In Casteddu bi est bistadu su primu secuestru de “ cocaina arrosa” chi siat mai bistadu registradu in Sardigna,marcande una bortada importante meda in sas scruccullas supra su trafficu de droga in s’isula. Chie est bistadu arrestadu in s’operassione est unu zovanu de 28 annos, chi arribat dae Casteddu, giai connoschidu dae sa politzia po atteros fattos semper de droga.

Sas autoridades suspettant chi s’omine eppat tentu unu rolu tzentrale in s’isparghimentu de sa sustantzia nova in s’iscrocca de sa Sardigna, contribbuinde a che la faghere bintrare in presse meda in sos roglios de s’ispatzu locale.

S’iscruccullu chi lu at fattu arrestare est partida dae signales fattos dae zente chi non si connoschet, chi faeddaiant de sa presentzia de custa droga, periculosa meda in Sardigna. Gratzias a unu tribagliu de” intelligence” attentu meda, chi at fintzas fattu controllare logos connoschidos po su consumu de sustantzias chi abberelant, sos aberguadores sunt resessidos a fraigare sa retza de ispartidura e connoschere su nomene de su suspettadu printzipale.

Sas operassiones de controllu ant permittidu de connoschere logos e pessonas chi faghiant parte de s’organissasione, coffuzinde a sa politzia de ottennere informatziones chi sunt servidas po s’operassione. Mancari su nomene potat rebusare, sa “cocaina arrosa” de raru capet cocaina. Si tratta difattis de una mistura meda periculosa de sustantzias chi mandant fora de conca, ammiscidas cun atteras sustantzias commente oppio e sustantzias chimicas sinteticas, chi faghent creschere sos effettos.

Su colore arrosu benit alcansadu aggiunghinde unu colorante chi si usat po sa cosa de mandigare. Su zovanu est bistadu arrestadu a s’essida de domo sua, inube sa poliztia at fattu unu cumpidu. Sa droga est bistada acciappada cubada intre una bomboledda spray modificada, mustrande sa delicadesa e s’inzenniosidade de sos metodos usados po cubare sa droga.

Sas scruccullas las ant fattas fintzas in domo de su piccioccu. Sa politzia at esaminadu fintzas sos computers e sos telefoneddos de su piccioccu, chircande proas chi potant servire po connoschere atteros cumpanzos e zente chi comporat meda droga. Sa droga secuestrada est bistada controllada in sos istudios de su RIS de Casteddu. S’omine ch’est bistadu leadu in sa presone de Uta, inube at addurare ispettande sa fine de sas scruccullas.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Tribulìa in sa plaja in Casteddu: piccioccu de seighi annos agattadu mortu pustis de una festa a denotte.

Un festa in atta ‘e mare est finida in sa manera pius drammatiga. Est ancora imboddicada in su misteru sa morte de Mariano Olla, 16 annos, naschidu in Casteddu, ma chi dae carchi annu bistaiat in Sestu, su corpus de su cale est bistadu acciappidu a s’arbeschida de dominiga 15 de lampadas in sa plaja intre su portu de Su Siccu e sa passizzada scalu de Sant’Elia.

A iscoperrere su corpus, a deghe metros dae sa riva, sunt bistados piscadores e zente chi faghiat su bagnu in cussu logu. In presse meda sunt arrivados sos Viglies de su Fogu po su recuberu de su corpus, sighidu dae s’arribu de sa politzia e de su 118, chi ant potidu solu cunfirmare chi su zovanu fit mortu. Su piccioccu teniat ancora sas iscarpas e sos pantalones curtzos, ma non teniat sa maglia. No presentaiat sinzos de violentzia.

Secundu sos primos pensamentos, intre su notte bi diat essere bistada una festa propriu in cussa plaja pitticca e franta, pagu attesu dae su coro de sa “movida” de sos zovanos de su portu turisticu de Su Siccu. Addurat peroe de accrarare si Mariano esserat deabberu intre sos partetzipantes a sa festa e, si custu est beru, itte potat essere capitadu in sas oras imbenientes.

Sa plaja in sa cale est bistadu agattadu su corpus, una limba de rena pitticca in daesegus de su molu de su portu, si podet segudare dae una caminera de terra chi partit dae su parchizu Coro, su mattessi impittadu dae sos tiffosos po sas partidas a sa Unipol Domus, s’Istadiu de su Casteddu. A curtzu si agattant puru s’istadiu bezzu e su Lazzaretto. Sa Politzia at fattu partire sas scruccullas po accrarare sos motivos de sa morte. Sunt gia bistados iscurtados sos familiares de su piccioccu e si est chircande de torrare a fraigare sas urtimas oras de sa vida sua.

Unu puntu de fundamentu de s’iscrucculla at essere de cumprendere si su piccioccu si siat istesiadu a sa sola, si si siat intesu male, o si bi siant bistados elementos de arriscu in sa serana. At essere importante sa resessia de lotomia.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22