Cun d’una sententzia sa Corte Costitutzionale at declaradu s’illegittimidade de sa leze regionale n.2 de su 2024, chi punnabat a mantennere tottu sas autonomias de sas iscolas de s’isula po s’annu 2023/2024. Sa detzisione de sa Corte, ets una bortada importante meda po su sistema iscolasticu de sa Sardigna.

Sa leze regionale sarda, fit bistada fatta cun s’intentzione de preservare sas autonomias iscolasticas de s’isula, garantinde s’autonomia a tottu sas iscolas chi bi funt. Bell’e gai, sa Corte at nadu chi sa leze sarda andat contra s’articulu 117, sigundu comma,littera n) de sa Costitutzione, chi dat cumpetentzia scetti a s’istadu supra de sas “normas generales de s’istrutzione”.

Segundu sos zuighes, sa leze regionale innorat su printzipiu de appitzicu de su numeru de dirigentes iscolasticos chi sunt bistados assinzados e su numeru de iscolas chi tenent s’autorizzatzione a operare. In pius, sos zuighes costitutzionales ant evidentziadu chi sa leze sarda est in cuntrastu cun sa littera g) de su mattessi articulu costitutzionale, chi narat chi est de s’istadu sa cumpetentzia in su controllu de su personale pubbricu.

Segundu sa sententzia n. 223 de su 2023, difattis, su determinu de su personale de s’iscola est de cumpetentzia de su pubbricu impiegu de s’istadu e non podet essere cambiada a livellu regionale. Sa Corte duncas at pretzisadu chi sas Regiones tenet sa facultade de detzidere su tipu e inue ponnere sas istitutzione iscolasticas supra s’iscrocca insoro, e de nominare atteras iscolas de azzunghere o ponner imparis a cussas chi gia bi sunt. Custa autonomia,intamen, depet sighire cun sas regulas istatales, chi ligant sas Regiones a su rispettu de su numeru de sos dirigentes iscolasticos e de su personale amministrativu chi benit istabilidu a livellu natzionale cun d’unu decretu de su Ministeru.

Custa condissione est netzessaria po mantennere un’organissasione chi siat sa mattessi in tottu s’Italia po su sistema de s’iscola pubbrica. Sa sententzia est destinada a faghere chistionare sas autoridades regionales e s’istadu, pro itte sos numeros de s’iscola sunt una chistione meda delicada in Sardigna, chi tenet un’iscrocca manna e sa populatzione iscolastica chi est ispartida in biddigheddas pitticcas meda.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Ozzastra terra de istoria: sos printzipales sitos archeologicos de bisitare intre nuraghes,biddas antigas e monumentos de sa tzivilidade nuragica.

S’Ozzastra est una de sas zuras de sa Sardigna prus riccas de istoria antiga. In cust’iscrocca si agattant sitos archeologicos meda chi contant sa vida de sas populassiones chi istaiant in s’isula mizza e mizza de annos faghet.

Intre montes, campedas e campagnas si podent biere nuraghes, tumbas de tzigantes, tumbas antigas irfossadas in sa rocca e restos de biddas. Bisitare custos logos est commente faghere unu biazu in su passadu e connoschere menzus s’istoria de sa Sardigna e de sas tzivilidades chi ant bividu s’isula prima de s’arrivu de sos romanos.

Unu de sos sitos prus connoschidos est su Nuraghe Ruinas, chi si agattat in s’iscrocca de Arzana. Custu nuraghe est unu de sos prus artos de sa Sardigna e si agattat in d’una posissione crara dae sa cale si podent biere sos montes de su Gennargentu. In s’iscrocca de Triei si agattat sa Tumba de sos Tzigantes de Osono, unu de sos monumentos de interru prus importantes de s’Ozzastra. Un’atteru situ interessante meda si agattat in s’iscrocca de Bari Sardo, inube bi est su Nuraghe Sellersu. In s’iscrocca de Cardedu si agattat invetzes sa Necropoli de Monte Arista, una zura in sa cale sunt bistadas agattadas tumbas meda irfossadas in sa rocca.

Intre sos sitos prus importantes de s’Ozzastra bi est fintzas su cumplessu archeologicu de s’Ortali’e su Monti, in s’iscrocca de Tortolì. Si trattat de unu de sos sitos prus bisitados de sa zura e accansat monumentos divressos intre sos cales unu nuraghe mannu, una tumba de sos tzigantes e restos de biddas antigas. Importante meda est fintzas su situ archeologicu de s’Arcu ‘ e is Forros, in s’iscrocca de Villagrande Strisaili. Custu logu fuit una bidda nuragica manna chi in passadu teniat fintzas unu rolu religiosu e de negossiu. Sos archeologos ant agattadu restos de cresias, magasinos e buttegas po tribagliare sos metallos.

S’Ozzastra est duncas un terra ricca de testimonzas archeologicas chi permittint de iscoperrere s’istoria prus antiga de sa Sardigna. Sos nuraghes, sas tumbas e sas biddas antigas sunt unu patrimoniu pretziosu meda chi contat s’issida de s’isula. Bisitare custos logos cheret narrere connoschere menzus su tempus passadu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22