Su amngianu de eris ant brincadu sa retzintzione de una domo in Bia Gallura ( in su prenu tzentru tortoliesu) e sunt intrados in intro colende dae sa fentana de su terratzu aberta cun unu catzavite.

Sos istergiàrgios ant posca furadu unu televisore e un’ispada giaponesa a sos propietàrios de sa domo, duas pensionados, chi si nde sunt fuidos trancuillos. Su fìgiu de sa còpia vìtima mare de sa domo, cummentat in custu mosu su chi est capitadu: “Sos furones pro fortuna nd’ant leadu solu cosas de pagu balore. Su beru disacatu est cussu psicològicu, pro ite est terrorosu bìdere domo sua violada.

Sos genitores meos fian ta giru pro una passigiada e sos delincuentes ant pòdidu agire sena istorbu. Creo chi connoscherent sas abitùdines nostras. Sos bighinos non si sunt abbigiados de nudda”. Subra su fatu indagant sos carabineris de Tortolì.

Blackout in su Prontu Succursu de su Santissima Trinidade: un’interrogu a su Ministru de sa Salude.

Su blackout chi at interessadu su prontu succursu de s’ispidale Santissima Trinidade de Casteddu sighit a faghere discutire e sustentare unu cunfrontu politicu istitutzionale allummadu meda. S’accadimentu, chi at postu in difficultade manna unu de sos printzipales ispidales de sa tzittade, at fattu narrere su parrere suo a Ugo Cappellacci, presidente de sa cummissione Affares Sotziales e Salude de sa Camera de sos Deputados, chi at comunicadu sa presentatzione de un’interrogu in su Parlamentu a su Ministru de sa Salude, Orazio Schillaci.

Secundu cantu pensat issu, cantu est sutzessu est grae meda, non solu po sas conseguentzias supra s’attividade de su Prontu Succursu, ma puru pro itte si inficchit in d’unu cuntestu prus mannu de crititzidades ligadas a su controllu de sa sanidade regionale. S’ex presidente de sa Regione Sardigna at gameddadu su chi est sutzessu a cussa chi at deffinidu una fase forte de istabbilidade politiga e amministrativa, annodditada dae seperos de guvernu cuntestados e dae una situassione de dudesa chi, po comente la pensat issu, si reflettit derettu supra sos servitzios essentziales.

Su blackout at provocadu sa frimmada de s’energia elettrica e sa frimmada de medas servitzios de fundamentu. Intre sos problemas printzipales signalados bi est bistada sa mancantzia de funtzionamentu de ordinzos netzessarios comente sa Tac, elementu tzentrale po sas
emergentzias. Sa frimmada de custos istrumentos at tentu unu corpu derettu supra s’operatividade de sa sezione.

S’assistentzia sanidaria est bistada garantida solu gratzias a sos sistemas de emergenztia, ma cun d’una difficultade manna. Sa situassione at tentu problemas supra sas curas, sos tempos de interventu e supra sa calidade cumplessiva de s’assistentzia. Propriu po accomettare a s’impossibilidade de operare in prenu, medas malaidos che sunt bistados leados a sos atteros prontu succursos tzittadinos, in manera particulare a su policlinicu de s’Universidade e s’ispidale Brotzu, ispidales chi giai dae tempus operant in cundissiones de aggravamentu po more de sa mancantzia de pessonale, lettos e benes.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22