In su coro de Pompei, in mesu a sas ruinas antigas chi contant s’istoria de unu passadu attesu meda, Madonna at seperadu de tzelebrare sos 66 annos dae sa naschida sua, cun d’unu inclinu chi at tzelebradu su connottu e sa cultura italiana, e in manera particulare de sa Sardigna.

Sa popstar est diffattis apparessida imboligada in s’isfartzu de sas prendas frimmadas Dolce e Gabbana Alta Moda, creatziones unicas ispiratas a s’antiga arte de sa pratteria sarda, unu connottu chi dae seculos incarnat s’elegantzia e s’abbilesa de sos maistros de s’Isula.

Sas prendas chi at bestidu Madonna, cun su design insoro, riccu de sinzos e istoria, donant unu tribbudu a sa Sardigna, un’Isula in sa cale s’arte de sa pratteria est nomenada po s’attentzione a sos particulares e s’annaghidura funguda cun sa cultura locale.

Dolce e Gabbana, chi sunt semper abbizosos po balorizare sas raighinas italianas in sas creatziones insoro, ant acciappadu s’essentzia de sa Sardigna, traduinde su connottu suo in picculos chi contant un’istoria de milli e milli annos. Custas prendas, giai ammiradas in su passadu mese de triulas in su mentres de un’isfilada in sas galanosas ruinas de Nora, ant acciappidu un’iscena nova gratzias a su seperu de Madonna de los bestire in su mentres de sa bisita sua in Pompei.

Sa detzisione de sa popstar de seperare sas prendas ispiratas a sa Sardigna non est solu unu seperu esteticu, ma fintzas unu reconnoschimentu de su balore artisticu e culturale de custa regione. Cun su disignu imbojadu, chi ammentat intzimias e tennicas propias de sa pratteria sarda, sas prendas de Dolce e Gabbana ant fattu diventare su look de Madonna meda pius de signifficu e riccu de fentomos istoricos, tzelebrande unu connottu chi sighit a bivere e lutzigare.

Sa serana de Pompei at gai mustradu non solu un’occasione po tzelebrare in manera manna, ma fintzas po affortigare su ligonzu intra sa popstar e s’Italia, cun d’una trauda particulare a sa Sardigna. Su seperu de sas prendas de Dolce e Gabbana, ispiratas a s’arte de sa pratteria sarda, at dadu unu balore in pius a sa presentzia sua, cunfirmande po un’attera borta Madonna commente una cona capatze de fundere moda, cultura e impignu sotziale in d’unu unicu istravanadu abbenimentu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Dae sa presone a su tzinema:s’istoria de Beniamino Zuncheddu divennit unu film.

S’istoria de Beniamino Zuncheddu, unu de sos casos prus graves de faddinu zudissiariu in Italia, at a divennere a sa lestra unu film.Un’istoria longa e prena de dolore chi at sinzadu in manera funguda sa vida de un’omine, adduradu in presone pro prus de trint’annos mancari eppat semper nadu de essere innotzente. Zuncheddu, ex pastore sardu, fuit bistadu arrestadu in su 1991 accusadu de una mattansa in Sinnai, in sa cale fuint bistadas bocchidas tres pessonas e un’attera fuit addurata ferta in manera grae.

In cussu tempus fuit pagu prus che unu piccioccu, ma fuit bistadu cundennadu a sa presone a vida pro mesu de elementos chi in su tempus si sunt iscobiados chena nissuna fidantzia. Pro prus de trint’annos at bividu in daesegus de sas travessas,perdinde sos annos prus importantes de sa vida sua,attesu dae sa famiglia, dae sos affettos e dae cale si siat possibilidade de si fraigare unu tempus benidore. Una vida suspesa, sinzada dae s’isettu e s’isperantzia de podere dimustrare
s’innocentzia sua. Solu in su 2024, pustis de una battalla legale longa, fatta de ricursos e controllos de su protzessu, est arribada s’assolutzione deffinitiva chi at reconnoschidu chi no aiat cummittidu su fattu, torrandeli sa libertade.

Una detzisione chi at atzesu s’attentzione supra s’accadessidu e supra sas responsabbilidades de unu sistema chi, in custu casu, at faddidu in manera grae.Como cust’istoria arribat a su tzinema cun d’unu film chi at a contare non solu su casu personale suo,ma fintzas su pesu umanu e sotziale de una cundenna male
fatta.Sas ripresas si prevedint in Sardigna e su disignu puntat a faghere connoschere a unu pubbricu prus mannu una muda chi at corpadu in manera funguda su pubbricu.

Su film at a contare sa sufferentzia,sa soledade e sa fortza de chie sighit a battallare fintzas cando tottu paret perdidu,poninde a su tzentru sa dignidade de una pessona chi non at mai tzessadu de si decrarare innotzente. A su mattessi tempus,at essere fintzas una manera pro meledare supra cantu siat importante su
tribagliu de sa zustissia e supra cantu siat chidrinu su compidu de atzertare sa veridade.

Cussa de Beniamino Zuncheddu est un’istoria chi andat addia de su casu singulu.Est sa dimustrassione de cantu pottant essere graes sas cusseguentzias de unu errore e de cantu siat diffitzile remediare a su tempus perdidu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22