L’at naradu s’Assessore de sos Trasportos, Giorgio Todde, in Casteddu durante sa tzerimònia pro festare sos 10 annos de atividade de Volotea in Itàlia, evidentziende s’aficu e sa collaboratzione, “ativos e fativos de sa Regione pro gestire sas crititzidades e agatare sas solutziones, garantende semper sa collaboratzione màssima”.

“Sos duos importantes vetores chi ant seberadu de bolare dae e pro sa Sardigna 12 meses sena cumpensatziones, Ita e Volotea, eris ant firmadu s’acòrdiu pro sa partzidura de sas rotas a su 50% dae e pro sa Sardigna subra de sos iscalos de Casteddu e Terranoa (subra de S’Alighera at a operare petzi Ita) e custa noa, a pustis de sa resessida otenta subra su fronte de sa continuidade territoriale aèrea, est sa testimonia de s’importàntzia de su mercadu sardu. Unu signale importante chi nos projetat in manera positiva cara a s’istajone istadiale”. L’at naradu s’Assessore de sos Trasportos, Giorgio Todde, durante sa tzerimònia de pro festare in Casteddu sos 10 annos de atividade de Volotea in Itàlia, evidentziende s’aficu e sa collaboratzione, “ativos e fativos de sa Regione pro gestire sas crititzidades e agatare sas solutziones, garantende semper sa collaboratzione màssima”.

A sa presentada de sas rotas noas de sa cumpangia e de sas initziativas ativadas in ocasione de sos degh’annos a sa cale at partetzipadu su Ceo de Volotea, Carlos Muños, at pigadu parte fintzas s’Assessore de su Turismu, Gianni Chessa: “Semus inoghe fintzas pro nàrrere chi in fines si torrat a mòvere. Su turismu e s’economia de sa Sardigna in gènere tenent bisòngiu de trasportos eficatzes, capatzos de garantire calidade, puntualidade, servìtzios noos, economitzidade. Si torrat a mòvere, intre sos duos vetores, cun medas destinatziones noas chi giuant a su sistema de su cumpartu turìsticu. S’obietivu de destagionalizaere, gràtzias a sos trasportos, est unu disafiu chi potzamus bìnchere”, at concruidu s’Assessore de su Turismu.

 “Progetto finanziato con l’Avviso Pubblico IMPRENTAS annualità 2021-2022”

Passizeris italianos inciassados in Dubai: si chircant bolos po los faghere torrare.

Sunt 563 sos italianos chi si acciappant ancora supra de sa Msc Crociere frimma in su portu de Dubai. Intre issos bi est una truma pitticca de deghe pessonas chi arribant dae Casteddu. Sa cumpanzia est chircande de ordiminzare sa torrada in Italia su prima possibbile, tribagliande po agattare bolos disponibbiles chi pottant faghere torrare a domo tottus sos passizeris.

Po custu motivu sunt bistadas cuntattadas medas cumpanzias aereas internatzionales. S’intentu est de agattare postos supra bolos de linea po permittere a sos passezeris de dassare Dubai e torrare in sos paisos insoro. Intamen sa situassione no est simple e dimandat tempus, pro itte sos collegamentos aereos in cussa zura sunt torrande a incuminzare e sos postos non sunt meda.

Secundu cantu comunicadu dae sa cumpanzia, supra sa nave sa situassione est tranchilla.Sos passezeris istant bene e sighint a rezzire novidades supra su chi est sutzedinde e s’iscumbattu  de ordiminzare sa torrada. In su mentres podent impittare tottu sos servitzios chi bi sunt in sa nave. S’assistentzia a sos passezeris sighit a essere garantida. Sas difficultades printzipales sunt propriu so s’ordimizzasione de sos bolos.

Carchi cumpanzia aerea at pigadu sos collegamentos in sa zura, ma est favoressende sos passezeris chi aiant giai prenotadu sos bolos prima de sos atteros. Custu cheret narrere chi chie teniat prenotassiones fattas dae pagu deppet isettare prus tempus po agattare unu postu disponibbile. Pro custu motivu sa torrada de tottus sos crocieristas dimandat prus dies de su chi si prenettaiat.

Po chircare de essere prus fusidos, sa cumpanzia est baludande fintzas attera solutziones possibbiles. Intre custas bi est s’idea de ordiminzare bolos ispeciales dedicados a sos passezeris de sa nave. Custos bolos diant podere partire non solu dae Dubai, ma fintzas dae atteros aereoportos accanta. In su mentres si sighit a tribagliare imparis cun sas autoridades. S’intentu est de garantire una torrada limpia e sigura po tottu sos passezeris.

In sas dies imbenientes si at a cumprendere menzus cando ant a podere partire sos primos bolos e cando sos biazzadores ant a resessire a torrare a domo.

 Attività realizzata col contributo della Regione Sardegna — IMPRENTAS 2025-2026. LR 22/2018, art. 22