Sanremo archiviadu cun suddisfassione, sa Sardigna bragosa de Mahmood e Geppi Cucciari chi ant fattu sa differentzia supra su cataffale.

Cust’annu, su cataffale de s’Ariston at bidu lughere duos talentos sardos chi ant accostadu Carlo Conti in sa conduizione: Geppi Cucciari e Mahmood. Sa presentzia de Geppi Cucciari at azzuntu unu toccu de dillezu e intelligentzia chi non si podent frimmare, calidades chi l’ant semper distinguida. In su mentres de sas chimbe dies de su Festival, Geppi at ischidu tennere arta meda s’attentzione de su pubbricu, bogandeche scraccaglios cun sas tirada suas chi punghent ma non sunt mai fora de logu. Sa capatzidade sua de improvvisare e sa grandesa naturale sua ant creadu unu momentu lezeru e alligru, faghinde divennere donzi interventu suo un’ispettaculu intro s’ispettaculu.

Accanta a issa, Mahmood, po sa prima borta commente co-conduidore, at ispantadu tottus po s’elegantzia sua e fintzas po sa presentzia iscenica. Giai binchidore de duas edissiones de su Festival commente cantante, Mahmood at mustradu un’attera parte de su talentu suo, resessinde a sbaghillai cun disgaggiu intre sos momentos de conduissione e sa musica. Sa boghe sua carda e chi imboligat at acciappidu logu fintzas in carchi bessida chi at emossionadu meda, donande a su pubbricu momentos de maghia pura.

Sa sintonia de sos tres conduidores si est bida fintzas dae su primu sero, creande un’ecchilibriu perfettu intre sa professionalidade de Carlo Conti, sas brullas prenas de delicadesa de Cucciari e s’ammaju de su tempus de oe de Mahmood. Imparis, ant dadu vida a unu Festival attivu, modernu e a su mattessi tempus rispettosu de su connottu sanremesu.

In pius de sa gara de cantones, chi commente semper at bidu sa partetzipassione de sos numenes pius mannos de sa cantone italiana, s’abbenimentu est bistadu arricchidu dae istranzos de grandesa e momentos de ispettaculu chi non si ant a podere ismentigare.

In manera particulare affriscionosu est bistadu s’interventu de Roberto Benigni, chi at abbertu sa serana finale cun d’unu discursu dedicadu a sa bellesa de sa musica e a sa fortza de s’arte po assortire sas pessonas. Su culiminzu de su Festival est arrivadu sapadu sero, cando, pustis de una chida de emossiones, su cantante Olly est bistadu nomenadu binchidore de Sanremo 2025. Cun sa cantone cadria e chi appassionat sua, at ischidu conchistare su coro de su pubbricu e de sa critiga.

Sa binchida de Olly, sa performance de Geppi Cucciari e Mahmood e s’elegantzia chentza tempus de Carlo Conti, ant rendidu custa edissione una cosa chi non si podet ismentigare.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Intre defensa, presones e bellesa: sa Turre de s’Elefante contat su passadu medievale e s’ispiritu de Casteddu.

In su coro de su cuarteri istoricu de Castello, in Casteddu, si istantariat importante sa Turre de s’Elefante, unu de sos monumentos pius importantes de sa tzittade e baluardu autenticu de s’istoria medievale sua. Fraigada in su 1307 po contu de so pisanos, chi tando dominaiant sa Sardigna de su meridione, sa turre faghiat parte de su sistema de defensa de sa tzittade, umpare a sa Turre de Santu Brancau, cun s’intentu de diffendere s’intrada a Castello, su quartieri fortalessidu postu supra de su montricu.

Arta casi 30 metros e fraigada in carcare biancu chi arribaiat dae sas cavas de Bonaria, sa Turre de s’Elefante ispantat oe puru po sa maestosidade e sa fortesa de sos muros suos. Tres partes sunt serradas e fraigadas cun roglios de pedra, mentres su quartu est abbertu e mustrat sa parte de intro fatta de iscalas e curridores de linna, secundu unu modellu chi si impittaiat meda in su Medioevo.

Su numene de sa turre benit dae un’iscultura pitticca de pedra de unu elefante chi est posta in sa fatzada a sa parte de mesudie: una cosa curiosa chi cun su tempus est divennidu unu zubilu conicu po turistas e tzittadinos. In sos seculos, sa Turre de s’Elefante est bistada impittada po cosas divressas.In su tempus de sos ispagnolos fuit una presone, e sos muros de fora funt impittados po bi appiccare sas concas segadas de sos cundennados a morte comente avvisu po sa populatzione. Cun s’Unidade de Italia e sos accontzos de su Noighentos, sa turre at recuperadu sa cara sua originaria e oe est abberta a sos bisitadores.

Dae su patiu de sa bista si godit una de sas bistas pius ispettaculares de Casteddu:sa mirada passat dae sa tzittade bezza a su portu, fintzas a su mare abbertu e a sos corongios a inghiriu. Po custu motivu, addia de essere una testimonia preziosa de su passadu, sa Turre de s’Elefante est una frimmada importante po chie disizat connoschere s’anima istorica e de sa bista de sa capitale sarda.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22