Sos ritos de Pasca in Sardigna: intre fide, connottu e identidade.

In donzi angulu de s’isula, dae sas biddas de s’internu a sas tzittades de sa costa, si tzelebrant ritos antigos chi unint sacru e proffanu, fide e cultura populare.

Tottu incuminzat con sa Dominica de sas Prammas, cando sas carrelas si tinghent de rampos de olia intretzidos a manu, conas de paghe e torrada a bida. In sas dies imbenientes, si affattant sas tzelebrassiones chi sighint sa Passione de Cristu, bivida cun intensidade casi teatrale in
medas comunidades.

Intre sas bogadas a campu pius emossionantes bi est su “Lunissanti” de Casteddu Sardu, unu ritu de sa notte chi bi est su lunis de sa Chida Santa: sos cunfrades cun bistires biancos e cucuddos attraessant sas carrela medievales de su burgu, attonande cantos liturgigos antigos in ladinu e sardu, creande unu tempus de effettu ispirituale artu.

Unu de sos momentos pius cadrios est sa Chenapura Santa, cando si irbolicant sas protzessiones de s’Iscravamentu, in sa cale benitmustradu s’incravamentu e s’iscravamentu de Cristu dae sa rughe. In Iglesias, S’Alighera, Casteddu e in atteros tzentros meda, sa figura de sa Madalena Addolida, bistida de nieddu, accumpanzat su corpus de su Cristu mortu in d’unu accumpanzamentu chi cummovet, sighidu assa muda dae chentinaia de fideles.

Su columinzu si segudat sa Dominiga de Pasca, cun su ritu de s’Incontru, chi mustrat s’allegria po sa Torrada a naschida. In medas biddas comente Uliana, Nugoro, Bosa o Seui, sas istatuas de Cristu Torradu a naschere e de Nostra Sennora si movent supra caminos isseberados fintzas a su momentu de s’Incontru, in mesu de zaccamanos, isparos a sarvu e temporadas de frores. Nostra Sennora, bistida a dolu, cambiat su bistire, bestinde in finis s’abbrigu colore de aera de sa gioia.

Sos costumenes de su connottu, sas musicas antigas, sas limbas de su logu e sos zestos rituales, revertint donzi abbenimentu in d’unu contu
bivu, inube donzi zestu tenet unu signifficu fungudu. Sunt abbenimentos sighidos meda.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Sas vias de sa tramuda, a daenantis cun iscavos e balorizzatzione: risurtados novos in sos nuraghes de Tortulè e Triei.

Andant a daenantis cun resurtados importantes sos interventos de iscavu,accontzu e balorizzatzione de sas alas nuragicas intzididas in su disignu “Sas vias de sa tramuda” in Ozzastra. Duos in particulare sos logos interessados dae sos tribaglios: su nuraghe s’Ortali ’e su Monti in s’iscrocca de Tortulè, e su nuraghe Bau Nuraxi de Triei, ambos duos a su tzentru de avantzamentos importantes supra su pianu iscientificu e de su recreu pubbricu de su tempus benidore.

A s’Ortali ‘ e Su Monti, unu de sos sitos  appillados prus nodidos e bisitados de s’Ozzastra, est finida sa fase de iscavu archeologicu. Su cumplessu, chi accansat nuraghe,pobuladu, tzirculu megaliticu, domus de janas e tumbas de tzigantes, sighit a torrare notissias novas mancari sos istudios los fettant dae tempus meda. Sas scruccullas fattas dae pagu ant fattu iscoperrere atteras zuras de interessiu, amprariande sas connoschentzias supra su situ e arricchinde s’esperientzia culturale apparada a sos bisitadores.

S’interventu, fattu sutta s’affilamentu de sas Sovrintendentzias archeologicas, est bistada fatta mescamente po una turre accosta e s’antemurale de su nuraghe. In su mentres de sos tribaglios sunt bistados iscopertos po su prus, picculos de isterzos de attividades in domo, comente su tessinzu e s’ammaniada de sa cosa de pappare. Finida sa fase de iscavu, su disignu bintrat como in d’una fase nova chi prenettat interventos de accontzu, su faghere un’impiantu novu de sa lughe- pensadu fintzas po su sero, e sa creassione de unu caminu novu po bintrare a su monumentu. Si at a faghere puru s’azzorronamentu de su sistema de sas notissias e de sos poster, po rendere prus fatzile sa bisita e mezzorare sa cumpresa de unu situ de cumplessidade manna. Sa summa totale de sos tribaglios, partidos in su mese de aprile 2025 est de casi 200.000 euros.

Novidades importantes arribant puru dae su nuraghe Bau Nuraxi de Triei, inube in su mese de martu passadu sunt bistados cussinnados sos tribaglios de iscavu. Su situ, chi est mannu meda e de importantzia iscientifica, fuit bistadu scudrignadu solu in partzialidade in sos annos Ottanta. S’interventu de oe interessat in manera particulare sa zura chi andat a sa parte de su riu, una zura sinzada dae sa prena de su 2008 chi aiat fattu dannos a una parte de su cumplessu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22