Martina Miliddi, su talentu sardu chi conchistat Rai 1 cun “Affares tuos”.

In custa chidas, su pubbricu de sa Sardigna e, in manera particulare, cussu de Assemini, at potidu zaccullimare sas manos cun braga meda po una de sas zovanas primorosias suas:Martina Miliddi. Sa coisabia, giai nodida a su pubbricu mannu po aere partetzipadu a s’edizione numeru binti de Amici, at conchistadu unu rolu de primu pianu in su corpus de ballu de “Affari tuoi-il gioco dei pacchi”, su tzelebre programma chi bi est in Rai 1 cun Istevene De Martino.

Pro Martina, naschida in su 2000, sa presentzia in s’istudiu istoricu de Rai 1 est un’arribu de signifficu. Pustis de su sutzessu arribadu in su talent de Maria De Filippi, sa zovana coisabia at ischidu fraigare una carriera forte in sa televisione, revertinde su luminzu de s’incomintzu in opportunidade bera e riconnoschimentos in su mundu de s’ispettaculu natzionale. Sa proffessionalidade e sa capatzidade suas de si adattare a cosas divressas l’ant fatta divennere una cara familiare a apprezziada, capatze de che leare energia e frischesa in donzi bessida televisiva.

In “Affari tuoi”, Martina tenet unu rolu de fundamentu po faghere divennere su programma attivu e interessante. Sos interventos suos signant sos momentos crae de sa trasmissione, accumpanzande sos chi giogant intre unu cambiu de paccos e s’atteru, e aggiunghinde ritimu e ispettacolaridade a unu format giai ingrussadu. Sa presentzia sua, elegante ma crispa, mustrat cantu sa danza si potata aunire cun su contu televisivu, revertinde donzi apparessida in d’unu mamentu pitticcu de intertenimentu unicu pro su pubbricu.

Addia de sa proffessionalidade, sa presentzia de Martina in “Affari tuoi” tenet unu balore de signifficu po sa Sardigna. Sa zovana coisabia battit paris cun issa su nomene de sa terra sua, mustrande chi talentu,regulas e passione podent abberrere sas giannas de sos cataffales natzionales. Po sos chi bistant in Assemini, la biere brillare in prima serana est motivu de braga, uni signale beru chi fintzas dae su coro de sa Sardigna, podent naschere talentos capatzes de si faghere connoschere in campu natzionale.

In custas chidas, intre proas e registratziones, Martina sighit a cunfirmare su talentu e sa determina sua, diveninde unu esempru po tottu sos zovanos chi sognant de si affirmare in su mundu de s’ispettaculu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22

Su fenomenu de sos mangones in s’istagnu de Molentargius: un’ispettaculu naturale in su coro de sa tzittade.

S’istagnu de Molentargius, intre Casteddu e Quartu S. Elena, offerret unu de sos ispettaculos prus ammaghiantes de sa Sardigna cun sa presentzia regulare de sos mangones arrubios. Custos puzzones galanos, chi faghent parte de sa zenia Phoenicopterus roseus, sunt attirados dae sas abbas calmas e salamattas de sa zura, chi offerrint cundissiones ideales po los faghere pappare e faghere sos nios. Su Parcu Naturale Regionale de Molentargius-Saline, chi est mannu casi 1.600 ettaros e cumprendet istagnos, abba e salinas istoricas, est bistadu fattu po tutelare custu eco-sistema unigu, reconnoschidu a livellu internatzionale dae su Protocollo de Ramsar.

Sos mangones arribant donz’annu dae zuras divressas de su Mediterraneu, comente Francia,Spagna e nord Africa, e acciappant in Molentargius unu furriadorzu seguru gratzias a sas abbas bassas, riccas de cosa de pappare e paza marina, e a sa trancuillidade de s’ambiente. Dae su 1993, sa zura est divennida fintzas unu logu po faghere sos nios: donzi beranu sas cropas, fraigant nios de fangu, ponent sos ovos e creschent sos puzzoneddos, dande vida a unu fenomenu de biodiversidade ispettaculare.

Su tempus massimu de appellida andat dae martu a triulas, cando sos puzzoneddos naschent cun pinnammene ferulattu e sos mannos si movent tottu imparis, pappande e comunicande intre issos, creande una bera “nue arrubia” chi si biet dae attesu meda. Pro diffendere sas niadas, su Parcu controllat su livellu de s’abba e alindat s’intrada a carchi zura, garantinde gai sa trancuillidade chi serbit a sos puzzones. Fintzas fora de s’istajone sessuale, sos mangones  addurant a s’ispissu in s’istagnu o in sas zuras umidas accanta, comente s’istagnu de Santa Gilla, offerrinde un’ispettaculu unigu con sos bolos elegantes insoro e accumpanzados dae atteras zenias de puzzones de s’abba, intre sos cales mengones,tzurullios, filippas e anadras.

Sa presentzia de sos mangones in Molentargius, ets unu esempru craru de bivere imparis intre natura e tzittade, mustrande comente un’eco-sistema delicadu potat esistire a pagos passos dae su tzentru de sa tzittade. Custu fenomenu naturale no est solu un’occasione po su birdwatching, ma fintzas un’indittu de sa puresa de sas abbas e de sa calidade de s’habitat, cuffirmande s’importantzia de tutelare e balorizzare sas zuras umidas sardas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22