Su disignu de legge supra sos logos abiles po sos impiantos de balias annoabiles est casi a unu passu dae s’approbada deffinitiva. Pustis demun’esame cadriu, su Cunsizzu Regionale at approbadu tottu sos articulos e sos unidos tecnicos de su provvedimentu. Su caminu de sa legge est andadu a daenanti a sa lestra.

Su disignu de legge est unu coladorzu importante po deffinire sas politicas de sas balias regionales, indittande sa manera po su controllu de sos logos abiles po faghere impiantos annoabiles. S’approbada deffinitiva sua, non solu sinzat una bortada normativa, ma binchet sa “legge 5”, s’attrassidu de 18 meses fattu po frimmare s’ispeculatzione in su mentres de s’approbada de sa legge. Cun s’operatividade de su testu novu, s’attrassidu at essere iscantzelladu, faghinde divennere chentza balore sa sentenzia de sa Corte Costitutzionale.

S’urtimu trettu de sa dibatta at bidu puru s’approbada dae parte de tottus de un’ordine de su die prenu de signifficu, frimmadu po primu dae Ciusa e pustis dae tottu sos “capogruppo”. Su documentu istabilit s’arrealia a assemidare depositos de arga radioattiva supra s’iscrocca regionale, cunfirmande cantu giai espressadu cun craresa dae sos tzittadinos sardos in su referendum de su 2011.

In s’ordine de su die si evidentziat s’impignu de sa Giunta regionale e de sa Presidente sua a azzuare sos esponnentes sardos de sas istitutziones a livellu regionale e de s’Europa. S’intentu est de apprettare su Guvernu italianu a torrare a cussiderare cale si siat idea de dassare sos refudos nucleares in Sardigna, tutelande su patrimoniu ambientale, culturale e sotziuaccolomicu de s’isula. Custa posissione si che ponet in d’unu cuadru de deffensa de sa volontade populare, chi est giai abbuttinada dae initziativas industriales chi no semper andant de accordu cun sa sustenibilidade.

Sa dibatta at evidentziadu sa tzentralidade de unu puntu de bista chi cojuat s’isviluppu de sas balias annoabiles cun sa diffesa de s’iscrocca, arrefudande in manera detzisa donzi cungittura ligada a su nucleare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Regorta differentziada,Sardigna intre sas primas ma serbit unu passu in prus.

Sa Sardigna si cuffirmat intre sas regiones prus attentas a sa conduida de s’arga. In su 2024 sa regorta differentziada est arrivada a su 76,5% e balet su terzu postu in Italia, in daesegus de Emilia Romagna e Veneto.

S’elementu,presentadu dae Legambiente in su mentres de s’Ecoforum de Casteddu, mustrat una situassione positiva.Intames si registrat una minimada pitticca de sos comunes prus virtudosos e de cussos chi resessint a arrivare a prezenias artas meda de regorta. In d’una parte manna de s’isula sunt oramai diffundidas abitudines bonas in s’isseperu de s’arga, signu chi in sos annos est bistadu fattu unu tribagliu importante dae sas amministratziones e sos tzittadinos. Sa regorta gianna pro gianna e un’attentzione prus manna a sos cumportamentos de donzi die ant dadu unu contribbudu pro mezorare sos risurtados.

A su mattessi tempus addurant ancora trempas de mezoramentu. Carchi tzentru no arribat a sos livellos prevedidos e sighint a faghere prus fatiga,comente Tattari, mancari siant arribande cambiamentos chi diant podere battire menzus resurtados giai in sos annos imbenientes. Intre sas tzittades printzipales si annoditant Aristanis e Nugoro, chi cuffirmant prezenias artas e organizassione bona de su servitziu, divenninde puntu de relata fintzas po sas atteras iscroccas.

Su cuadru chi bessit a pizu est cussu de una regione chi at fattu passos in daenantis importantes, ma chi non si podet permittere de si frimmare. Una parte de s’arga sighit difattis a no essere differentziada e custu pesat siat supra de s’ambiente chi supra sos costos pro sas comunidades. Sa bera porfia como no est solu mantennere sos risurtados segudados, ma los rendere prus pariviles in totta sa Sardigna. Bi sunt iscroccas chi andant bene meda e atteras chi addurant in daesegus: minimare custa differentzias at essere de fundamentu pro mezorare deabberu su sistema.

In giogu non bi est solu una prezenia, ma sa manera cun sa cale si abbidat a su tempus benidore. Mezorare sa derettura de s’arga cheret narrere de minimare su corpu supra de s’ambiente, ma fintzas fraigare comunidades prus scientes e responsabbiles. Est unu caminu chi dimandat continuidade e impignu e seperos craros, pro itte sos resurtados alcansados fintzas a como mustrant chi furriare est possibile, ma solu si si andat a daenantis chena si frimmare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22