Dae figuras istoricas a interpretes de s’arte de oe, passande po sa musica, sa moda e sa chirca iscientifica, custas pessonas importantes giughent artu su nomene de sa Sardigna in sa bista internatzionale. Accò chimbe sardos tzelebres in su mundu, conas de sa zenialitade e de sa fortza identidaria de s’isula.

Grassia Deledda

Naschida in Nugoro in su 1871, Grassia Deledda est chena duda sa figura litteraria pius tzelebre de s’isula. Autodidatta, at contadu comente niunu atteru s’anima funguda e sas gherras intre su populu suo. In su 1926 at binchidu su premiu Nobel po sa Litteradura, prima e sola iscrittora italiana a retzire un riconnoschimentu comente custu.

Antonio Gramsci

Naschidu in Ales in su 1891, Antonio Gramsci est unu de sos pius importantes pensadores de su Noighentos. Fundadore de su Partidu Comunista de Italia, est bistadu impresonadu dae su guvernu fascista e in su mentres de sa presonia at iscrittu sos tzelebres “Cuadernos de sa presone”, operas de fundamentu chi che ant leadu Gramsci a essere istudiadu in tottu sas Universidades de su mundu: su pensamentu suo de soberania culturale est a dies de oe unu fentomu netzessariu in sas iscientzas sotziales.

Giovanni Maria Angioy

Naschidu in bono in su 1751, Angioy est bistadu zuighe, politicu e pensadore allugante chi, ispiradu dae sos movimentos revolussionarios de
s’Europa, at ghiadu a sa fine de su Settichentos s’iscumbattu pius importante po affrancare sa Sardigna dae su poderiu feudale e de sos
Sabaudos.

Maria Carta

Naschida in Siligo in su 1934, Maria Carta est bistada una de sas interpretes pius poderosas e berteras de sa musica sarda, capatze de che leare sos cantos de su connottu, sos gosos e sas launeddas supra de sos cataffales internatzionales pius mannos. Cua sa boghe sua funguda, drammatiga e cadria, at fattu attumbare s’anima de s’isula in teatros, festival e trasmissiones in Europa e in sos Istados Unidos.

Eleonora d’Arborea

Naschida in Aristanis in su 1347 est bistada zuighessa de Arborea, connoschida po s’azzorronamentu de sa carta de Logu, isparta dae su babbu Mariano IV e torrada a biere dae su frade pius mannu Ugone. Su signifficu chi benit dadu a sa figura e a su dominiu de Eleonora de Arborea,est evidentziadu dae su fattu chi su rennu de Arborea est bistadu s’urtimu Istadu sardu locale chi est bistadu dadu a rennantes chi arribaiant dae fora de s’isula. Custu faghet in manera chi siat a s’ispissu bista comente sa printzipale eroina natzionale de sa Sardigna, imparis cun Giovanni Maria Angioy.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Est pronta a partire su 25 de aprile s’edissione nova de “Beranu in su coro de sa Sardigna”, manifestassione chi dae casi vinti annos baloritzat sa parte interna de s’isula po mesu de unu calendariu riccu de abbenimentos culturales, de cosa de pappare e buffare e naturalisticos. Arrivada a s’edissione deghennoe, at andare a daenanti po deghe cojana de chidas,cun abbenimentos ispartos fintzas a su 29 de lampadas.

Cust’annu ant essere 16 sos comunes chi ant a partetzipare in d’unu caminu chi rugrat sas iscroccas de sa Baronia, Marghine, Planarza e de s’Ozzastra: Orosei,Thiniscole,Perdasdefogu,Girasole,Triei,Loceri,Lotzorai,Lodè,Tortulè,Tertenia,Osini,Baunei,Bari Sardo, Sindia, Villagrande Strisaili e Lanusè. S’initziativa est amparada dae sa Camera de Cummerciu de Nugoro e dae sa sotziedade ispetziale sua Aspen, chi in sos urtimos annos and dadu unu contribbudu po faghere creschere un’abbenimentu semper pius compridu e connoschidu a livellu regionale.

S’intentu de su progettu est de balorizare sos tzentros pitticcos chi medas bortas sunt escluidos dae sos arrodeos turisticos pius connoschidos, ma riccos de unu patrimoniu culturale, umanu e ambientale de balore mannu. Donzi appuntamentu at apparare un’occasione po iscoperrere sas estremadias locales, dae s’artigianadu a sa gastronomia, dae sa musica populare a su connottu de sos massajos, insertados in bistas naturales de impressione manna.

Su programma tenet s’intentu de essere comente unu biazu esperentziale peri sa Sardigna pius pagu connoschida, in d’unu tempus in su cale s’iscrocca espressat a su menzus sa vivesa sua: intre fioleras, festas de sas biddas, mercateddos, caminos a pe’ e  ghiados, sos bisitadores si ant a podere affundare in ambientes ischettos, inube su tempus paret sighire ancora sos ritimos lentos de sa natura. Custa rassigna est un’istrumentu beru de pubblicidade e isviluppu locale.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22