Sa Sardigna si ischidat sutta de una beste disabbuda e ammaghiante: sa prima nie de istagione at imbiancadu sos pitzos de su Gennargentu, sos montes pius artos de s’isula.

Cun d’unu mantu biancu de casi 10 centimetros a 1.500 metros supra su mare, su nie at ammuntadu sas iscroccas de Fonne e una parte de cussos de Desulu, ambos in sa provintzia de Nugoro. Sas figuras chi ant dadu sas webcam de BakuMeteo, chi controllat sos logos, ant cunfirmadu s’intensidade de sa niada, incumintzada a de notte e accumpanzada dae unu tempus tipicu de s’jerru.

Su fronte articu chi at segudadu sa Sardigna at battidu un’isfrittada importante de sas temperaduras. Supra sos montes pius artos de su Nugoresu si sunt registrados balores fintzas a -5 grados in sas primas oras de su manzanu, chi pius a tardu si sunt frimmadas a -2 grados. Ma su frittu non si est alindadu a sos montes: in totta s’isula sa temperadura est minimada meda, cun Nugoro chi registrat solu 3 grados.

A immanniare su segheru de frittu bi at pensadu su ventu mannu, chi at suladu cun corfos de bentu fortes meda. Supra s’istatale 389, chi collegat Fonne a Desulu, su nie at ammuntadu s’isfaltu. Sa Polizia Istradale de Nugoro est teppida bessire a campu po controllare sa situatzione e garantire sa sicuresa de sos automobilistas, in su mentres chi sos medios chi che bogant su nie e chi isparghent su sale de sa Provintza sun bessidos a campu po attransare sa viabilidade.

In custu momentu, no si marcant problemas importantes, ma sas autoridades accumentant prudentzia po chie passat supra sas carrelas interessadas dae su tempus malu.

Sas primas nivadas supra su Gennargentu sunt unu momentu de maghia po sos abitantes e sos bisitadores de cussu logu. Sa bista, cambiada in d’una iscena bianca de jerru, attirat non solu sos appassionados de sos montes, ma puru fottograffos e amantiosos de sa natura, chi cherent ammirare sa bellesa agreste de sa Sardigna cun su nie. Custa passada de frittu e nie, mancari fettat cumprendere chi est giai arrivadu s’jerru, no est un’abbenimentu istravanadu po sos montes de su Gennargentu, chi a s’ispissu offerrint bistas prenas de incantu in custa istagione. Tuttu s’iscrocca, dae Fonne a Desulu, si preparat a bivere chitas de clima righidu ma puru de ammaju naturale mannu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Nora, sa tzittade supra de su mare chi contat sas issidas de sa Sardigna.

Intre sos logos archeologicos prus ammaghiantes de s’isula,sa zura archeologica de Nora est una de sas testimonias prus importantes de s’istoria antiga de sa Sardigna. Posta in sa costa sud-occidentale , in s’iscrocca de Pula, Nora est unu logu inube su tempus passadu ispuntat a pagos passos dae su mare, intre ruinas chi contant seculos de tzivilidade e barattos in su Mediterraneu.

Fundada cun meda probabilidade dae sos Fenicios intre su IX e s’VIII seculu A.C.,Nora est cussiderada una de sas tzittades prus antigas de s’isula. Pustis est divennida unu tzentru punicu importante meda e, prus a tardu,romanu, leande unu rolu istrategicu dae su puntu de bista de sos negossios chi de s’amministrassione. Sa posissione sua,supra de una penisula accarada supra su mare, l’at fatta divennere unu portu naturale e unu puntu de collegamentu de fundamentu intre sa Sardigna e sos atteros caminos de su Mediterraneu.

Passizzande intre sos restos de sa tzittade si podent biere in manera crara sas fases istoricas divressas chi sunt furriadas in su tempus.Intre sos elementos prus de ammaghiu bi est su teatru romanu, una de sas conas de su situ, chi fintzas oe benit impittadu in su mentres de s’istiu pro abbenimentos culturales e ispettaculos. Accanta a su teatru bi sunt sos istabilimentos termales, cun logos dedicados a su relax e sa vida sotziale, e parizzas domos decoradas cun musaigos chi testimonzant su livellu de isviluppu apperricadu dae sa tzittade in su tempus de sos romanos.

Sos caminos sticcados,sos restos de sas cresias e sas istrutturas de su portu contant de una tzittade biva e ordiminzada, inube si intrintzaiant attividades de barattu,religiosas e de donzi die.Interessante meda est su cuartieri punicu, chi custoid sas andalas de sa fase prus antiga de su logu. Unu de sos trattos pius ammaghiantes de Nora est s’appitzicu suo cun su mare. Parte de sa tzittade antiga s’isterriat in sa costa e oe carchi istruttura si agattat sutta de su livellu de s’abba, e si biet solu in carchi occasione.

Custu elementu dat unu contribbudu a faghere divennere su situ unigu, inube archeologia e bista naturale si fundent in d’unu ecchilibriu ammaghiante.Sos iscavos, chi sunt ancora faghinde, sighint a torrare materiales e informatziones novas, arricchinde sa connoschentzia de unu logu chi no at ancora iscoviadu sos segretos suos.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22