Un’interventu de chirurgia parietale subra de unu malàidu malàidu de èrnia ombelicale est istadu fatu custu mangianu a s’Arnas G. Brotzu in direta durante sos traballos de su cunvegnu a  tìtulu “Lo stato dell’arte sulla chirurgia di parete in Sardegna” chi s’est acumpridu in sa Sala Cunferèntzias Àula Atza de s’istrutura.

S’interventu, est istadu esecutadu dae Micaela Piccoli, diretora de sa Chirurgia generale de apretu e tecnologias noas de s’ispidale tzivile de Baggiovara (Mòdena) cun s’agiudu de Vincenzo Trapani e cun sa collaboratzione de s’iscuadra mèdica e infermierìstica de su blocu operatòriu de s’Arnas G. Brotzu. S’operatzione est istada fata impreende su robot Da Vinci, in servìtziu in sas salas chirùrgicas de s’ispidale San Michele.

Su malàidu, corpidu de obesidade e operadu in su 2019 in su tzentru de chirurgia bariàtrica de s’Arnas pro sa reduida de su pesu, est istadu sutapostu a un’interventu pro sa riparatzione de un’èrnia ombelicale e su positzionamentu de una pròtesi pro evitare reinsorgèntzias.

S’interventu est istadu trasmìtidu in direta durante su cunvegnu organizadu pro faeddare de sas fronteras noas de sa chirurgia parietale cun s’introdutzione de acostamentos chirùrgicos noos intre sos cales cuddu robòticu. Sa protzedura robòtica in biu at permìtidu a sos partetzipantes a su cungressu de si cunfrontare cun sa dot.a  Piccoli subra sas castas de interventu, subra sas tècnicas chirùrgicas disponìbiles e subra sos diversos tratamentos chi isfrutant materiales noos.

Sa diretora generale de s’Arnas G. Brotzu Agnese Foddis, aberende sos traballos de su cungressu at sutaliniadu su ruolu importante de sas tecnologias noas a avantàgiu de su malàidu: “S’investimentu in sa chirurgia robòtica cun s’achistu de su robot Da Vinci at permìtidu a s’Arnas de devènnere tzentru de primore de sa chirurgia mini-invasiva e cumplessa, gràtzias fintzas a s’iscuadra multidisciplinare nostra chi est a tretu de impreare custa frontera noa de sa chirurgia in maicantas ispetzializades chirùrgicas. S’impreu suo permitit medas vantàgios clìnicos mescamente pro su malàidu in tèrmines de ripresa post operatòria e in su minore arriscu de cumplicatziones. Su cunvegnu in prus at postu a cunfrontu ispetzialistas bènnidos dae totu sa regione cun su contributu de espertos mannos de sa chirurgia robòtica comente sa dotora Piccoli”.

“Progetto finanziato con l’Avviso Pubblico IMPRENTAS annualità 2021-2022”

Sa birra sarda sighit a si distinghere a livellu natzionale e europeu, accuccurrande una filera de riconnoschimentos de grandesa chi ponent in lughe s’estremadia de su prodottu isolanu e sa solidesa de sa filera regionale de sa birra. Custos premios cunfirmant su sutzessu creschente de sas favricas artigianales de sa birra in Sardigna e s’effettu de signifficu supra su mercadu regionale e addia.

Dae pagu tempus, sas favricas de birra isulanas ant brilladu in medas manifestatzione importantes, incluinde abbenimentos meda connoschidos commente su Vinitaly 2024 e su Bartzellona Beer Challenge, unu de sos cuncursos de sa birra pius de grandesa de Europa, addia a su Cuncursu Internatzionale de Lione.

In mesu de sos personaggios printzipales de custa serie de sutzessos, si est annoddittada sa favrica de birra Puddu de Santa Giusta,Aristanis, chi at conchistadu tres medallas (oro,arghentu e brunzu) a su Bartzellona Beer Challenge po sas variedades Porter,Saison e Coffee Porter, binchinde puru su titulu de menzus favrica de birra zovana de sa gara. Sa favrica de birra Battor Moros de Guspini, at binchidu duos oros po sas birras Puttu 16 Helles e Puttu 9 Vienna Lager, e sa favrica Artigiana Horo de Sedilo at retzidu una medalla de oro po sa Tifo Mourinho e una de arghentu. Puru sa favrica de birra Agricola Reforte de Benetutti at binchidu una medalla de brunzu cun sa birra Su Boboti, e sa favrica de Birra Keja de Bari Sardo at conchistadu una medalla de arghentu cun sa Calmedia, un’India Pale
Lager.

A su cuncursu internatzionale de Lione, sa favrica Birrificio “Isula” de Thiesi at binchidu medas medallas de oro po medas variedades, in mesu de sas cales sa Pale Ale, sa coffee stout e sa pils, addia una medalla de arghentu cun sa Session Ipa. In pius a su Vinitaly, su premiu “silver” a su design po sa classe birras, est bistadu dadu a sa Wine Explosion – IGA Mogorese a su Semidano favrica de birra Bam de Mogoro.

Su presidente e su direttore de Coldiretti Sardigna, Battista Cualbu e Luca Saba, ant evidentziadu s’importantzia de custos riconnoschimentos, chi premiant su tribagliu tostu de sas favricas de birra artigianales de sa Sardigna in s’agguantare tottu sa filera de sa birra regionale. Coldiretti Sardigna at fattu partire unu disignu ambitziosu meda po azzuare custa filera, faghinde partetzipare sos chi produene su ranu,s’orzu,malto e luppulu, paris cun sas favricas de birra e su Consorziu de sa Birra Italiana.

Custu disignu cheret favoressere una produssione de s’isula cumpleta, dae sas materias primas a su prodottu finidu, cun s’intentu de rispondere a tottu sas esigentzias de sa filera. Gratzias a custa initziativa, sunt arrivados finatziamentos importantes meda dae sa Regione, po agguantare sas favricas de birra a sos produttores de orzu, preparande su terrinu po accomettare sas porfias de su tempus benidore cun ressignu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22