su fine de sa chida, sa chenapura e sa dominica, si sunt baludande atteros isseberos de viaos a nolu.

Custa moddesa at a permittere de assulenare sas esigentzias de sos bisitadores e de arricchire de pius s’esperientzia totale de sos turistas chi disizzant de iscumbattare sa Regione nostra in manera pius personale e istuvuccada.

Su sutzessu de custa initziativa est su risurtadu de un’impignu leadu dae tottus e de una bisione cumone. Su Comune de Tortolì espressat unu ringratziamentu sincheru a tottu cussos chi ant permittidu custu servitziu: dae su direttore generale de s’ARST, Carlo Poledrini, a su Presidente de sa Fundatzione Elso Rei, a sos sindicos de s’iscrocca e a sos membros de sa matessi Fundatzione. Est bistadu gratzias a s’impignu custante insoro e a s’attentzione insoro a sas esigentzias de sa comunidade e de sos chi tribagliant in su campu de su turismu, chi semus capatzes de apparare custa istravanada occasione de viazu.

Un’atteru afficcu de nodare est sa nomina dae pagu tempus de Segretariu de sa Fundatzione Trenu Birde istoricu de sa Sardigna, de su sindicu de Tortolì, Marcello Ladu. Custu riconnoschimentu evidentziat s’impignu de sa tzittade po favoressere e preservare custu patrimoniu culturale unicu, garantinde sa continuidade e s’isviluppu benidore.

Imbidamos tottu sos appassionados de viazos e de sa bellesa naturale a iscoperrere sas meravizzas de su percursu de su Trenu Birde. Custu viazu, promit de essere un’esperientzia chi non si podet ismenticare, permittinde a tottus de si affundare in sa bellesa e in s’istoria de sa Sardigna, in manera unica e ispantosa. Addurade prontos a bos faghere incantare dae sas bistas claras chi che bogant s’alenu e dae sas emossiones chi solu unu viazu cun su Trenu Birde podet donare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22