Un’addobiu emossionante e riccu de signifficu cussu chi bi est bistadu in sa comunidade “S’isprigu” de Domusnovas, unu tzentru de eccellentzia po sa cura de sos istorbos de s’addescu e de sa nudrissione. A ispantu, sos istranzos de s’istruttura ant accollidu duos istranzos ispetziales: su cantadore Jovanotti e su chi navigat cun sa bela Giovanni Soldini, chi, accumpanzados dae unu caru amigu, babbu de una picciocca chi est faghinde su percursu in cussa istruttura, ant dezididu de bisitare sos zovanos chi bi sunt e sos chi tribagliant in su tzentru.

S’addobiu est bistadu un’occasione po cundividere esperientzias de vida e ghettare nuntzos de isperantzia, mescamente in sos momentos de difficultade. In su mentres de sa bisita, Jovanotti e Soldini ant contadu sas istorias personales insoro, faeddande de sas difficultades e de sas porfias chi ant accomettadu in sos momentos de sa vida insoro. Ambos duos ant cundivididu su nuntzu chi, mancari sas difficultades, est possibile de si nde pesare, torrare a partire e acciappare sa fortza de andare a daenanti.

Unu tema chi est piaghidu meda a sos istranzos de sa comunidade, chi sunt accomettande unu percursu de cura po sos istorbos de s’addescu comente sa disgana e s’ischirru. Unu momentu emossionante est bistadu cando Jovanotti at dezisu de cantare carchi cantone sua de sas pius nodidas. Cun sa musica sua at donadu momentos de emossione e consideru, e issu mattessi at contadu a su pubbricu chi, dae zovanu, non tiada aere mai immaginadu de divennere unu cantadore, pro itte su sognu suo a s’incumintzu fit cussu de faghere su deejay.

Sa bisita sua, duncas, no est bistada solu un’addobiu cun duas personalidades importantes meda, ma fintazs una lezione de resistentzia de chie, mancari sas difficultades e sos sognos de s’incumintzu chi cambiant, at ischidu abberare su fadu suo. S’addobiu si est pustis trasformadu in d’unu faeddu fungudu con sos duttores e sos operadores de su tzentru, a sos cales Jovanotti e Soldini ant fattu paritzas preguntas supra sos istorbos de s’addescu, supra sos motivos e supra s’effettu chi podent tennere supra sa vida de sos zovanos.

S’interessu de ambos duos po sos problemas sotziales e de sa mente ligados a sos istorbos de s’addescu est bistadu evidente: una de sas cosas chi dat pius de itte pensare est s’accreschimentu de sos istorbos de s’addescu in su mentres e pustis de sa pandemia de su Covid-19, cun d’unu accreschimentu de su 35/40%. A dolu mannu, su fenomenu at cussideradu un’edade semper pius bassa, cun “S’Isprigu” chi accollit fintzas sos zovaneddos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Su carrasegare de Marrubiu, connoschidu commente Su Marrulleri, at alcansadu su riconnoschimentu de grandesa de “Carrasegare istoricu” dae parte de su Ministeru de sa Cultura. Custu titulu importante meda cunfirmat su balore culturale, istoricu e artisticu de s’isfilada, ghettandela in mesu de sos abbenimentos pius importantes de sa bista de su connottu a livellu naztionale.

Su Marrulleri affundat sas raighinas suas in d’una istoria de casi 45 annos, in su mentres de sa cale s’isfilada si est trasformada in d’unu abbenimentu conicu de sa cultura de su carrasegare sardu. Naschida comente espressione de creatividade locale e passione po s’arte de sa cartabista, oe sa festa est una de sas pius ispettaculares de sa Sardigna. Donz’annu, s’isfilada de punta biet s’intzidida de pius de 20 carros de cobertantza, fattos cun eccellentzia artigianale istravanada, chi arribant dae tottu s’isula.

Po animare s’abbenimentu bi sunt pius de 5mizza caratzas e unu pubbricu de pius de 20mizza pessonas, chi arribant po assistire a s’ispettaculu unicu. Su riconnoschimentu de “Carrasegare istoricu”,cunfirmat s’importantzia de preservare custa manifestassione comente parte de su patrimoniu chi non si podet toccare de s’Italia.

S’isfilada de Marrubiu, giai insertada in sos abbenimentos de interessu turisticu mannu de sa Regione Sardigna, est unu motore po su turismu e s’accolomia locale. In su mentres de sas dies de Carrasegare, sa bidda si revertit in d’unu polu de attrassione po sos bisitadores chi arribant dae donzi parte de s’isula e no solu. Sos carros e sas musicas trabentantes mustrant un’ispettaculu chi attrait non solu appassionados de connottu popolare, ma fintzas turistas chi cherent iscoperrere sa berteresa de sa Sardigna.

Unu de sos elementos chi distinghent est sa cartabista, unu connottu chi dimandat abilidade artigianale e creatividade. Donzi carru est su fruttu de meses de tribagliu dae parte de sos assotzios e de sas comunidades locales, chi ponent s’anima e su coro po fraigare operas unicas. Sos carros sunt beras operas de arte prenas de addelentu e fantasia.

Su titulu de “Carrasegare istoricu” est unu puntu de arrivu, ma puru un’incumintzu novu po Su Marrulleri. Gratzias a custu riconnoschimentu, su Carrasegare de Marrubiu at a podere tennere atteros finantziamentos chi nde podent garantire sa creschida e sa visibilidade a livellu natzionale e in tottu su mundu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22