“Bolides chi, cando ant a iscadire sas cuntzessiones, bèngiant firmadas sas bogaduras de petròliu e gas in sos mares italianos intro sos 12 mìllios?” Custa est sa pregunta a sa cale ant dèpidu rispòndere sos italianos. Medas sos indetzisos tra su eja, su no e s’astensione a su votu.

Afluèntzia a su votu bassa pro su referendum in sas berrinas in mare. Tra sos votantes comente fit previdìbile binchet s’Eja. Aristanis est sa provìntzia cun prus eletores, cun su 36,03% de sos chi tenent diritu, in Ogliastra prevalet s’assenteismu.

Custos sos resurtados definitivos: sa provìntzia de Casteddu sègudat su 33,12%, e Tàtari a su 30,07%. Nùgoro registrat, imbetzes, su 32,04%, Carbònia-Igrèsias 29,46%, Mèdiu Campidanu 32,90%, Terranoa Tèmpiu 28,88%. Fanalino de coa s’Ogliastra cun su 25,34% e 10615 Ei, 1350 no, 67 ischedas biancas e 80 nullas.
A sas 19 in s’Ìsula aiat botadu su 25,38% de sos chi tenent diritu. Custos sos datos in s’afluèntzia a sas urnas apo difùndidu de su Viminale.

Sa pertzentuale prus arta s’est registrada in provìntzia de Aristanis (25,39 pro chentu). A sighire Casteddu cun su 23,49 pro chentu e Tàtari cun su 23,48. In sa provìntzia de Nùgoro at botadu su 22,87 pro chentu, in su Mèdiu Campidanu su 22,62 e a Carbònia-Igrèsias su 21,28. Sas pertzentuales prus bassas si sunt registradas a Terranoa-Tèmpiu e in Ogliastra, ue s’afluèntzia est istada de su 17,63 pro chentu.

A sas 12 aiat botadu su 8,35 pro chentu de sos chi tenent diritu in 3569 Comunas subra 8.000 e s’Ogliastra fiat resurtada ùrtima pro afluèntzia a sas urnas.

Primas mesuras de accottu approadas pustis de su mumujone Harry:istantziados 10 milione de euros.

Sa Regione at approadu sos indiritzios attuativos po sas primas mesuras de accottu lestru a sos tzittadinos e dittas corpados dae sa colada de su mumujone Harry, cun d’una summa po incumintzare de 10 miliones de euros. Su provvidimentu istabilit siat s’ispartidura de sos contribbudos lestros siat su contu de sos dannos, chi at a serbire po atteros interventos de accottu.

Sas attividades de sa laurantza, de pesadura e de sa pisca ant essere azzuadas pius a daenanti. Su documentu approadu, ponet impare sas proceduras tennicas amministrativas in tottu s’iscrocca de sa regione, garantinde tempos lestros de ispartidura e coerentzia de s’assione amministrativa. Sos Comunes chi sunt bistados seperados dae su pregone de su capu de sa Divisione de sa Protessione Tzivile podent avviare sos protzedimentos po cuntzedere sos contribbudos, sighinde sos indiritzios approados e amministrare sa regorta e s’istruttoria de sas dimandas po mesu de su Sistema Informativu de Protessione Tzivile.

Benefissarios de sos contribbudos sunt sos privados o merese de benes avariados, incluidinde domos, benes mobiles e benes mobiles registrados, e fintzas attividades accolomicas e de produssione chi ant tentu dannos a sas cosas chi ammos appena mentovadu azzunghindebi mertzes, cosas chi non sunt ancora finidas o giai finidas. Non bi sunt in s’accottu sos dannos ligados a su mancadu balanzu. A su mamentu, sas attividades de laurantza e de sa pisca non podent presentare sa dimanda, pro itte si isettant sas mesuras dedicadas chi permittant de garantire su massimu de s’azzudu possibile, semper intro de sos marghines de sos azzudos de Istadu.

Sa prima parte de 10 miliones de euros po su bilanciu regionale 2025-2027 at a podere essere unida cun attera dinari si at a serbire. Custu interventu, mancari siat solu su primu passu, est unu sinzale beru de sa volontade de accottare a sa lestra chie at tentu dannos graes, evidentziande s’importantzia de un’assione lestra e cordinada po minimare sos dannos de sos bisestros naturales e tutelare sa resilientzia de sas comunidades e accolomias locales. Unu nuntzu bonu po chie at veramente bividu cun isprammu sos dannos de su tempus malu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22