S’abbenimentu unicu de s’Arta Moda 2024 de Dolce&Gabbana, cust’annu si faghet in Sardigna, apparande un’occasione istravanada po tzelebrare sa moda, sos mastros e sa cultura locale. Su seperu de sas cussorias, S.Margherita di Pula e Nora, postas a lacanas de Casteddu, mustrat s’intentu de balorizzare una zura pius pagu connoschida, ma chi est de ammaju mannu e importazntzia culturale. Custos logos unicos, refrettint in manera perfetta sa cumbinassione de conntottu e annoamentu chi annodittat su nomene.

Sa bogada a campu, incumintzada su 30 de Lampadas e chi congruit su 3 de triulas, ghiada cun creatividade dae Domenico Dolce e Stefano Gabbana,apparat paritzos abbenimentos chi incluirint sas collessiones de Arta Moda, Arta Drapperia e Arta Oreria, cun creassiones ispiradas a su connottu de sa filigrana sarda, una tennica antiga e reffinada de s’artigianadu, chi mustrat s’attentzione po sos particulares e s’espertesa de sos mastros.

Su momentu pius importante de sa bogada a campu at essere s’abbenimentu dedicadu a s’Arta Moda de su 2 de triulas, in s’istravanadu parcu archeologicu de Nora. Custa bista chi che bogat s’alenu, cun sas antigas derruttas romanas, at apparare un irfundu chi non si podet ismenticare e chi intritzat s’istoria antiga de sa Sardigna cun s’elegantzia e sa reffinadesa de sas creassiones de Dolce &Gabbana.

Sos bistires unicos e ispettaculares, pensados po evidentziare sa femininidade cun su toccu chi non si podet cunfundere de sos duos creativos, promittint de essere una celebrassione de sa bellesa e de s’arte de sos drapperis.

S’abbenimentu finale, riservadu a s’Arta Drapperia, at essere dedicadu a s’omine e at essere su 3 de triulas in su prenu de grandesa Forte Village Resort. Sos bistires pius galanosos e a mendica, chi ponent impare su connottu e s’annoamentu, ant essere presentados in d’unu logu chi evidentziant s’abilidade de sos drapperis e s’elegantzia chentza tempus.

Custu seperu de ponnere a su tzentru de sas collessiones su”fattu a manu” evidentziat s’importantzia de sos artigianos de su logu e de sa cultura sarda,apprettandelos a livellu internatzionale po mesu de s’interpretatzione de s’elegantzia unica de Dolce e Gabbana.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Dinamo Sassari derretta dae Reggio Emilia, divenit prus diffitzile arribare intre sas primas.

Amargura pro sa Dinamo Sassari chi perdet contra su Reggio Emilia pustis de una partida chi pariat sutta de controllu. S’isquadra tattaresa est bistada in daenantis in sos puntos casi po tottu sa partida e a unu tzertu puntu at tentu fintzas unu vantazu mannu. In sos urtimos minudos peroe sos istranzos sunt resessidos a passare in daenantis e binchere.

Sa derretta pesat mescamente pro sa classifica. Si sa Dinamo epperet binchidu diat aere fattu unu passu importante meda pro si accostare a sas primas isquadras de su campionadu. Invetzes cun custu risurtadu sa carrela divenit prus cumplicada e sa distanztia dae sas primas de sa classifica creschet. Pro bona parte de sa partida s’isquadra de Tattari at giogadu bene. At acciappidu canisteddos cun fatzilidade e est resessida a fraigare unu vantaggiu bonu. Su pubbricu de su PalaSerradimigni at agguantadu s’isquadra isperande in d’unu sutzessu chi podiat battire cunfiantza pro sa fine de s’istajone.

In sos urtimos minutos peroe, sa situassione est cambiada. Reggio Emiliaat incumintzadu e recuberare puntu subra puntu mentres sa Dinamo at perdidu unu pagu de siguresa. Carchi assione no est andata bene e sos istranzos nde ant approfittadu pro si accostare semper de prus in sos puntos fintzas a binchere sos tattaresos in su finale.

Intre sos giogadores de sa Dinamo unu de sos menzus est bistadu Desure Buie chi at sinzadu puntos meda e d’est bistadu pro parizzu tempus su puntu de relata de s’isquadra in attaccu. Cando peroe est bistadu cambiadu pro si pasare un’appena su giogu de sa Dinamo at abbaccadu e s’isquadra at tentu problemas a acciappare solutziones novas. Una cosa positiva est arribada dae sa torrada in campu de Marshall pustis meda tempus de assentzia pro problemas fisigos. Su giogadore at incumintzadu bene sa partida sinzande duos tiros importantes dae attesu.

Dae s’attera parte Reggio Emilia at sighidu a bi creere fintzas a sa fine. Carchi giogadore suo at acciappidu canisteddos importantes in sos mamentos detzisivos e s’isquadra est resessida a binchere una partida chi pariat giai perdida. Pro sa Dinamo addurat duncas delusione meda. Pro meda tempus s’isquadra aiat mustradu de podere binchere ma in sos urtimos minutos est cambiadu tottu. Est una de cussas partidas chi dassant delusione pro itte su sutzessu fuit deabberu accanta.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22